- Rede Galega de Teatros e Auditorios
- Rede Galega de Musica ao Vivo
- Rede Galega de Salas
- Feria Galega das Artes Escénicas
- Axencia Audiovisual Galega
- Centro Coreográfico Galego
- Centro Dramático Galego
- Escola de Altos Estudos Musicais
Vacuo
De Maruxa Salas Primeira produción do Centro Coreográfico Galego
VACUO é unha metáfora… a natureza, a nosa alma e cada un de nós mesmos.
Existimos pero non vivimos. Delimitamos o noso espazo con medos, preocupacións, prexuízos que enlodan e tinguen de negro, que nos privan de ver máis aló…non temos tempo na nosa vida cotiá de escoitar e gozar do son da chuvia, esquecemos a súa importancia física e espiritual…
Presentamos un espazo Vacuo que propón unha arte de vivir, non como unha explicación senón como comprensión, entendemento, concienciación…un xeito de rexeneración, de reformulación da vida, do presente, con matices e cores sen deixar que o agora se enturbe e mude en escuridade.
Sorprendentemente hoxe a natureza perde cor. Non será esta un espello da nosa alma? un modo de reflectir o noso presente máis inmediato?
A resposta está en nós mesmos, no noso propio Vacuo, un espazo onde hai cores, a túa cor, a da túa vida, lugar de renovación e comunicación, onde a inmensidade da natureza se pode contemplar, vivir, bailar e gozar.
Maruxa Salas
Existimos pero non vivimos. Delimitamos o noso espazo con medos, preocupacións, prexuízos que enlodan e tinguen de negro, que nos privan de ver máis aló…non temos tempo na nosa vida cotiá de escoitar e gozar do son da chuvia, esquecemos a súa importancia física e espiritual…
Presentamos un espazo Vacuo que propón unha arte de vivir, non como unha explicación senón como comprensión, entendemento, concienciación…un xeito de rexeneración, de reformulación da vida, do presente, con matices e cores sen deixar que o agora se enturbe e mude en escuridade.
Sorprendentemente hoxe a natureza perde cor. Non será esta un espello da nosa alma? un modo de reflectir o noso presente máis inmediato?
A resposta está en nós mesmos, no noso propio Vacuo, un espazo onde hai cores, a túa cor, a da túa vida, lugar de renovación e comunicación, onde a inmensidade da natureza se pode contemplar, vivir, bailar e gozar.
Maruxa Salas
Equipo artístico
Coreógrafa: Maruxa SalasAsistente de Dirección e Coreografía: Erick Patrith Jiménez Vindas
Asistente e Repetidor: Igor Goyena Mediavilla
Bailaríns: María Pilar Abaurrea, Pablo Aradillas, Lorena Ballesteros, Elena Conesa, Alexis Fernández (Maca), Carmela García, Miguel Ángel Llorenç, Kirenia Martínez, Cristina Miralles, Gustavo Muñiz, Amparo Novas, Matilde Pedreira, Ana Beatriz Pérez, Caterina Varela, Iván Villar
Espazo escénico e iluminación: Baltasar Patiño
Espazo sonoro e música: Berrogüetto
Vestiario: Ruth Díaz
Pezas audiovisuais: Adriana Domínguez
Ficha técnica
Xénero: DanzaDuración: 55 minutos
Idade: A partir de 12 anos
Espazo:
- Boca - 9 metros
- Fondo - 8 metros
- Alto - 6 metros
Maruxa Salas, directora artística de VACUO
Coreógrafa e bailarina ourensá, Maruxa Salas dirixe xunto a Iván Pérez o proxecto Neodans. Licenciada en Danza –especialidade de Coreografía e Técnicas de Interpretación– polo Instituto Superior de Danza Alicia Alonso de Madrid, onde foi galardoada co Premio de Composición Coreográfica 2004, cursou tamén a carreira de Ballet Clásico da Royal Academy of Dancing de Londres e do Conservatorio Profesional de Danza de Madrid. En 2002 obtivo unha bolsa da SGAE para perfeccionar a súa formación no Ballet Nacional de Cuba, onde dous anos despois traballou como coreógrafa convidada.En 2001 presentou en Madrid e na Habana unha das súas primeiras creacións, Per Loca Marítima, pola que recibiu o Premio Especial Teatro de Madrid e o primeiro premio no Certamen de Jóvenes Creadores. En 2003 foi recoñecida co primeiro premio no II Certamen Internacional de Coreografía Burgos-New York por Minube, programada polo Korzo Theater (Holanda) e escenificada tamén en diferentes espazos de España e Cuba. Didenoi é o título dunha das súas últimas propostas, que o Ballet Nacional de Cuba incorporou ao seu repertorio e coa que obtivo diferentes galardóns: segundo premio no IV Certamen Burgos-New York (2005), terceiro premio e premio á bailarina sobresaínte no III Certame de Creación Coreográfica de Galicia (2005), convocado polo AGADIC, e mención especial no Concurso Iberoamericano de Coreografía (CIC 04) da SGAE. En 2003 actuou no Holland Dance Festival como bailarina solista de Orlando, de T. Stuart.
Bolseira da Fundación Alicia Alonso, entre 1998 e 2002 participou en diferentes producións do Joven Ballet de Cámara de Madrid. De 1995 a 2000 tamén foi bolseira da escola África Guzmán de Madrid, traballando como bailarina solista e coreógrafa.