Axencia Galega das Industrias Culturais
Noticias
FRED CARDON E JEAN-MICHEL GUY, DIRECTOR E PRESIDENTE DO XURADO DE JEUNES TALENTS CIRQUE EUROPE, MODERARÁN SENLLOS COLOQUIOS MAÑÁ E O VENRES A PARTIR DAS 20.00 H
As novas artes circenses, a debate dentro da programación aberta do primeiro encontro Circo Europa 
[23/06/2010] A programación aberta ao público de Circo Europa (I Encontro Jeunes Talents Cirque Europe) continuará mañá xoves 24 e o venres 25, a partir das 20.00 horas, coa celebración no Salón Teatro de Santiago de dous debates sobre a situación actual do novo circo a nivel europeo. O Centro Dramático Galego (CDG) deseñou esta carteleira pública, na que tamén figuran os últimos espectáculos das compañías O Retrete de Dorian Gray e Doble Mandoble e a I Circo Europa Party, como xeito de compartir tanto coa cidadanía como coa comunidade artística que se dedica ao novo circo en Galicia esta primeira edición do evento, que a compañía pública galega organiza como entidade asociada á iniciativa Novos Talentos do Circo Europeo (Jeunes Talents Cirque Europe-JTCE).
A MONTAXE "MI OTRO YO", DA COMPAÑÍA HISPANO-BELGA DOBLE MANDOBLE, E A I CIRCO EUROPA PARTY COMPLETAN A CARTELEIRA DE EXHIBICIÓN DESTA PRIMEIRA EDICIÓN DO EVENTO
O Retrete de Dorian Gray inaugura o programa aberto ao público de Circo Europa co espectáculo "Rúa Aire"
[21/06/2010] A compañía galega O Retrete de Dorian Gray protagoniza mañá a primeira das actividades públicas de Circo Europa-I Encontro Jeunes Talents Cirque Europe coa posta en escena do espectáculo Rúa Aire ás 21.30 horas no Salón Teatro. O espazo compostelán acolle a programación aberta ao público desta primeira edición do evento, que organiza en Santiago o Centro Dramático Galego (CDG) e na que tamén se inclúen o espectáculo Mi otro yo da formación hispano-belga Doble Mandoble (sábado 26 e domingo 27, ás 21.30 h) e a I Circo Europa Party (martes 29, ás 21.30), así como dous debates sobre a situación actual do novo circo a nivel internacional (xoves 24 e venres 25, ás 20.00 h).
A SELECCIÓN REALIZARASE POR DESIGNACIÓN DO CONSELLO DE DIRECCIÓN DA AXENCIA, ATENDENDO A CRITERIOS DE COMPETENCIA PROFESIONAL E EXPERIENCIA DOS ASPIRANTES
A Agadic abre o prazo de presentación de candidaturas para a dirección do Centro Coreográfico Galego
[18/06/2010] A Axencia Galega das Industrias Culturais (Agadic) mantén aberto dende hoxe e ata o vindeiro día 29 de xuño o prazo de presentación de candidaturas para o posto de director/a do Centro Coreográfico Galego (CCG). Segundo as bases publicadas na web da Agadic, o procedemento de selección realizarase mediante libre designación polo Consello de Dirección desta entidade da Consellería de Cultura e Turismo, a proposta do seu director, para o que se terán en conta "criterios de competencia profesional e experiencia entre persoas con titulación superior".
UN TOTAL 15 DE PROGRAMADORES DA REDE GALEGA DE TEATROS E AUDITORIOS VISITARÁN GUIMARÃES E PORTO PARA DEBATER SOBRE XEITOS ORGANIZATIVOS E PRESENCIAR ESPECTÁCULOS
O programa "Creativa" amosa espazos e modelos escénicos portugueses a xestores culturais galegos
[18/06/2010] O programa europeo CREATIVA desenvolve entre os días 21 e 22 de xuño en Portugal un encontro de industrias culturais, mediante o que un grupo de xestores galegos membros da RGTA (Rede Galega de Teatros e Auditorios) poderán coñecer persoalmente distintos espazos escénicos lusos e os seus modelos de xestión. A iniciativa, organizada pola Agadic (Axencia Galega das Industrias Culturais) en colaboración coa Direcçao Regional de Cultura do Norte, forma parte das accións acometidas dentro deste proxecto europeo para a dinamización e comunicación entre as empresas dos distintos sectores culturais das dúas beiras do Miño.
O XACOBEO 2010 COLABORA NO DESENVOLVEMENTO DESTES ENCONTROS FORMATIVOS CO GALLO DAS TRES ACTUACIÓNS QUE OFRECERÁ EN GALICIA A PRESTIXIOSA COMPAÑÍA ESTADOUNIDENSE
O Centro Coreográfico Galego organiza en Santiago tres "master class" coa Merce Cunningham Dance Company
[17/06/2010] A Merce Cunningham Dance Company ofrecerá tres master class de danza en Santiago de Compostela que, baixo a coordinación do Centro Coreográfico Galego, terán lugar nas mañás dos días 24, 26 e 28 de xuño na sala de ensaios da nave da Agadic (Axencia Galega das Industrias Culturais) no polígono de Costa Vella. O Xacobeo 2010 colabora na organización destas sesións formativas, que se desenvolven coincidindo coas actuacións da prestixiosa compañía estadounidense en Vigo, Santiago e A Coruña dentro da programación "Camiño das artes escénicas".
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 Ver novas anteriores