AGADIC

Xunta de Galicia. Consellería de Cultura e TurismoAGADIC

Noticias

O ESPAZO QUE XESTIONA EN SANTIAGO O CENTRO DRAMÁTICO GALEGO INCREMENTOU EN MÁIS DUN 30 POR CENTO A CIFRA DE ASISTENTES RESPECTO DO ANO ANTERIOR

A programación do Salón Teatro congregou máis de 14.300 espectadores en 2009

[08/01/2010] O Salón Teatro de Santiago, espazo xestionado polo Centro Dramático galego (CDG), pechou 2009 cun total de 14.313 espectadores nas 105 funcións que configuraron a súa carteleira anual. Este balance de asistencia supón un incremento superior ao 30% respecto do rexistrado o ano anterior, confirmando así o respaldo do público a unha programación que estivo protagonizada por 31 formacións artísticas e na que tiveron unha destacada presenza as expresións escénicas máis actuais, ademais das producións propias do CDG.

PRETO DO 90% DAS 186 FORMACIÓNS ARTÍSTICAS QUE ACTUARÁN ATA XUÑO NA REDE GALEGA DE TEATROS E AUDITORIOS, REDE DE SALAS E REDE DE MÚSICA AO VIVO SON GALEGAS

As redes de distribución de espectáculos da AGADIC acollerán 848 funcións no primeiro semestre de 2010 Documento anexo

[05/01/2010] As tres redes de distribución escénica e musical que promove a Consellería de Cultura a través da AGADIC ofrecerán un total de 848 funcións e concertos entre os meses de xaneiro e xuño deste ano, dos que 388 corresponden á Rede Galega de Teatros e Auditorios (RGTA), 325 á Rede Galega de Música ao Vivo (RGMV) e 135 á Rede Galega de Salas (RGS). Este primeiro ciclo de programación estará protagonizado por 186 formacións artísticas, a meirande parte delas galegas.

A ACTIVIDADE PARA 2010 COMPLÉTASE CON 2 COPRODUCIÓNS E 8 RESIDENCIAS ARTÍSTICAS

O Centro Coreográfico estreará en primavera un novo espectáculo con música en directo e contido audiovisual

[29/12/2009] O Centro Coreográfico Galego (CCG) estreará en 2010 un novo espectáculo que integrará danza, música en directo e contidos audiovisuais, baixo a dirección artística de creadores galegos. A unidade de produción de danza da AGADIC (Axencia Galega das Industrias Culturais) completará a súa actividade anual co desenvolvemento de dúas pezas máis en réxime de coprodución; e a titoría de oito proxectos de deseño e investigación coreográfica dentro do programa de artistas residentes.

TROMPICALLO INAUGURA O VINDEIRO SÁBADO DÍA 26 ESTE CICLO, QUE SE ESTENDERÁ ATA O MÉRCORES 30 OFRECENDO MONTAXES DE MONICREQUES, DANZA E TEATRO DE ACTOR E OBXECTOS

O Salón Teatro de Santiago pecha a súa programación anual coa Mostra de Teatro Infantil de Nadal Documento anexo

[23/12/2009] O Salón Teatro de Santiago despide a súa programación de 2009 cunha nova edición da xa tradicional Mostra de Teatro Infantil de Nadal, que ofrecerá do 26 ao 30 de decembro cinco espectáculos de monicreques, danza e teatro de actor e obxectos especialmente pensados para os nenos e nenas. Organizado polo Centro Dramático Galego (CDG), no ciclo participan os grupos galegos Trompicallo Teatro con Violeta Coletas contra as salchichas Gulp! e Caramuxo Teatro con Os Bolechas, así como o colectivo catalán de danza Àngels Margarit/Cía Mudances con Flexelf (na imaxe), o portugués Teatro de Montemuro con Mãos Grandes e a compañía de Castela-A Mancha A Priori Producciones con El sable y la paloma.

A CARTELEIRA DE CONCERTOS PRESENTA A AMÁLIA HOJE NO CINE SALESIANOS, KIKO AGUADO & CELIA MUR NA SALA CONTRABAJO E AQUAPARQUE E BFLECHA EN LA FÁBRICA DE CHOCOLATE

O programa Creativa clausura en Vigo os seus foros de debate cunha xornada dedicada ás artes gráficas Documento anexo

[17/12/2009] O Foro CREATIVA da industria cultural, que organizan en Vigo a AGADIC e a Direccão Regional de Cultura do Norte do Ministerio de Cultura de Portugal, clausura mañá as súas sesións de debate cunha xornada dedicada ás artes gráficas que terá lugar no Centro Social Caixanova. Mañá celebrarase tamén a últimas das mesas redondas sobre artes escénicas inseridas neste programa transfronteirizo e interdisciplinar, así como catro novas citas escénicas e musicais cos concertos de Amália Hoje (na imaxe) no Cine Salesianos, Kiko Aguado & Celia Mur na Sala Contrabajo e Aquaparque e BFlecha en La Fábrica de Chocolate, e a representación do espectáculo infantil Rosalía, a pulga que escribía, de Galitoon, na sede da Escola Superior de Arte Dramática (ESAD) en Bouzas.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262 Ver novas anteriores

Escolle o apartado que máis che interesa clicando nas celas: