Axencia Galega das Industrias Culturais
Noticias
O CENTRO COREOGRÁFICO GALEGO DESENVOLVERÁ ENTRE OS DÍAS 26 E 30 UNHA MOSTRA DE DANZA NA QUE PARTICIPARÁ MÁIS DUNHA VINTENA DE FORMACIÓNS ARTÍSTICAS
O Salón Teatro ofrece durante abril unha carteleira cun total de 34 espectáculos escénicos e musicais
[01/04/2011] Un total de 34 formacións escénicas e musicais actuarán durante o mes de abril no Salón Teatro de Santiago de Compostela, dentro da programación externa deseñada polo Centro Dramático Galego (CDG) para o trimestre final da temporada. Pese a que o escenario permanecerá pechado durante o período vacacional de Semana Santa, o Salón Teatro concentrará este mes unha intensa actividade, á que contribúen citas colectivas como a I Mostra de Danza de Galicia ou o Festival Internacional de Teatro Universitario, ademais das propostas teatrais das compañías Berrobambán, Santiago Cortegoso, Carlos Blanco-Abada Teatro, ou a música de jazz de Xacobe Martínez Antelo.
O PRAZO DE PRESENTACIÓN DE SOLICITUDES ESTÉNDESE ATA O 30 DE ABRIL EN AMBOS CASOS
A Agadic abre o seu programa anual de axudas ao sector audiovisual coas convocatorias para curtametraxes e desenvolvemento de proxectos
[31/03/2011] A Axencia Galega das Industrias Culturais (Agadic) da Consellería de Cultura e Turismo abre o seu programa de subvencións ao audiovisual 2011 coas convocatorias de axudas á produción de curtametraxes e videoclips e ao desenvolvemento de proxectos audiovisuais, ás que destina respectivamente 115.000 e 200.000 euros. Estas dúas liñas de apoio económico ao sector completaranse proximamente coas sucesivas publicacións das bases referentes á produción ou coprodución de longametraxes, á promoción do talento audiovisual galego e ao desenvolvemento e produción de contidos interactivos.
OS MÚSICOS XESÚS VAAMONDE E XOSÉ LOIS ROMERO DIRIXEN ESTE PROXECTO DESTINADO Á APRENDIZAXE E DIFUSIÓN DO PATRIMONIO MUSICAL GALEGO
A Agadic e a editora Dos Acordes publican a segunda entrega da colección "Pel & Madeira" con partituras e audios de 30 pezas tradicionais 
[30/03/2011] A Axencia Galega das Industrias Culturais (Agadic) da Consellería de Cultura e Turismo e a editorial Dos Acordes acaban de publicar o segundo volume da colección Pel & Madeira, destinada á difusión e aprendizaxe do repertorio básico da música popular galega. Este segundo número ofrece as partituras de 30 novas pezas, arranxadas para cuarteto tradicional e acompañadas de dous CD de audio coa gravación dos temas e dun CD de datos coas particellas individuais de cada instrumento (dúas gaitas, tambor e bombo).
A OBRA, INTERPRETADA POR PAULA CARBALLEIRA, ANABELL GAGO, CHIQUI PEREIRA E HUGO TORRES, PODERÁ VERSE O VENRES 1 E SÁBADO 2 DE ABRIL
Berrobambán escenifica no Salón Teatro dúas funcións de "Pressing Catch", con dirección de Quico Cadaval
[30/03/2011] O Salón Teatro de Santiago acolle esta semana dúas funcións de Pressing Catch, o último espectáculo da compañía compostelá Berrobambán, que se vale desta particular técnica de loita libre para reflexionar sobre as formas de violencia, sen deixar de lado o sentido do humor e a ironía. Realizada baixo a dirección escénica de Quico Cadaval e a partir dun texto asinado por Paula Carballeira, a montaxe poderá verse o venres 1 e o sábado 2 de abril ás 20.30 horas.
O CONSELLEIRO DE CULTURA AVANZOU ESTA MAÑÁ O ANO DA MÚSICA DE GALICIA 2011, NO QUE "A NOSA COMUNIDADE VOLVERÁ A CONVERTERSE NUN GRANDE ESCENARIO MUSICAL" A TRAVÉS DUN COMPLETO PROGRAMA NO QUE DESTACAN CONCERTOS
Roberto Varela presenta o Ano da Música de Galicia con máis de mil actos e seis millóns de euros de investimento
[28/03/2011] O conselleiro de Cultura e Turismo, Roberto Varela, presentou esta mañá na Biblioteca de Galicia da Cidade da Cultura o Ano da Música de Galicia que que se celebrará este ano 2011 promovido pola Xunta de Galicia co obxectivo de potenciar a creación musical e as industrias culturais galegas. O conselleiro subliñou que "este ano constitúe unha oportunidade única para poñer en valor ese tesouro e patrimonio de todos os galegos que é a nosa música". Roberto Varela destacou a "exhaustiva programación que abranguerá todas as manifestacións musicais" que ten preparado a Consellería de Cultura e Turismo para este ano 2011 e valorouna como "a máis completa posible". "Serán en total, máis de mil actos e seis millóns de euros de investimento", engadiu.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 Ver novas anteriores