Axencia Galega das Industrias Culturais
Noticias
A INICIATIVA INSÍRESE NO PLANO DE FORMACIÓN DO CDG E ORGANÍZASE EN COLABORACIÓN COA UNIVERSIDADE DE SANTIAGO
O mimo Thomas Leabhart imparte dous cursos nos que participan 25 profesionais da escena galega 
[25/04/2011] A Universidade de Santiago de Compostela (USC) e o Centro Dramático Galego (CDG) organizan dous cursos de perfeccionamento de mimo impartidos por Thomas Leabhart, discípulo directo do fundador da mímica moderna, Etienne Decroux. Esta actividade docente, que se enmarca dentro do programa de formación continua para actores e actrices impulsado pola compañía pública, ten como finalidade proporcionar unha ampla introdución ao método Decroux mediante dous talleres intensivos sobre as bases fundacionais do mimo moderno.
ORGANIZADA POLO CENTRO COREOGRÁFICO GALEGO, DESENVOLVERASE DO 26 AO 30 DE ABRIL NO SALÓN TEATRO E NA PRAZA DE CERVANTES
A I Mostra de Danza de Galicia difundirá as propostas coreográficas de 37 compañías de todos os estilos
[20/04/2011] O Centro Coreográfico Galego (CCG) organiza a I Mostra de Danza de Galicia, que se desenvolverá durante a próxima semana en Santiago de Compostela cunha carteleira artística de 37 compañías galegas de todos os estilos. O Salón Teatro e a praza de Cervantes serán os escenarios desta programación que se estenderá do martes 26 ao sábado 30 de abril, coincidindo coa conmemoración do Día Internacional da Danza.
PABLO CASTAÑO, ANDREW MACNEILL, ADRIÁN VIÑAS ALONSO, PACO DICENTA, VADZIM YUKHNEVICH E DAVID RODRÍGUEZ RIAL FORON SELECCIONADOS ENTRE 23 ASPIRANTES
O CDG seleccionou os seis músicos que interpretarán en directo a partitura de "A ópera dos tres reás"
[18/04/2011] Pablo Castaño, Andrew Macneill, Adrián Viñas Alonso, Paco Dicenta, Vadzim Yuknevich e David Rodríguez Rial conforman o sexteto que porá a música en directo en A ópera dos tres reás, versión da famosa obra de Bertolt Brecht e Kurt Weill que o Centro Dramático Galego (CDG) estreará o vindeiro 23 de xuño baixo a dirección escénica de Quico Cadaval. Os seis foron seleccionados entre os 23 candidatos que participaron nas audicións convocadas pola compañía pública, durante as que tiveron que demostrar tanto o seu virtuosismo como a súa versatilidade, xa que en total interpretarán ata 17 instrumentos diferentes.
ESTE NOVO CICLO INSCRÍBESE DENTRO DAS ACTIVIDADES DE CELEBRACIÓN DO ANO DA MÚSICA
A Agadic pon en marcha o circuíto Galicia é Música, que ofrecerá un centenar de concertos nos concellos durante o verán
[15/04/2011] A Axencia Galega das Industrias Culturais (Agadic) promove un novo circuíto de concertos que, baixo o título Galicia é Música, desenvolverá un centenar de actuacións en concellos das catro provincias durante os meses de verán. Inserido no programa de actividades deseñado pola Consellería de Cultura e Turismo para celebrar o Ano da Música de Galicia, o ciclo busca impulsar a descentralización da oferta de música ao vivo na nosa Comunidade.
O SALÓN TEATRO E A PRAZA DE CERVANTES ACOLLERÁN DIFERENTES PROPOSTAS COREOGRÁFICAS EXECUTADAS POR 200 ARTISTAS
O CCG organiza en Santiago a I Mostra de Danza de Galicia con 37 compañías participantes
[14/04/2011] Coincidindo co Día Internacional da Danza, celebración que se conmemora cada 29 de abril, o Centro Coreográfico Galego (CCG) organiza a I Mostra de Danza de Galicia, que se desenvolverá en Santiago de Compostela entre os días 26 e 30 deste mes con 35 compañías participantes. O Salón Teatro amosará de martes a sábado unha sucesión de máis de 20 pezas, cada unha delas duns 30 minutos de duración, levadas a cabo por unha ampla representación de compañías, intérpretes e creadores galegos. Durante as mañás a Mostra ocupará tamén a Praza de Cervantes, nun emprazamento aberto aos viandantes e no que participarán 10 formacións artísticas.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 Ver novas anteriores