AGADIC

Xunta de Galicia. Consellería de Cultura e TurismoAGADIC

Noticias

A PRESENTACIÓN TERÁ LUGAR O XOVES 2 DE XULLO NA NAVE DA AGADIC EN SANTIAGO

Presentación da residencía artística Macho de David Loira

[29/06/2009] O vindeiro xoves 2 de xullo ás 16.30 horas David Loira -artista en residencia do Centro Coreográfico Galego co proxecto Machoamosará ao público o resultado deste proceso creativo na nave da AGADIC (Rúa Polonia nº 30. Polígono Costavella - Santiago). Despois da mostra abrirase un coloquio entre o artista e o público, para debullar os distintos elementos desta proposta.

Artistas en Residencia é un programa da Axencia Galega das Industrias Culturais (AGADIC), xestionado polo Centro Coreográfico Galego (CCG) e o Centro Dramático Galego (CDG), que ten como finalidade apoiar a artistas ou colectivos artísticos que desexen desenvolver un proxecto de investigación ou de creación nos ámbitos do teatro, escrita teatral, circo, danza e outras artes do movemento; así como a artistas -que dende outras disciplinas- traballen coa danza, o teatro ou o circo como referencia. Esta liña de apoio á creación ofrece aos artistas recursos infraestruturais, técnicos e humanos para desenvolver unha actividade de investigación ou de creación. Nesta tempada, a través do programa Artistas en Residencia, apóianse un total de 15 proxectos, oito deles xestionados polo CCG.

DIRECTOR, EQUIPO ARTÍSTICO E ELENCO VÓLVENSE REUNIR PARA DAR VIDA A ESTE TEXTO ORIXINAL SOBRE A VIOLENCIA DE XÉNERO GALARDOADO CO PREMIO MARÍA CASARES

Abrapalabra reestrea no Salón Teatro "A piragua", escrita e dirixida por Cándido Pazó para o CDG en 2007 Documento anexo

[23/06/2009] O Salón Teatro acolle esta semana (xoves 25 ás 21.00 horas, venres 26 e sábado 27 ás 20.30 h e domingo 28 ás 18.00 h) a reestrea de A piragua, obra escrita e dirixida por Cándido Pazó como resultado da súa experiencia como primeiro dramaturgo residente do Centro Dramático Galego (CDG) na temporada 2006-2007 e producida agora pola nova compañía Abrapalabra. A iniciativa privada asume deste xeito a explotación dun proxecto inicial da compañía pública mediante unha fórmula de colaboración pola que se cede parte do material escenográfico para a súa reutilización e co obxectivo de contribuír á máxima rendabilidade social dos espectáculos.

A NOVA PROPOSTA DA COMPAÑÍA COMPOSTELÁ EXHÍBESE NO SALÓN TEATRO DE SANTIAGO A PARTIR DE MAÑÁ XOVES E ATÉ O DOMINGO 21, TRALA SÚA EXITOSA ESTREA NO FITEI DO PORTO

Nut Teatro e o CDG presentan en "Wake Up" unha tecnoloxía electrónica pioneira na escena galega Documento anexo

[17/06/2009] O Salón Teatro de Santiago acolle a partir de mañá xoves a presentación en Galicia da montaxe Wake Up, realizada pola compañía Nut Teatro en coprodución co Centro Dramático Galego (CDG), da que ofrecerá un total de catro funcións até o domingo día 21: de xoves a sábado, ás 20.30 horas e o domingo, ás 18.00 h. A nova proposta da compañía compostelá, que incorpora unha tecnoloxía electrónica pioneira na escena galega, chega precedida do gran éxito de público obtido na súa estrea absoluta no Teatro Carlos Alberto (TeCA) do Porto dentro do programa do Festival Internacional de Teatro de Expressão Ibérica (FITEI).

O PROXECTO FORMA PARTE DO PROGRAMA DA AGADIC ARTISTAS EN RESIDENCIA

Ensaio aberto de Macho de David Loira

[17/06/2009] O vindeiro xoves 18 de xuño de 12.00 h a 13.30 h na nave da AGADIC (Polígono Costa Vella, Rúa Polonia nº30) terá lugar un ensaio aberto do proxecto Macho de David Loira -artista residente do Centro Coreográfico Galego a través do programa da AGADIC Artistas en Residencia.

Para asistir a esta actividade é preciso solicitar asistencia a través do enderezo electrónico: documentacion.ccg@xunta.es, indicando o nome e un número de teléfono.

ESCRITA POR MANUEL LOURENZO E DIRIXIDA POR QUICO CADAVAL, ESTA COMEDIA ONÍRICA AMBIENTADA NA MARIÑA LUGUESA FALA DE ESPECULACIÓN URBANÍSTICA, AMOR, DESAMOR E SEXO

O espectáculo do CDG "As dunas" finaliza a súa xira cunha función no Teatro Jofre de Ferrol Documento anexo

[11/06/2009] O Teatro Jofre de Ferrol acolle este sábado día 13 ás 20.30 horas a derradeira función da xira do espectáculo do Centro Dramático Galego As dunas, resultante da obra escrita ad hoc por Manuel Lourenzo con dirección escénica de Quico Cadaval. Con esta representación, realizada en colaboración co Concello de Ferrol, remata un período de exhibición de máis de tres meses no que As dunas se escenificou en 32 ocasións sobre 11 escenarios; e conclúe tamén o plan de produción propia do CDG para a actual temporada escénica 2008-2009.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263 Ver novas anteriores

Escolle o apartado que máis che interesa clicando nas celas: