Axencia Galega das Industrias Culturais
Noticias
O CIRCUÍTO QUE PROMOVEN A AGADIC E A ASOCIACIÓN CLUBTURA AMPLÍA O SEU CALENDARIO OFRECENDO ACTUACIÓNS ESTIVAIS POR PRIMEIRA VEZ DENDE A SÚA CREACIÓN EN 2007
Doce concertos en nove salas configuran a primeira programación de agosto da Rede de Música ao Vivo 
[02/08/2010] O concerto que a banda galega de rock Sugar Mountain (na imaxe) protagonizará o vindeiro mércores día 4 na sala Marrucho de Baiona abrirá a programación de agosto da Rede Galega de Música ao Vivo (RGMV), que ofrecerá un total de 12 actuacións en nove espazos de diferentes localidades. Por primeira vez dende a súa creación en 2007, o circuíto que promove a Agadic (Axencia Galega das Industrias Culturais) da Consellería de Cultura e Turismo en colaboración coa Asociación de Salas de Música ao Vivo Clubtura estende o seu calendario de concertos ao período estival coa celebración de 31 citas musicais durante os meses de xullo e agosto en 17 salas de toda Galicia e a cargo de 25 solistas e grupos de moi diferentes estilos.
PRESENTÁRONSE 215 PERSOAS PARA OBTER ALGÚN PAPEL DOS SEIS PERSONAXES DO ESPECTÁCULO
O Centro Dramático realizará audicións a 64 actores e actrices que aspiran a integrar o elenco de "Salomé"
[29/07/2010] O Centro Dramático Galego (CDG) realizará audicións a 64 actores e actrices que aspiran a obter algún dos papeis dos seis personaxes previstos para o espectáculo Salomé, primeira produción da compañía pública para a próxima temporada coa que se abre a xestión de Blanca Cendán como directora da entidade. As probas realizaranse no Salón Teatro ao longo da semana que vén diante dun tribunal no que participará Carlos Santiago, director de escena escollido para montar unha adaptación da obra orixinal de Oscar Wilde.
AS REPRESENTACIÓNS SERÁN O MÉRCORES 28 E O XOVES 29 ÁS 21:30 HORAS
O Salón Teatro despide a temporada con dúas funcións de "Etheria, a viaxe soñada" a cargo do Centro Coreográfico Galego
[26/07/2010] O Salón Teatro de Santiago despide a temporada de exhibición 2009-2010 con dúas funcións do espectáculo do Centro Coreográfico Galego Etheria, a viaxe soñada, que terán lugar os días 28 e 29 de xullo ás 21:30 horas. A peza que dirixe a coruñesa Mercedes Suárez é a cuarta produción propia da unidade de danza pertencente á Consellería de Cultura e Turismo a través de Agadic.
A AGADIC E O XACOBEO COLABORAN NESTE PROGRAMA DE DIFUSIÓN. O ESPECTÁCULO COMPLETO PODERÁ VERSE OS DÍAS 28 E 29 NO SALÓN TEATRO
O CCG inicia en Santiago o ciclo "Camiños en Danza" co que levará accións sobre "Etheria, a viaxe soñada" a 17 concellos
[26/07/2010] O Centro Coreográfico Galego (CCG) inicia en Santiago o ciclo "Camiños en danza", un novo programa de difusión da danza actual galega mediante a escenificación de accións e improvisacións coreográficas a partir do espectáculo Etheria, a viaxe soñada nun total de 17 concellos galegos. A Agadic (Axencia Galega das Industrias Culturais) e o Xacobeo 2010 colaboran nesta iniciativa que se desenvolverá ata setembro en emprazamentos ao aire libre e de tránsito público de localidades ubicadas nalgunha das rutas de peregrinación a Compostela.
A AGADIC APOIARÁ A SÚA PRESENZA EN CONPENHAGUE E PRESTARÁ COBERTURA LOXÍSTICA ÁS EMPRESAS DESPRAZADAS
Mercedes Peón participará en Womex 2010 como primeira artista galega seleccionada pola sección oficial do certame
[22/07/2010] Mercedes Peón actuará o próximo 29 de outubro no Womex de Copenhague como primeira representante da música galega seleccionada expresamente pola sección oficial deste certame, o máis importante a nivel internacional especializado en world music . A Axencia Galega das Industrias Culturais (Agadic) da Consellería de Cultura e Turismo apoiará a presenza da artista galega neste encontro polo pulo que supón a súa participación para toda a industria musical do país; e prestará así mesmo cobertura loxística ás empresas produtoras e distribuidoras do sector que se despracen este ano á capital dinamarquesa.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 Ver novas anteriores