AGADIC
Noticias
TERÁN LUGAR O SÁBADO 12 ÁS 20.30 HORAS E O DOMINGO 13 ÁS 19.00 HORAS
O Teatro Principal de Ourense acolle dúas funcións do espectáculo "Salomé" do Centro Dramático Galego 
[09/03/2011] O espectáculo do Centro Dramático Galego Salomé, dirixido por Carlos Santiago, chega esta fin de semana a Ourense para ofrecer dúas funcións no Teatro Principal que terán lugar o sábado 12, ás 20.30 horas, e o domingo 13, ás 19.00 h. A compañía pública entra así na recta final da xira que desenvolve dende xaneiro con esta adaptación da coñecida obra de Oscar Wilde, a través da que ofrece unha lectura máis política e actual do episodio bíblico recreado polo gran dramaturgo irlandés.
O CDG RESOLVEU UN PROCESO DE AUDICIÓNS NO QUE UN TRIBUNAL VALOROU A 90 CANDIDATOS/AS
Seleccionado o elenco que interpretará xunto a Luis Tosar "A ópera dos tres reás"
[07/03/2011] Un elenco integrado nos papeis femininos por Begoña Santalices, Muriel Sánchez, Alba Mesa, Mónica Iglesias e Marta Pazos; e nos masculinos por Marcos Orsi, César Goldi, Francisco Pérez "Narf", Sergio Zearreta e Víctor L. Mosqueira será o que interprete xunto a Luis Tosar a vindeira produción do Centro Dramático Galego (CDG), A ópera dos tres reás. As actrices e actores seleccionados, que superaron un procedemento de audición pública, actuarán e cantarán neste musical de gran formato sobre a obra de Bertolt Brecht e Kurt Weill que se estreará o vindeiro mes de xuño en Santiago de Compostela.
CONFÍRMASE COMO GALARDÓN DE REFERENCIA PARA A LITERATURA DRAMÁTICA EN GALEGO, ASÍ COMO O DE MÁIS LONGA TRAXECTORIA NESTE ÁMBITO
O Premio Álvaro Cunqueiro chega á súa vixésima edición coa convocatoria 2011 publicada pola Agadic
[04/03/2011] O Premio Álvaro Cunqueiro para Textos Teatrais alcanza este ano a súa vixésima edición, consolidándose como galardón de referencia para a dramaturxia galega, así como o de máis longa traxectoria neste ámbito literario en Galicia. A Axencia Galega das Industrias Culturais (Agadic) acaba de facer pública a súa convocatoria de 2011, xunto coa do VI Manuel María de Literatura Dramática Infantil e o IX Premio Barriga Verde de Textos para Teatro de Monicreques (modalidades de público infantil e adulto), para os que mantén aberto o período de admisión de orixinais até o 3 de xuño.
A NOVA EDICIÓN DA FEIRA DAS INDUSTRIAS CULTURAIS FARASE EN PONTEVEDRA NO ÚLTIMO TRISMESTRE DE 2011
Juan Carlos F. Fasero compromete o apoio da Agadic á edición de 2011 do Culturgal
[03/03/2011] O director da Agadic (Axencia Galega das Industrias Culturais), Juan Carlos F. Fasero, comprometeu o patrocinio da entidade a Culturgal 2011, a feira das industrias culturais que se celebrará dentro do último trimestre do ano na cidade de Pontevedra. Así foi anunciado hoxe na presentación da memoria de 2010 do evento, acto que contou tamén coa presencia de Xulio Amigo, presidente da Asociación Culturgal; Lola Dopico, concelleira de Cultura de Pontevedra; e Cristina Rubal, subdirectora da Secretaría Xeral de Política Lingüística da Xunta de Galicia.
CARLOS SANTIAGO DIRIXE ESTA VERSIÓN DA OBRA DE OSCAR WILDE, NA QUE A ACCIÓN SE SITÚA NUN CONTEXTO ACTUAL PARA OFRECER UNHA LECTURA MÁIS SATÍRICA E POLÍTICA
O Centro Dramático Galego leva "Salomé" á Coruña cunha función no Teatro Rosalía
[03/03/2011] O Centro Dramático Galego (CDG) continúa na Coruña a xira do seu espectáculo Salomé, adaptación da obra de Oscar Wilde dirixida por Carlos Santiago. O Teatro Rosalía Castro ofrecerá mañá venres 4, ás 20.30 horas, un único pase desta montaxe a través da que a compañía pública traslada a acción a un contexto actual para ofrecer unha lectura máis política e actual do texto do gran dramaturgo irlandés.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 Ver novas anteriores