Axencia Galega das Industrias Culturais
Noticias
OFRECERÁ DÚAS FUNCIÓNS QUE TERÁN LUGAR ESTE VENRES 20 E O SÁBADO 21, ÁS 20.30 HORAS
Teatro Galileo representa no Salón Teatro a montaxe "Sempre quixen bailar un tango", coa dirección escénica de Pedro Rubín 
[18/01/2012] A compañía Teatro Galileo pon en escena este venres 20 e o sábado 21, ás 20.30 horas, no Salón Teatro de Santiago, dúas funcións de Sempre quixen bailar un tango, a obra coa que Teresa González Costa gañou a edición de 2008 do Premio Álvaro Cunqueiro para Textos Teatrais, outorgado pola Axencia Galega das Industrias Culturais (Agadic). Baixo a dirección de Pedro Rubín, o espectáculo é unha traxicomedia que reflexiona sobre as cousas que deixamos sen facer e sen aprender ao longo da nosa existencia.
O PASE, DE ACCESO LIBRE, É POSIBLE GRAZAS AO LABOR DA FUNDACIÓN VICENTE RISCO DE ALLARIZ
O Salón Teatro acolle este luns a presentación da versión orixinal en catalán con subtítulos en galego do filme "Pa Negre"
[13/01/2012] O Salón Teatro de Santiago acolle, este luns 16 ás 20.30 horas, a proxección con subtítulos en galego de Pa Negre, a película de Agustí Villaronga baseada na novela homónima de Emili Teixidor, vencedora dos Premios Goya 2011 e candidata española ao Oscar 2012 ao mellor filme de fala non inglesa. A entrada para asistir a esta proxección é de balde, previo paso polo despacho de billetes, que permanecerá aberto desde as 18.30 horas. Poderán retirarse ata dúas localidades por persoa.
O ESPECTÁCULO REPRESÉNTASE O VENRES 13 ÁS 21.00 HORAS E O SÁBADO 14 ÁS 20.30 H
Voadora abre a programación de 2012 do Salón Teatro coa estrea de "Tokio3", unha fábula musical sobre o paraíso
[11/01/2012] O Salón Teatro de Santiago inaugura a súa programación de 2012 coa estrea este venres do novo espectáculo da compañía galega Voadora, Tokio3, unha fábula musical sobre o paraíso futuro que supón a última entrega da triloxía Lugares comúns. A montaxe, que poderá verse o venres 13 ás 21.00 horas e o sábado 14 ás 20.30 horas, combina teatro, música en vivo e danza para falar sobre a esperanza e a realidade. A carteleira bimestral do espazo escénico que xestiona o Centro Dramático Galego (CDG) acollerá, a continuación, outras catro propostas de teatro, unha de danza contemporánea e dúas proxeccións de cinema.
O ESPAZO QUE XESTIONA O CENTRO DRAMÁTICO GALEGO PREVÉ 16 DÍAS DE APERTURA AO PÚBLICO E DIFERENTES ACTIVIDADES DE RESIDENCIA ARTÍSTICA DE CARÁCTER INTERNO
O Salón Teatro comeza 2012 cunha carteleira bimestral dedicada ás artes escénicas e ao cinema
[02/01/2012] O Salón Teatro de Santiago comeza a vindeira semana a súa programación para 2012 cunha carteleira bimestral que inclúe cinco espectáculos de teatro, un de danza contemporánea e dúas proxeccións de cinema. O espazo escénico que xestiona o Centro Dramático Galego (CDG), dependente da Consellería de Cultura e Turismo a través da Agadic (Axencia Galega das Industrias Culturais), iniciará coa estrea do último espectáculo da compañía galega Voadora este primeiro período de actividade anual, durante o que computará un total de 16 xornadas con funcións dirixidas ao público.
RECOMENDADA PARA TODOS OS PÚBLICOS, A OBRA CONTA AS AVENTURAS DUN BARCO PIRATA MOI PARTICULAR E SOA MEMBROS DA SÚA PERIGOSA TRIPULACIÓN
Teatro do Noroeste pecha a Mostra de Teatro Infantil de Nadal coa montaxe de Eduardo Alonso "Piratas"
[29/12/2011] A compañía Teatro do Noroeste coa súa última produción, Piratas, pechará mañá venres 30 ás 19.00 horas a Mostra de Teatro Infantil de Nadal que organizada polo Centro Dramático Galego (CDG) veu desenvolvéndose ao longo desta semana no Salón Teatro de Santiago. Escrita e dirixida por Eduardo Alonso, Piratas é unha divertida montaxe -recomendada para todos os públicos pero en particular para rapaces e rapazas de 6 a 12 anos- sobre as aventuras que acontecen a bordo dun barco de bucaneiros moi especial.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 Ver novas anteriores