Axencia Galega das Industrias Culturais
Noticias
A MONTAXE CONTA CO PATROCINIO DA AGADIC E A COLABORACIÓN DO CDG NA CESIÓN DO SEU ESCENARIO COMPOSTELÁN, ONDE SE DESENVOLVEN OS ENSAIOS DESDE O PASADO MES DE AGOSTO
A compañía Eme2 estrea no Salón Teatro 'O florido pénsil', a adaptación ao galego do famoso texto de Andrés Sopeña 
[20/09/2011] O Salón Teatro de Santiago acolle este mércores 21 de setembro ás 21.00 horas a función de estrea de O florido pénsil, o novo espectáculo da compañía galega Eme2 que interpretan os actores Xosé Manuel Olveira "Pico", Antonio Durán "Morris", Federico Pérez, Josito Porto e Alfonso Agra, baixo a dirección escénica de Fernando Bernués e Mireia Gabilondo. A Axencia Galega das Industrias Culturais (Agadic) patrocina esta adaptación ao galego do popular texto de Andrés Sopeña, que conta tamén coa colaboración do Centro Dramático Galego (CDG) na cesión do seu teatro, onde se desenvolverán outras catro representacións da montaxe: do xoves 22 ao sábado 24 ás 20.30 horas e o domingo 25 ás 18.00 h.
A VERSIÓN GALEGA DO CLÁSICO DE BRECHT E WEILL ESGOTOU AS ENTRADAS PARA OS DÍAS 17 E 18 NO SEU REGRESO A GALICIA TRAS UNHA EXITOSA XIRA EXTERIOR
'A ópera dos tres reás' encherá esta fin de semana o Teatro Colón nas súas dúas funcións na Coruña
[16/09/2011] O Centro Dramático Galego (CDG) retoma esta fin de semana na Coruña a xira galega do seu espectáculo musical A ópera dos tres reás, que escenifica no Teatro Colón o sábado 17 e o domingo 18, ás 20.30 horas, con todas as localidades esgotadas desde hai días. O público coruñés súmase así aos máis de 15.000 espectadores que congregou ata o momento esta versión galega do clásico de Bertolt Brech e Kurt Weill, cifra que -segundo explicou hoxe o director da Agadic (Axencia Galega das Industrias Culturais), Juan Carlos F. Fasero- a sitúa xa entre as producións con maior éxito de público na historia da compañía da Consellería de Cultura e Turismo.
O ESPECTÁCULO DO CENTRO COREOGRÁFICO GALEGO REPRESÉNTASE ESTE SÁBADO 17, ÁS 20.30 HORAS, NO CENTRO CULTURAL NOVACAIXAGALICIA
'3Dtres' leva a Vigo as coreografías de Tony Fabre, Ángel Rodríguez e Amaury Lebrun
[15/09/2011] O Centro Coreográfico Galego (CCG) continúa presentando ante o público galego o seu espectáculo 3Dtres, co que chega a Vigo este sábado 17 para ofrecer unha única función ás 20.30 horas no Centro Cultural Novacaixagalicia. A última produción da unidade de danza da Agadic (Axencia Galega das Industrias Culturais) está realizada a partir das tres pezas creadas ex profeso por Tony Fabre, Ángel Rodríguez e Amaury Lebrun, coreógrafos de recoñecida traxectoria internacional que asinan, respectivamente, Honey Moon, Dulce memoria e Magnificat.
O MUSICAL REPRESÉNTASE ENTRE MAÑÁ E O DOMINGO NA CAPITAL ARAGONESA ANTES DE REGRESAR A GALICIA CON FUNCIÓNS NA CORUÑA, VIGO, OURENSE E NARÓN
'A ópera dos tres reás' abre a temporada do Teatro Principal de Zaragoza
[08/09/2011] O Centro Dramático Galego (CDG) preséntase a partir de mañá en Zaragoza co seu espectáculo musical 'A ópera dos tres reás', que abre a temporada do Teatro Principal da capital aragonesa antes de regresar a Galicia para finalizar a súa xira. Coas tres funcións que ofrecerá esta fin de semana, a compañía pública galega completará, ademais, a ampla distribución exterior desta versión do clásico de Bertolt Brecht e Kurt Weill, que xa escenificou en Madrid, Las Palmas, Salamanca e Pamplona.
PAMPLONA E ZARAGOZA SERÁN AS PRÓXIMAS PARADAS DO MUSICAL DO CDG, QUE REGRESARÁ A GALICIA A PARTIR DO DÍA 17 CON REPRESENTACIÓNS NA CORUÑA, VIGO, OURENSE E NARÓN
'A ópera dos tres reás' retoma a súa xira con dúas funcións no Teatro Liceo de Salamanca
[01/09/2011] O Centro Dramático Galego (CDG) retoma esta semana a xira do espectáculo musical A ópera dos tres reás, co que se presenta mañá venres día 2 e o sábado día 3 no Teatro Liceo de Salamanca. A compañía pública galega viaxará a continuación a Pamplona e Zaragoza para ofrecer outras cinco funcións desta versión do clásico de Bertolt Brecht e Kurt Weill, que conta con Quico Cadaval na dirección escénica, Diego García Rodríguez na musical e un extenso elenco de actores e músicos encabezado por Luis Tosar.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 Ver novas anteriores