Axencia Galega das Industrias Culturais
Noticias
TERÁN LUGAR EN ALLARIZ DO 16 AO 19 DE SETEMBRO NO MARCO DO FESTIVAL REPERKUSIÓN E CONTAN COA COLABORACIÓN DA ASOCIACIÓN PISTACINCO
A Agadic patrocina a través de CREATIVA as primeiras xornadas para profesionais do circo Galicia-Norte de Portugal 
[15/09/2010] O programa CREATIVA, que promoven conxuntamente a Axencia Galega das Industrias Culturais (Agadic) e a portuguesa Direccão Regional de Cultura do Norte, patrocina as I Xornadas para Profesionais do Circo de Galicia-Norte de Portugal, que se celebran en Allariz a partir de mañá e ata o vindeiro domingo como actividade paralela do programa do Festival Reperkusión que acolle eses días a vila ourensá.
O CONSELLEIRO DE CULTURA PRESENTOU O NOVO PERÍODO DE ACTIVIDADE DA COMPAÑÍA PÚBLICA E DO SALÓN TEATRO, CON 64 DÍAS DE APERTURA AO PÚBLICO ATA DECEMBRO
A produción de "Salomé" e o apoio á creación e á exhibición teatrais galegas marcan o inicio de temporada do Centro Dramático Galego
[09/09/2010] O Centro Dramático Galego (CDG) inicia a súa nova temporada escénica 2010-2011 cun primeiro período de actividade marcado pola produción do seu novo espectáculo, Salomé de Oscar Wilde baixo a dirección de Carlos Santiago, e o apoio á creación e á exhibición teatrais galegas a través da carteleira do Salón Teatro e de diferentes servizos á comunidade escénica. O conselleiro de Cultura e Turismo, Roberto Varela Fariña, presentou hoxe esta programación, a primeira que a compañía pública desenvolve baixo a dirección de Blanca Cendán, con 64 días de apertura ao público entre os meses de setembro e decembro.
A MONTAXE DE JOSÉ PRIETO ESCENIFICARASE O VENRES 10 E O SÁBADO 11 ÁS 20.30 HORAS
O Salón Teatro abre temporada co espectáculo "Life is a paripé" da compañía compostelá Obras Públicas
[03/09/2010] O Salón Teatro de Santiago inaugura o vindeiro venres 10 de setembro a súa nova temporada de exhibición con dúas funcións do último espectáculo da compañía Obras Públicas, Life is a paripé, que terán lugar o venres 10 e o sábado 11 ás 20.30 horas. O espazo que xestiona o Centro Dramático Galego (CDG) abre así un novo ciclo de programación cuadrimestral, que será presentado publicamente o vindeiro xoves día 9.
AS CITAS CELEBRARANSE MAÑÁ DÍA 2 EN PORTOMARÍN, O DÍA 4 EN SARRIA, O 7 EN TRIACASTELA E O 9 NO CEBREIRO
O ciclo "Camiños en danza" do Centro Coreográfico entra na recta final con catro actuacións en setembro
[01/09/2010] O ciclo "Camiños en danza" do Centro Coreográfico Galego chega ao seu fin este mes de setembro con catro presentacións nas localidades lucenses de Portomarín, Sarria, Triacastela e O Cebreiro, últimos destinos deste programa de difusión da danza actual galega mediante a escenificación de accións e improvisacións coreográficas a partir do espectáculo Etheria, a viaxe soñada. A Agadic (Axencia Galega das Industrias Culturais) e o Xacobeo 2010 colaboran nesta iniciativa que se vén desenvolvendo dende o pasado mes de xullo en emprazamentos ao aire libre e de tránsito público de localidades emprazadas nalgunha das rutas de peregrinación a Compostela.
MAÑÁ ÁBRESE O PRAZO DE INSCRICIÓN PARA ESTE ENCONTRO INTENSIVO, QUE SE DESENVOLVERÁ DO 27 AO 30 DE SETEMBRO EN SESIÓNS DE SETE HORAS DIARIAS
O CDG organiza no Salón Teatro un curso sobre Shakespeare para actores a cargo de Alfredo Padilla
[31/08/2010] O Centro Dramático Galego (CDG) organiza o Curso sobre Shakespeare que Alfredo Padilla, actor arxentino afincado en Galicia, impartirá do 27 ao 30 de setembro no Salón Teatro de Santiago de Compostela. Especialista en teatro shakespeariano pola Royal Academy of Dramatic Art de Londres, Padilla desenvolverá cos alumnos as potencialidades creativas arredor da obra do gran dramaturgo inglés, tendo en conta o estilo, o xogo dramático e o contorno no que se desenvolve o actor.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 Ver novas anteriores