Axencia Galega das Industrias Culturais
Noticias
O EVENTO, QUE COMBINA AS ACTIVIDADES FORMATIVAS CUN PROGRAMA DE EXHIBICIÓN ABERTO AO PÚBLICO, CONGREGARÁ 70 ARTISTAS EMERXENTES E PROFESIONAIS DAS ARTES ESCÉNICAS
O CDG organiza en Santiago Circo Europa, primeiro encontro internacional de novos talentos do circo
[11/06/2010] O Centro Dramático Galego (CDG) organiza do 17 ao 29 de xuño o I Encontro Jeunes Talents Circo Europe que, baixo o título xenérico de Circo Europa, congregará en Santiago de Compostela un total de 70 novos artistas e profesionais do novo circo e das artes escénicas arredor dun programa que combina as actividades formativas coa exhibición de espectáculos no Salón Teatro. Deste xeito, a compañía pública convida tanto ao público xeral como á comunidade artística do novo circo galego a participar neste evento internacional.
A AGADIC PATROCINA A PARTICIPACIÓN DO GRUPO CORUÑÉS NESTE ENCONTRO INTERNACIONAL DE DANZA COA MONTAXE QUE REALIZOU EN COPRODUCIÓN CO CENTRO COREOGRÁFICO GALEGO
Entremans presenta o seu espectáculo "Concerto Desconcerto" en Madrid dentro do festival Mov-s 
[10/06/2010] A compañía coruñesa Entremans presentará mañá venres en Madrid a súa montaxe de danza Concerto Desconcerto como parte do cartel artístico do festival Mov-s, que este ano organiza o Museo Nacional Centro de Arte Reina Sofía e o Mercart de les Flors de Barcelona. A Axencia Galega das Industrias Culturais (Agadic) patrocina a incorporación deste espectáculo, realizado en coprodución co Centro Coreográfico Galego, no programa deste encontro internacional de danza e das artes do movemento que se desenvolve dende hoxe e ata o vindeiro domingo día 13 en diferentes espazos madrileños.
A ÚLTIMA PROPOSTA DO PROGRAMA DE COPRODUCIÓNS DA COMPAÑÍA PÚBLICA PARA A TEMPORADA 2009-2010 OFRECE TRES FUNCIÓNS EN SANTIAGO DO VENRES 11 AO DOMINGO 13
A compañía Sapristi en coprodución co CDG estrea no Salón Teatro "Por que o meniño se coce na polenta?"
[09/06/2010] A compañía galega Sapristi Teatro estrea este venres 11 ás 21.00 horas no Salón Teatro de Santiago o espectáculo Por que o meniño se coce na polenta?, realizado en coprodución co Centro Dramático Galego (CDG) baixo a dirección de Roberto Leal. A actriz Nuria Sanz e o músico Ignacio Sanz interpretan esta montaxe, a partir da adaptación da novela da autora romanesa Aglaja Veteranyi que asinou Quico Cadaval, na que se mesturan xéneros que van desde o clown ata un realismo que roza o dramático, pasando pola comedia xestual, o cabaret, a revista, o musical, o vodevil e o circo cos seus pallasos, equilibrismos e acrobacias. Trala función de estrea, esta última coprodución da compañía pública para a temporada 2009-2010 ofrecerá senllos pases o sábado 12 ás 20.30 h e o domingo 13 ás 18.00.
O ENCONTRO, AO QUE ASISTIRÁ UNHA DECENA DE ALUMNOS, ABORDARÁ AFINACIÓNS ALTERNATIVAS, ACOMPAÑAMENTO E MELODÍAS DE GAITA ADAPTADAS A ESTES INSTRUMENTOS
Carlos Beceiro pecha o ciclo de master class da Agadic cun curso de guitarra, bouzouki e mandolina
[03/06/2010] O músico naronés Carlos Beceiro impartirá entre mañá día 4 e o sábado día 5 de xuño o curso de guitarra, bouzouki e mandolina co que concluirá a segunda edición do ciclo de Master Class de Música Tradicional que organiza a Agadic (Axencia Galega das Industrias Culturais) na sede da Escola de Altos Estudos Musicais en Santiago de Compostela. Unha decena de alumnos asistirá a este obradoiro, no que se abordarán distintos aspectos relacionados coas afinacións alternativas e o acompañamento na música tradicional e coas melodías de gaita adaptadas a estes instrumentos.
A MONTAXE REPRESÉNTASE ÁS 20.30 HORAS FROITO DUN ACORDO DE INTERCAMBIO ARTÍSTICO ENTRE A AGADIC E O FITEI DO PORTUGAL
A compañía brasileira Leões de Circo chega mañá ao Salón Teatro de Santiago co monólogo sen texto "A descoberta das Américas"
[02/06/2010] O Salón Teatro de Santiago acolle mañá xoves ás 20.30 horas a posta en escena da obra A descoberta das Américas, a cargo da agrupación brasileira Leões de Circo, como froito dun acordo de intercambio artístico asinado entre a Axencia Galega das Industrias Musicais (Agadic) e o Festival Internacional de Expressão Ibérica (FITEI) de Portugal. No marco desta mesma iniciativa de colaboración, a compañía galega Entremans presentará na noite de hoxe o seu espectáculo Concerto Desconcerto no Palácio da Bolsa de Porto.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores