Axencia Galega das Industrias Culturais

Xunta de GaliciaAxencia Galega das Industrias Culturais

Noticias

A AGADIC PATROCINA ESTE ESPAZO DE PROMOCIÓN DA MÚSICA GALEGA, DENDE O QUE SE DÁ COBERTURA ÁS DEZ DISCOGRÁFICAS E ÁS DÚAS ASOCIACIÓNS DESPRAZADAS ATA DINAMARCA

Comeza a actividade no "stand" de Galician Tunes no Womex de Copenhague

[29/10/2009] O stand de Galician Tunes quedou instalado no recinto feiral do Womex 09, que se celebra ata o vindeiro domingo día 1 en Copenhague, como espazo propio de promoción da música galega na feira de world music máis importante do circuíto internacional. A Axencia Galega das Industrias Culturais patrocina este stand, dende o que se dá cobertura loxística ás dez empresas discográficas e ás dúas asociacións profesionais desprazadas ata a capital dinamarquesa.

stand_galician_tunes_womex

Ao encontro -no que participan 3.000 axentes acreditados procedentes de 90 países- viaxaron as compañías Falcatruada, Ouvirmos, Zouma Records, Berrogüetto Producións, Abada, Mare, Articket, Sul Produccións, Nordesía e Lóspregos. As dúas últimas disporán ademais de cadanseu espazo exclusivo. Tamén están representadas no Womex 09 as dúas principais asociacións galegas do sector: AGEM (Asociación Galega de Empresas Musicais) e Agaphono (Asociación Galega de Produtoras Fonográficas), en quen recaeu a organización da participación galega no evento.

Máis información: A música galega desembarca no Womex de Copenhague do 28 de outubro ao 1 de novembro

Ligazóns