AGADIC

Xunta de Galicia. Consellería de Cultura e TurismoAGADIC

Noticias

COPRODUCIDOS RESPECTIVAMENTE POLO CDG E O CCG, AMBAS MONTAXES ATÓPANSE EN XIRA POR DIFERENTES TEATROS E FESTIVAIS ESPAÑOIS

Os espectáculos galegos "Super8" de Voadora e "Ovay" de Quique Peón represéntanse en Madrid Documento anexo

[12/11/2010] As compañías galegas Voadora e Quique Peón Cía. atópanse estes días en Madrid para presentar os seus últimos espectáculo, Super8 (na imaxe) e Ovay, coproducidos respectivamente polo Centro Dramático Galego (CDG) e o Centro Coreográfico Galego (CCG). A montaxe da plataforma Voadora escenifícase na Sala Triángulo, onde mañá sábado terá ofrecido un total de tres funcións; mentres que Quique Peón foi seleccionado polo Festival Internacional Madrid en Danza para actuar, tamén mañá, no Centro Cultural Pilar Miró.

O EVENTO TERÁ LUGAR EN PONTEVEDRA DO 26 AO 28 DE NOVEMBRO COA PARTICIPACIÓN DE 50 EXPOSITORES E MÁIS DE 36 HORAS DE PROGRAMACIÓN

O director da Agadic presenta Culturgal como a feira estratéxica para a proxección do sector cultural galego Documento anexo

[11/11/2010] O director da Axencia Galega das Industrias Culturais, Juan Carlos Fernández Fasero, participou hoxe en Pontevedra na presentación do programa de actividades profesionais e públicas do Culturgal 2010, evento que cualificou como "a feira estratéxica" para a proxección exterior e interior de todo o sector cultural galego. Como principal entidade patrocinadora da terceira edición deste encontro, a Agadic promove a presenza en Culturgal de profesionais e artistas procedentes de Brasil e Portugal, apostando así por unha feira aberta tanto á sociedade galega como ao resto do mundo, na procura dunha maior internacionalización da nosa cultura.

A ILLA DE SAN SIMÓN SERÁ O NOVO EMPRAZAMENTO DAS SESIÓNS TEÓRICAS E PRÁCTICAS, QUE SE DESENVOLVERÁN EN DISTINTAS DATAS DE NOVEMBRO E DECEMBRO

A Agadic organiza un novo ciclo de "master class" de música tradicional con Steven Greenman, Kepa Junkera e Antonio Placer Documento anexo

[10/11/2010] A Axencia Galega das Industrias Culturais (Agadic) da Consellería de Cultura e Turismo organiza un novo ciclo de tres clases maxistrais de música tradicional, que impartirán os mestres Steven Greenman, Kepa Junkera (na imaxe) e Antonio Placer en distintas datas de novembro e decembro e que desta volta trasladarán o seu emprazamento á illa de San Simón, na ría de Vigo. O violín klezmer, os instrumentos tradicionais vascos e a relación entre creación vocal e improvisación serán os principais eixos temáticos desta terceira edición das master class.

AS SESIÓNS DE TRABALLO CENTRARANSE NO INTERCAMBIO DE EXPERIENCIAS E CONTACTOS EMPRESARIAIS EN ÁMBITOS COMO O PRODUTO GRÁFICO, O AUDIOVISUAL, A MÚSICA E A ESCENA

A Agadic convida as empresas culturais galegas á xornada "Co-Creation" de encontro coa industria creativa portuguesa Documento anexo

[09/11/2010] A Axencia Galega das Industrias Culturais (Agadic) e a Agência para o Desenvolvimento das Indústrias Criativas de Portugal (Addict) colaboran na organización dun encontro entre empresas culturais de ambos lados da fronteira que, baixo o título Co-Creation: participación colaborativa e intercambio de experiencias nas industrias culturais, terá lugar o vindeiro martes día 16 na sede do Colexio Oficial de Arquitectos de Galicia en Vigo.

UN TOTAL DE 11 PROFESIONAIS ASISTEN ÁS SESIÓNS FORMATIVAS, NAS QUE TAMÉN SE ABORDAN OUTROS ASPECTOS RELACIONADOS CO BAILE COMO OS TRAXES OU A MÚSICA POPULAR

Calixto Albán Laxe imparte un obradoiro de danza tradicional no Centro Coreográfico Galego

[08/11/2010] Un total de 11 alumnos asisten dende hoxe e ata o vindeiro venres día 12 ao Taller de Danza Tradicional Galega que, organizado polo Centro Coreográfico Galego (CCG), imparte o especialista Calixto Albán Laxe, autor de O saber do pobo. Enciclopedia do traxe, danza e música tradicional. As clases, especialmente dirixidas a profesionais da danza e das artes do movemento, céntranse no coñecemento do baile tradicional como expresión da cultura galega, ademais de abordar outros aspectos esenciais para a súa execución, como os traxes e as súas partes ou os diferentes tipos de música popular.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263 Ver novas anteriores

Escolle o apartado que máis che interesa clicando nas celas: