Axencia Galega das Industrias Culturais
Noticias
A PRODUCIÓN DA COMPAÑÍA PÚBLICA OPTA AOS GALARDÓNS EN SETE CATEGORÍAS: MELLORES ACTOR E ACTRIZ SECUNDARIOS, ESCENOGRAFÍA, ADAPTACIÓN/TRADUCIÓN, ILUMINACIÓN, VESTIARIO E MAQUILLAXE
"A ópera dos tres reás" do Centro Dramático Galego acada oito candidaturas aos Premios de Teatro María Casares 2012 
[01/03/2012] O espectáculo A ópera dos tres reás do Centro Dramático Galego (CDG) acadou un total de oito candidaturas aos Premios de Teatro María Casares 2012 que convoca e outorga cada ano a Asociación de Actores e Actrices de Galicia (AAAG). A produción da compañía pública, que foi vista entre xuño e outubro de 2011 por 20.000 espectadores, resultou finalista en sete das trece categorías a concurso destes galardóns: mellores actor e actriz secundarios, escenografía, adaptación ou tradución, iluminación, vestiario e maquillaxe.
A OBRA DA COMPAÑÍA MADRILEÑA LA TRISTURA, CANDIDATA AOS PREMIOS MAX 2012 COMO MELLOR ESPECTÁCULO REVELACIÓN, PODERÁ VERSE EN SANTIAGO O VENRES 9 DE MARZO
O Centro Dramático Galego e o ALT de Vigo traen a Galicia "Materia Prima", unha montaxe para adultos interpretada só por nenos
[29/02/2012] O Salón Teatro de Santiago acollerá o vindeiro 9 de marzo ás 20:30 horas unha única función de Materia Prima, montaxe da compañía madrileña La Tristura que ten a particularidade de ser interpretada por nenos de 10 anos pese a estar dirixida a un público adulto. O espazo escénico que xestiona o Centro Dramático Galego (CDG), dependente da Consellería de Cultura, Educación e Ordenación Universitaria a través da Agadic (Axencia Galega das Industrias Culturais), iniciará coa posta en escena deste espectáculo, que visita Galicia en virtude da colaboración emprendida entre o CDG e o Festival ALT de Vigo, un novo período de actividade no que exhibirá ata finais de xuño sete obras de teatro, dúas pezas de danza e seis concertos, ademais de acoller outras actividades formativas e artísticas.
A UNIDADE DA AGADIC COLABORA CO MERCAT DE LES FLORS E O INSTITUTE DEL TEATRE DE BARCELONA NA PUBLICACIÓN DESTE NOVO NÚMERO DA SERIE, PIONEIRA NO ÁMBITO DA TEORÍA DA DANZA CONTEMPORÁNEA
Edítase coa colaboración do Centro Coreográfico o cuarto volume da colección "Corpo de letra" centrado na narratoloxía da danza
[20/02/2012] O Centro Coreográfico Galego, o Institut del Teatre e o Mercat de les Flors de Barcelona acaban de editar A contracuento. La danza y las derivas del narrar, do profesor italiano Roberto Fratini, que fai o cuarto volume da súa colección Corpo de letra: danza e pensamento, pioneira no ámbito da teoría da danza contemporánea.
A CUARTA PRODUCIÓN DA COMPAÑÍA PONTEVEDRESA PODERÁ VERSE O VENRES 17 E O SÁBADO 18 ÁS 20.30 H
Inversa Teatro reflexiona sobre o universo feminino coa posta en escena no Salón Teatro de "Paper Dolls. O silencio das damas"
[15/02/2012] Inversa Teatro convida a reflexionar sobre o universo feminino na súa proposta Paper Dolls. O silencio das damas, a cuarta produción da compañía pontevedresa que poderá verse este venres 17 e o sábado 18, ás 20.30 horas, no Salón Teatro de Santiago de Compostela. A carteleira do espazo do Centro Dramático Galego (CDG) amosa nesta ocasión un proxecto peculiar e experimental, xa que consta dunha obra de teatro e máis dun documental (Paper Dolls.doc) sobre o propio proceso de creación da peza teatral e que se proxecta ao final da representación.
DESENVOLVERASE DO 10 A0 13 DE ABRIL E O PRAZO DE MATRÍCULA PRINCIPIA O 5 DE MARZO
O CDG organiza un curso de "commedia dell'arte" para actores impartido por Massimo Malucelli
[09/02/2012] O Centro Dramático Galego (CDG) organiza o curso "A commedia dell’arte e as técnicas da comedia" que o autor, actor e director italiano Massimo Malucelli impartirá no Salón Teatro do 10 ao 13 de abril e no que se traballará sobre a capacidade creativa do intérprete cómico. O período para a inscrición nunha das 15 prazas que se ofertan nesta iniciativa formativa permanecerá aberto dende o 5 ao 16 de marzo e o prezo da matrícula é de 50 euros.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 Ver novas anteriores