Axencia Galega das Industrias Culturais
Noticias
A PARTIR DUNHA IDEA DE ANTÓN REIXA, LINO BRAXE DIRIXE, ADAPTA E INTERPRETA, XUNTO Á ACTRIZ ANTELA CID, ESTA COPRODUCIÓN DE NORDESÍA, FILMANOVA E KACHET
O espectáculo "Mundo Lois", dedicado ao poeta Lois Pereiro, recala no Salón Teatro de Santiago o Día das Letras Galegas 
[16/05/2011] O Salón Teatro de Santiago acolle mañá martes, Día das Letras Galegas, a posta en escena de Mundo Lois, un espectáculo ideado por Antón Reixa que pretende poñer en valor e difundir a obra do poeta Lois Pereiro, a quen se lle dedica este ano o 17 de maio. Lino Braxe encargouse da dirección e adaptación da montaxe e, acompañado pola actriz Antela Cid, sobe ao escenario para dar voz aos versos do monfortino. A función única, que dará comezo ás 21:00 horas, insírese na programación de temporada deseñada polo Centro Dramático Galego (CDG) para o Salón Teatro.
A MONTAXE DIRIXIDA POR ÁLEX SAMPAIO ABORDA A CONCIENCIACIÓN MEDIOAMBIENTAL A TRAVÉS DUNHA TRAMA BASEADA EN "HANSEL E GRETEL"
A compañía compostelá Redrum estrea no Salón Teatro "Moito Conto", unha comedia musical para público familiar
[13/05/2011] O Salón Teatro de Santiago acolle esta fin de semana a estrea de Moito Conto, a última proposta escénica para público familiar de Redrum Producciones, na que o cineasta lalinense Álex Sampayo dirixe un texto propio escrito en colaboración con Guillermo Carbajo e Tamara Canosa a partir do popular Hansel e Gretel dos irmáns Grimm. O escenario do Centro Dramático Galego (CDG) desenvolverá dúas funcións desta comedia musical recomendada para maiores de 6 anos, que terán lugar o sábado 14 e o domingo 15 ás 18:00 horas.
TONY FABRE, ÁNGEL RODRÍGUEZ E AMAURY LEBRUN, EXCOMPOÑENTES DA COMPAÑÍA NACIONAL DE DANZA, SON OS AUTORES DE "HONEY MOON", "DULCE MEMORIA" E "MAGNIFICAT"
O Centro Coreográfico estreará o espectáculo "3Dtres" o próximo 11 de xuño no Teatro Colón da Coruña
[12/05/2011] O Centro Coreográfico Galego (CCG) estreará o vindeiro 11 de xuño no Teatro Colón da Coruña o espectáculo titulado 3Dtres, a produción propia para este ano da compañía que dirixe Mercedes Suárez. A unidade de danza da Agadic (Axencia Galega das Industrias Culturais) está a ultimar os ensaios desta montaxe na que participan 10 bailaríns e bailarinas e que se articula mediante a sucesión de tres pezas creadas especialmente para o CCG por outros tantos coreógrafos convidados.
DUNCAN CHISHOLM, SEBASTIÁN RUBIO E XOSÉ MANUEL BUDIÑO SERÁN OS MESTRES DA ACTUAL CONVOCATORIA
A Agadic organiza un novo ciclo das "Master Class de Música Tradicional" dedicado ao violín, ao caixón flamenco e á gaita
[11/05/2011] A Axencia Galega das Industrias Culturais (Agadic) da Consellería de Cultura e Turismo organiza o IV ciclo das "Master Class de Música Tradicional", dedicado nesta ocasión ao violín escocés, ao caixón flamenco e á gaita mediante tres cursos que serán impartidos polo violinista Duncan Chisholm, o percusionista Sebastián Rubio e o gaiteiro Xosé Manuel Budiño (na imaxe). A illa de San Simón acollerá por segunda vez aos 45 alumnos que poderán participar no desenvolvemento das clases entre os vindeiros 27 de maio e 4 de xuño.
O DIRECTOR DA AGADIC COMPARECEU A PETICIÓN PROPIA DIANTE DA COMISIÓN 4ª DE EDUCACIÓN E CULTURA DO PARLAMENTO PARA DETALLAR AS PRINCIPAIS ACTIVIDADES DESTA CONMEMORACIÓN
Fasero destaca a celebración do Ano da Música como "necesidade estratéxica" para artistas e creadores
[10/05/2011] O director da Axencia Galega das Industrias Culturais (Agadic), Juan Carlos F. Fasero, interveu hoxe diante da Comisión 4ª de Educación e Cultura do Parlamento de Galicia para detallar a programación especial do Ano da Música, celebración promovida en 2011 pola Xunta de Galicia a través da Consellería de Cultura e Turismo. Na súa comparecencia a petición propia, Fasero incidiu na oportunidade e relevancia desta celebración como "necesidade estratéxica" para os artistas e creadores galegos cara a unha maior visibilidade social do seu traballo e da emerxencia deste sector no conxunto das industrias culturais.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores