AGADIC

Xunta de Galicia. Consellería de Cultura e TurismoAGADIC

Noticias

TRALO ÉXITO OBTIDO DURANTE A SÚA EXHIBICIÓN NO SALÓN TEATRO DE SANTIAGO, A PRODUCIÓN DA COMPAÑÍA PÚBLICA VISITARÁ OUTROS SETE ESCENARIOS ATA PRIMEIROS DE ABRIL

O Centro Dramático Galego inicia en Narón a xira galega de "As actas escuras" Documento anexo

[18/02/2010] O Centro Dramático Galego (CDG) inicia mañá en Narón o período de distribución da súa última montaxe, As actas escuras, obra de Roberto Vidal Bolaño recuperada para os escenarios da man do director Xúlio Lago e dun elenco integrado por 14 recoñecidos actores e actrices. Tralo éxito de público obtido durante a súa exhibición no Salón Teatro de Santiago, onde congregou un total de 2.593 espectadores nas 17 funcións ofrecidas, o espectáculo presentarase no Pazo da Cultura naronés (venres 19 ás 20.30 horas e sábado 20 ás 20.00 h) como primeira parada dunha xira que se estenderá ata primeiros de abril e durante a que visitará un total de sete localidades galegas.

O CDN COPRODUCE ESTE ESPECTÁCULO, DIRIXIDO POR CARLOTA SUBIRÓS A PARTIR DA OBRA DE LLUÏSA CUNILLÉ, QUE AFONDA NA COMPLEXA RELACIÓN ENTRE O PRIMEIRO E O TERCEIRO MUNDO

Teatre Lliure ofrece no Salón Teatro dúas funcións de "Après moi, le déluge" con Vicky Peña e Jordi Dauder Documento anexo

[17/02/2010] O Salón Teatro de Santiago acolle esta fin de semana (sábado 20 ás 20.30 h e domingo 21 ás 18.00 h) a representación de Après moi, le déluge, unha montaxe de Teatre Lliure en coprodución co Centro Dramático Nacional que reflexiona sobre as relacións entre o primeiro e terceiro mundo. Dirixida por Carlota Subirós e interpretada polos veteranos actores Jordi Dauder e Vicky Peña, a emblemática compañía catalá pon en escena esta peza de Lluïsa Cunillé, galardoada co Premio Lletra d'Or 2008 ao mellor texto teatral editado en catalán.

TEATRE LLIURE, TEATRO DO ATLÁNTICO, SALA MUNTANER, VOADORA E FAMILIE FLÖZ FIGURAN TAMÉN NA CARTELEIRA, ADEMAIS DOS CONCERTOS DE CASA DE FADOS, MONO E JUANA MOLINA

O Salón Teatro abre a súa nova programación trimestral co espectáculo "Saltimbanquis" de Teatro do Morcego Documento anexo

[10/02/2010] O Salón Teatro de Santiago inicia a partir de mañá un novo ciclo de programación trimestral coa posta en escena da última proposta de Teatro do Morcego, Saltimbanquis, un espectáculo musical especialmente pensado para público infantil e familiar (na imaxe). A compañía galega protagonizará as primeiras catro funcións do total de 21 que conforman esta carteleira, na que tamén figuran Après moi, le déluge de Teatre Lliure, O xogo de Yalta. Afterplay de Teatro do Atlántico, Genet-Las criadas de Sala Muntaner, Super8 de Voadora en coprodución do Centro Dramático Galego (CDG) e Hotel Paradiso de Familie Flöz.

OS RECITAIS, DE ENTRADA LIBRE, CELEBRARASE O LUNS 8 E O MARTES 9 ÁS 20.30 H

O auditorio da Escola de Altos Estudos Musicais acolle dous concertos de cámara dos alumnos do centro

[05/02/2010] A Escola de Altos Estudos Musicais (EAEM) ofrecerá os vindeiros días 8 e 9 de febreiro senllos concertos de cámara a cargo dun total de 15 alumnos das especialidades instrumentais de corda e de vento-metais. Ambos recitais, de entrada libre ata completar o aforo, terán lugar ás 20.30 horas no auditorio da sede da escola, na finca Vista Alegre de Santiago.

MÁIS DE 2.000 ESPECTADORES ASISTIRON XA ESTA PRIMEIRA POSTA EN ESCENA DA OBRA DE ROBERTO VIDAL BOLAÑO, DIRIXIDA POR XÚLIO LAGO

O Centro Dramático Galego ofrece as últimas funcións de "As actas escuras" no Salón Teatro de Santiago Documento anexo

[04/02/2010] Máis de 2.000 espectadores asistiron ata o momento á nova produción do Centro Dramático Galego (CDG), As actas escuras, que esta fin de semana ofrecerá as súas tres últimas funcións no Salón Teatro de Santiago (venres 5 e sábado 6, ás 20.30 horas, e domingo 7, ás 18.00 h). En total, serán 17 as representacións que a compañía pública terá ofrecido en Compostela con esta obra de Roberto Vidal Bolaño, recuperada para os escenarios da man do director Xúlio Lago e dun elenco integrado por 14 recoñecidos actores e actrices.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266  267 Ver novas anteriores

Escolle o apartado que máis che interesa clicando nas celas: