- Rede Galega de Teatros e Auditorios
- Rede Galega de Musica ao Vivo
- Rede Galega de Salas
- Feria Galega das Artes Escénicas
- Axencia Audiovisual Galega
- Centro Coreográfico Galego
- Centro Dramático Galego
- Escola de Altos Estudos Musicais
Centro Coreográfico Galego
O Centro Coreográfico Galego (CCG) iniciou en 2006 o seu funcionamento no seo da Consellería de Cultura e Deporte, como principal ferramenta ao servizo do desenvolvemento integral da danza en Galicia.Esta misión xeral que ten encomendada materializarase mediante distintas accións concretas, que fornecerán a este novo departamento para ser o punto de encontro de referencia para as iniciativas e demandas dos profesionais do sector, ademais de realizar, de xeito paralelo, un labor de difusión da danza entre a cidadanía.
Obxectivos
- A creación de espectáculos de danza de elevada calidade artística.
- A circulación de información, de profesionais e dos produtos artísticos.
- O apoio á investigación e á innovación.
- O impulso á formación de profesionais.
- O desenvolvemento de accións de sensibilización entre os cidadáns.
Actividades
- Producións propias.
- Coproducións.
- Sistemas de residencia artística.
- Formación (enfocada prioritariamente ao desenvolvemento persoal, empresarial e artístico dos profesionais da danza galega).
- Relacións exteriores (con profesionais e iniciativas de fóra de Galicia, co ámbito galego da danza non profesional, cos cidadáns, con colectivos desfavorecidos, participación en feiras e festivais, etc.).
A dinámica de traballo do Centro Coreográfico Galego cara o avance nos seus fins estará sempre presidida pola participación e interlocución continua con todos os axentes sociais implicados no proceso de promoción e distribución cultural, ao que o CCG aportará o tratamento especial e particularizado que a danza require como xénero escénico.
Centro Coreográfico Galego
Complexo Deportivo de Elviña. Praza de Agustín Díaz Sánchez, s/n 15008 - A Coruña
Teléfono: 881 960 543 / 881 960 547
Fax: 881 960 548
Correo: documentacion.ccg
xunta.gal / formacion.ccgxunta.gal
Contacto: Mercedes Suárez, directora
Novas
A PEZA ESTREARASE NO MES DE XUÑO
A Xunta coproduce o espectáculo Dique con Nova Galega de Danza e dirección escénica de Marta Pazos
[02/02/2024] O director da Axencia Galega das Industrias Culturais, Jacobo Sutil, mantivo unha reunión nas instalacións do Centro Coreográfico Galego, na Coruña, con varios membros do equipo artístico de Dique, a montaxe que a compañía Nova Galega de Danza desenvolve en coprodución coa unidade da Xunta de Galicia e que ten prevista a súa estrea a finais do mes de xuño.
O Centro Coreográfico Galego coproducirá os novos espectáculos de danza de La Macana, de Elvi Balboa e de Cris Vilariño e Diego M. Buceta
[18/07/2023] A Xunta adxudica preto de 45.000 euros a tres proxectos a través do programa de coproducións da súa unidade de danza: ‘Seepwalkers’, ‘Millo vello’ e ‘Anöa’
As propostas que se desenvolverán ao abeiro desta iniciativa de apoio ao sector pivotan sobre reflexións arredor da guerra, da ecodependencia e da dicotomía entre a privacidade e a esfera pública
DE XULLO A DECEMBRO DE 2023
Aberto o prazo de matrícula para os oito cursos da nova edición do programa 'Formación en danza'
[15/06/2023] A Axencia Galega das Industrias Culturais da Xunta ofrece oito cursos destinados prioritariamente aos profesionais da danza no marco do plan formativo do Centro Coreográfico Galego para 2023. Os diferentes talleres, que se desenvolverán no segundo semestre deste ano, abordarán un amplo abano de aspectos desta disciplina artística, xa que van desde a posta en escena á distribución de espectáculos, pasando pola inclusión do xénero tradicional en todo tipo de montaxes ou polo papel da danza na terapia educativa e na saúde emocional.
