Axencia Galega das Industrias Culturais
Noticias
O PRIMAVERAPRO DESENVÓLVESE DO 26 AO 28 DE MAIO EN BARCELONA DENTRO DESTE ENCONTRO MUSICAL DE REFERENCIA NO PANORAMA ALTERNATIVO INTERNACIONAL
A Agadic colabora co Primavera Sound na organización de "showcases" de bandas galegas na área profesional do festival 
[28/02/2011] A Axencia Galega das Industrias Culturais (Agadic) colabora coa organización do Primavera Sound cara á celebración de seis showcases de bandas galegas dentro do PrimaveraPro, a área para profesionais do festival que se celebra a finais de maio en Barcelona. Esta iniciativa suporá, ademais, a primeira participación conxunta da música galega nesta cita de referencia internacional dentro do panorama alternativo e independente.
O PÚBLICO SITÚASE EN GRADAS SOBRE O ESCENARIO, RODEANDO O ESPAZO ESCÉNICO COMO XEITO DE OBTER UNHA PERSPECTIVA MÁIS PRÓXIMA AO CENTRO DA ACCIÓN
A compañía portuguesa Teatro Oficina representa este sábado no Salón Teatro a comedia negra "Rua Gagarin"
[24/02/2011] A compañía portuguesa Teatro Oficina viaxa esta fin de semana a Santiago de Compostela para representar no Salón Teatro o seu espectáculo Rua Gagarin, obra do dramaturgo escocés Gregory Burke. A formación de Guimarães ofrecerá unha función o sábado 26, ás 20.30 horas, desta comedia negra chea de crueza e realismo, que serve de pretexto para abordar o problema da crise xeral, económica, ideolóxica e de valores, así como a desesperación dun día a día que non funciona.
A VERSIÓN DA COMPAÑÍA PÚBLICA SITÚA A ACCIÓN NUN CONTEXTO ACTUAL, CONVERTENDO A HERODES NO CANDIDATO DO PARTIDO POLÍTICO BONANZA E PROGRESO DE GALILEA
O CDG ofrece dúas funcións en Narón dentro da xira do espectáculo "Salomé"
[24/02/2011] Narón é o próximo destino do Centro Dramático Galego (CDG) dentro da xira que desenvolve dende primeiros de ano co seu espectáculo Salomé, adaptación da obra de Oscar Wilde dirixida por Carlos Santiago. O Pazo da Cultura naronés acollerá mañá venres 25, ás 20.30 horas, e o sábado 26, ás 20.00 h, senllas funcións da última montaxe da compañía pública, que ofrece unha lectura máis política e actual do episodio bíblico recreado polo gran dramaturgo irlandés.
ACTUARÁ MAÑÁ XOVES, ÁS 20.30 HORAS, NO TEATRO DE MADRID
O Centro Coreográfico Galego abre en Madrid o ciclo Cartografías de la Danza con "Etheria, a viaxe soñada"
[23/02/2011] O Centro Coreográfico Galego (CCG) viaxa a Madrid onde mañá xoves abrirá a programación do ciclo Cartografía de la Danza co seu espectáculo Etheria, a viaxe soñada. A unidade de danza da Agadic presentará ás 20.30 h no Teatro de Madrid, espazo especializado na exhibición coreográfica, esta peza creada e dirixida por Mercedes Suárez que une danza e videocreación para se achegar á historia da muller que puido ser a primeira peregrina galega.
A AGADIC EDITA AMBAS REVISTAS PARA A DIFUSIÓN DA ACTIVIDADE DOS SEUS CIRCUÍTOS DE DISTRIBUCIÓN DE ESPECTÁCULOS E A PROMOCIÓN DA ESCENA E A MÚSICA FEITAS EN GALICIA
Sólodos e Holywater protagonizan as portadas das novas entregas de "Paraíso" e "Ao vivo música"
[23/02/2011] A compañía de danza Sólodos e a banda de rock Holywater protagonizan respectivamente as portadas dos novos números das revistas Paraíso e Ao vivo música, editadas pola Axencia Galega das Industrias Culturais (Agadic) para a difusión da actividade dos seus tres circuítos de distribución de espectáculos e para a promoción da escena e a música feitas en Galicia.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 Ver novas anteriores