AGADIC

Xunta de Galicia. Consellería de Cultura e TurismoAGADIC

Noticias

A COMPAÑÍA RECUPERA ESTA PEZA DE MIGUEL ANXO MURADO QUE XA REPRESENTARA HAI 15 ANOS E QUE SITÚA NA ÉPOCA BARROCA A UN GRUPO DE ACTORES PERCORRENDO O CAMIÑO DE SANTIAGO

Teatro do Noroeste ofrece no Salón Teatro seis funcións da comedia alegórica "Historias peregrinas" Documento anexo

[26/10/2010] Teatro do Noroeste ofrece esta semana no Salón Teatro de Santiago un total de 6 funcións do seu espectáculo Historias peregrinas, unha nova versión da comedia alegórica escrita por Miguel Anxo Murado e que a compañía que dirixe Eduardo Alonso xa estreara hai 15 anos. O público xeral terá oportunidade de ver a peza o xoves 28, o venres 29 e sábado 30 ás 20.30 h e o domingo 31 ás 18.00 h; en tanto que haberá ademais dous pases matinais previos dedicados a alumnos de ensino secundario o mércores 27 e o xoves 28 ás 11.00 h.

A AGADIC, EN COLABORACIÓN COAS ASOCIACIÓNS AGAPHONO E AGEM, APOIA A SÚA PRESENZA BAIXO A MARCA GALICIANTUNES NA MÁIS IMPORTANTE CITA PROFESIONAL COA "WORLD MUSIC"

Cristina Pato, Mercedes Peón e sete empresas musicais galegas participan no Womex de Copenhague Documento anexo

[25/10/2010] O Womex de Copenhague, a máis importante cita profesional coa música de raíz, volverá contar cunha destacada representación galega a través das actuacións de Cristina Pato (na imaxe) e Mercedes Peón, así como das sete empresas e dúas asociacións que do 27 ao 31 de outubro participarán nesta World Music Expo. Co apoio da Consellería de Cultura e Turismo, a través da Agadic (Axencia Galega das Industrias Culturais), a prioridade da delegación artística e comercial galega é continuar avanzando na proxección exterior dos nosos intérpretes e grupos actuais, así como na súa promoción conxunta baixo a marca Galiciantunes.

A FEIRA GALEGA DAS ARTES ESCÉNICAS PECHOU AS PRIMEIRAS CONTRATACIÓNS E MANTÉN ABERTO O PROGRAMA DE BONIFICACIÓNS Á DISTRIBUCIÓN EXTERIOR

Teatros e circuítos de Castela-A Mancha, País Vasco e Portugal exhibirán espectáculos galegos a próxima temporada

[22/10/2010] Teatros e circuítos escénicos de Castela-A Mancha, País Vasco e Portugal programarán espectáculos galegos durante o próximo ano 2011 no marco do programa de bonificacións á distribución exterior da XVIII Feira Galega das Artes Escénicas. Os axentes culturais chegados dende fóra de Galicia para participar neste encontro profesional, que concluíu onte en Santiago tras catro intensas xornadas de exhibición, teñen de prazo ata o 2 de novembro para acollerse a esta iniciativa, beneficiándose así dun desconto do 40 por cento sobre o caché das producións galegas que contraten.

A MONTAXE, INSPIRADA NA VIAXE DA QUE PUIDO SER A PRIMEIRA PEREGRINA GALEGA, ESCENIFÍCASE ÁS 20.30 H NO TEATRO MUNICIPAL-AREA PANORÁMICA

O Centro Coreográfico Galego representa este sábado en Tui o seu espectáculo "Etheria, a viaxe soñada" Documento anexo

[21/10/2010] O Teatro Municipal-Área Panorámica de Tui acolle este sábado día 23, ás 20.30 horas, a última produción do Centro Coreográfico Galego, Etheria, a viaxe soñada, espectáculo que combina danza, música en directo e videocreacións para achegarse ao mundo das peregrinacións a través da recreación da historia da muller que puido ser a primeira peregrina galega.

ADEMAIS DOS TEMAS DESTE NOVO EP, A ACTUACIÓN DE MAÑÁ INCLÚE A PROXECCIÓN NO EXTERIOR E INTERIOR DO TEATRO DOS VÍDEOS REALIZADOS POLA CREADORA OLAIA SENDÓN

O Salón Teatro acolle o concerto-presentación do novo traballo discográfico de Silvia Penide, "Las erres dobles" Documento anexo

[21/10/2010] O Salón Teatro de Santiago acolle mañá venres 22, ás 21.30 horas, o concerto de presentación do novo traballo discográfico de Silvia Penide, Las Erres Dobles, co que a cantante coruñesa se consolida como unha das voces destacadas no panorama musical actual. A actuación pecha a segunda entrega do programa "ST Música Presente", creado pola Agadic (Axencia Galega das Industrias Culturais) co obxectivo de facilitar a promoción especial de novos traballos discográficos galegos a través de actuacións dirixidas preferentemente a un público especializado, pero abertas tamén a todos os espectadores interesados en función do aforo dispoñible.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262 Ver novas anteriores

Escolle o apartado que máis che interesa clicando nas celas: