Axencia Galega das Industrias Culturais
Noticias
O TEXTO ESCRITO POR INACIO VILARIÑO FOI GALARDOADO EN 2010 CO PREMIO BARRIGA VERDE QUE OUTORGA A AGADIC
Os monicreques de luvas chegan á Mostra de Teatro Infantil de Nadal co espectáculo de Fantoches Baj "Fábula Galénica"
[28/12/2011] A compañía lalinense Fantoches Baj representa mañá xoves 29 ás 19:00 horas no Salón Teatro de Santiago o espectáculo de monicreques de luvas Fábula Galénica, penúltima proposta da Mostra de Teatro Infantil de Nadal que desenvolve o Centro Dramático Galego (CDG). A montaxe foi realizada a partir do texto do mesmo nome co que Inacio Vilariño foi galardoado en 2010 co VIII Premio Barriga Verde de textos para teatro de monicreques que outorga a Agadic (Axencia Galega das Industrias Culturais) da Consellería de Cultura e Turismo.
JOSÉ PREIETO DIRIXE ESTA MOSTAXE BASEADA NUNHA FÁBULA DE JORGE AMADO SOBRE A AMIZADE E A TOLERANCIA
Continúa a Mostra de Nadal con "O gato Manchado e a Andoriña Siñá" a cargo de Teatro do Morcego 
[27/12/2011] A Mostra de Teatro Infantil de Nadal continúa mañá mércores 28 no Salón Teatro de Santiago coa posta en escena de O Gato Manchado e a Andoriña Siñá a cargo da compañía Teatro do Morcego. Organizada polo Centro Dramático Galego (CDG), a Mostra chega ao seu ecuador con esta montaxe de teatro de actor baseada nunha fábula escrita polo autor brasileiro Jorge Amado que dirixe José Prieto.
ROSA HURTADO, SANTIAGO MONTENEGRO E SIMÓN PIÑÓN INTERPRETAN A TRES LIMPADORES ENGAIOLADOS NUNHA HISTORIA QUE OS LEVA A XOGAR, MESTURAR, ENREDAR E COMPARTIR
Artello Teatro presenta con "Cinderella Mix" a súa versión do conto da Cincenta na Mostra de Teatro Infantil de Nadal
[26/12/2011] A Mostra de Teatro Infantil de Nadal, que organizada polo Centro Dramático Galego (CDG) se desenvolve ata o vindeiro venres 30 no Salón Teatro de Santiago, ofrecerá mañá martes 27 o espectáculo Cinderela Mix, a cargo da compañía viguesa Artello Teatro alla Scala 1:5. Escrita e interpretada por Rosa Hurtado, Simón Piñón e Santiago Montenegro, a montaxe presenta unha nova visión dunha das obras máis versionadas da historia, como é o conto da Cincenta.
ÁLVARO GUEVARA, GEMA ULLOA, CARMEN BLANCO E NACHO MARTÍN PROTAGONIZAN ESTE ESPECTÁCULO DIRIXIDO A RAPACES ENTRE 3 E 10 ANOS
A compañía coruñesa Teatro del Andamio abre mañá a carteleira da Mostra Infantil de Nadal coa montaxe "Area e Auga"
[25/12/2011] O Salón Teatro de Santiago acolle desde mañá luns 26 e ata o venres 30 de decembro a Mostra de Teatro Infantil de Nadal, no marco da que se exhibirán cinco espectáculos escénicos especialmente dirixidos ao público máis novo. Organizado polo Centro Dramático Galego (CDG), o festival comezará ás 19.00 horas da man da compañía coruñesa Teatro del Andamio, que porá en escena a montaxe Area e Auga, obra galardoada co Premio Fetén 2008 á mellor dramaturxia.
ORGANIZADA POLO CENTRO DRAMÁTICO GALEGO, DESENVÓLVESE DO 26 AO 30 DE DECEMBRO
Cinco compañías galegas protagonizan o peche da programación anual do Salón Teatro coa Mostra de Teatro Infantil de Nadal
[23/12/2011] O Salón Teatro de Santiago despide a súa programación de 2011 cunha nova edición da Mostra de Teatro Infantil de Nadal, que ofrecerá do 26 ao 30 de decembro cinco espectáculos de teatro de actor, clown e monicreques, especialmente pensados para os espectadores máis pequenos. Organizada polo Centro Dramático Galego (CDG) desde o ano 2000 e sempre nas mesmas datas, nesta undécima edición participan os grupos galegos Teatro del Andamio, coa montaxe Area e Auga; Artello Teatro alla Scala 1:5, con Cinderela Mix; Teatro do Morcego, con O Gato Manchado e a Andoriña Siñá; Fantoches Baj, con Fábula Galénica; e Teatro do Noroeste, con Piratas.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 Ver novas anteriores