Axencia Galega das Industrias Culturais
Noticias
O SALÓN TEATRO E A PRAZA DE CERVANTES ACOLLERÁN DIFERENTES PROPOSTAS COREOGRÁFICAS EXECUTADAS POR 200 ARTISTAS
O CCG organiza en Santiago a I Mostra de Danza de Galicia con 37 compañías participantes
[14/04/2011] Coincidindo co Día Internacional da Danza, celebración que se conmemora cada 29 de abril, o Centro Coreográfico Galego (CCG) organiza a I Mostra de Danza de Galicia, que se desenvolverá en Santiago de Compostela entre os días 26 e 30 deste mes con 35 compañías participantes. O Salón Teatro amosará de martes a sábado unha sucesión de máis de 20 pezas, cada unha delas duns 30 minutos de duración, levadas a cabo por unha ampla representación de compañías, intérpretes e creadores galegos. Durante as mañás a Mostra ocupará tamén a Praza de Cervantes, nun emprazamento aberto aos viandantes e no que participarán 10 formacións artísticas.
UN TOTAL DE 44 BANDAS E MÁIS DUN MILLEIRO DE GAITEIROS E PERCUSIONISTAS COMPITEN NO CERTAME QUE ORGANIZA A ASOCIACIÓN GALEGA DE BANDAS DE GAITAS
A Agadic patrocina a nova edición da Liga Galega de Bandas de Gaitas, que arrinca o sábado en Pontevedra 
[14/04/2011] A Liga Galega de Bandas de Gaitas inicia este sábado día 16 no Pazo da Cultura de Pontevedra a súa vixésimo primeira edición, na que un total de 44 formacións chegadas de diferentes puntos de España e Portugal competirán por alzarse co trofeo á mellor banda da Península Ibérica. A Asociación Galega de Bandas de Gaitas conta co patrocinio da Agadic (Axencia Galega das Industrias Culturais) e da Deputación Provincial de Pontevedra para a organización do encontro, no que se darán cita máis de un milleiro de gaiteiros e percusionistas de Galicia, Asturias, Castela e León, Cataluña, Comunidade Valenciana, Madrid, Murcia e Portugal.
AS FUNCIÓNS DESTA OBRA, CUN TEXTO NOMINADO AOS PREMIOS MAX 2011, TERÁN LUGAR O SÁBADO 16 ÁS 20.30 H E DOMINGO 17 ÁS 18.00
Marián Bañobre interpreta no Salón Teatro "A Filla de Woody Allen" coa compañía Santiago Cortegoso
[14/04/2011] O Salón Teatro de Santiago acolle esta fin de semana -sábado 16 ás 20.30 horas e domingo 17 ás 18.00 horas- dúas funcións de A filla de Woody Allen, a primeira obra da compañía de Santiago Cortegoso coa que o dramaturgo pontevedrés está nominado aos premios Max das Artes Escénicas 2011 na categoría de mellor autor teatral en galego. A actriz Marián Bañobre interpreta en solitario a unha ficticia filla galega do cineasta norteamericano, que emprende unha viaxe a Nova York na procura do seu pai, do que só sabe que toca o clarinete e lle envía agasallos de aniversario.
A PRESENTACIÓN DO SEU ÁLBUM DEBUT TERÁ LUGAR MAÑÁ MÉRCORES 13 ÁS 21.00 HORAS
O jazz de Xacobe Martínez Antelo Cuarteto soará mañá no Salón Teatro dentro do ciclo de concertos "ST Música Presente"
[12/04/2011] A banda de jazz Xacobe Martínez Antelo Cuarteto protagoniza mañá mércores día 13 no Salón Teatro unha nova cita musical inserida dentro do ciclo de concertos ST Música Presente, posto en marcha pola Agadic (Axencia Galega das Industrias Culturais) da Consellería de Cultura e Turismo co obxectivo de facilitar a promoción especial de discos galegos a través de recitais dirixidos preferentemente ao público especializado, pero abertos tamén a todos os espectadores. No caso da actuación de mañá, que dará comezo ás 21:00 horas, o grupo do compositor e contrabaixista compostelán presentará en directo os temas do seu primeiro traballo discográfico, Jazz from Galiza!!, editado por Freecode.
COLABORA COA ACADEMIA GALEGA DO AUDIOVISUAL A TRAVÉS DA AXENCIA GALEGA DAS INDUSTRIAS CULTURAIS E DA FUNDACIÓN CIDADE DA CULTURA
A Consellería de Cultura patrocina con 90.000 euros a gala dos Premios Mestre Mateo e as súas actividades de promoción
[12/04/2011] A Consellería de Cultura e Turismo, a través da Axencia Galega das Industrias Culturais (Agadic) e da Fundación Cidade da Cultura, patrocina a novena edición dos Premios Mestre Mateo do audiovisual galego, mediante unha achega económica de 90.000 euros á Academia Galega do Audiovisual, entidade organizadora destes galardóns. Esta contía destínase tanto ao desenvolvemento da gala de entrega, que terá lugar o vindeiro domingo día 17 no Auditorio Municipal de Ourense, como á realización dunha serie de actividades complementarias cara á promoción dos traballos finalistas e gañadores.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 Ver novas anteriores