AGADIC

Xunta de Galicia. Consellería de Cultura e TurismoAGADIC

Noticias

OS PARTICIPANTES ACHEGARANSE AO REPERTORIO DE PIANO PARA AS CLASES DE DANZA CLÁSICA A TRAVÉS DE DIFERENTES EXERCICIOS PRÁCTICOS

O Centro Coreográfico Galego pecha o seu programa formativo 2010 cun taller de acompañamento musical a cargo de Roberto Beceiro Documento anexo

[06/12/2010] O programa formativo do Centro Coreográfico Galego (CCG) para 2010 chega ao seu fin este mes de decembro coa celebración dun taller de acompañamento musical impartido polo pianista Roberto Beceiro. Dirixido tanto a profesores de danza como a pianistas acompañantes, o obradoiro desenvolverase entre os días 13 e 17 na sede do CCG na Coruña.

O ENCONTRO CELÉBRASE DO 8 AO 12 DE DECEMBRO NA CIDADE DE BELO HORIZONTE, CAPITAL DE MINAS GERAIS

Oito produtoras e discográficas galegas participan en misión comercial na Feira de Música do Brasil

[05/12/2010] A Axencia Galega das Industrias Culturais (Agadic) patrocina a participación dunha delegación integrada por oito produtoras e discográficas galegas na Feira Internacional de Música de Brasil (FMB), o encontro máis importante para a difusión musical de toda América Latina, que este ano se celebra na cidade de Belo Horizonte, capital do estado de Minas Gerais. A música galega estará presente neste certame mediante a misión comercial emprendida polos xerentes das empresas Ouvirmos, Esmerarte, A Central Folque, Berrogüetto Producións, Falcatruada, Keltia, Nalgures e Nordesía.

TERÁ LUGAR NO SALÓN TEATRO DO 26 AO 30 DE DECEMBRO COAS COMPAÑÍAS LIMIAR, BERROBAMBÁN, TANXARINA, TROMPICALLO E PANAMESIANA

O CDG organiza unha nova edición da Mostra de Teatro Infantil de Nadal

[04/12/2010] O Salón Teatro de Santiago de Compostela acollerá do 26 ao 30 de decembro unha nova edición da Mostra de Teatro Infantil de Nadal, na que cinco compañías, todas elas galegas, escenificarán os seus últimos espectáculos especialmente deseñados para público familiar. Organizada polo Centro Dramático Galego (CDG), participarán no ciclo Limiar Teatro, Berrobambán, Tanxarina Títeres, Títeres Trompicallo e Panamesiana Teatro coas súas distintas propostas de teatro actor, clown ou monicreques.

ORGANIZADO POLA ASOCIACIÓN GALEGA DE DESEÑADORES CO APOIO DA AXENCIA GALEGA DAS INDUSTRIAS CULTURAIS, CELÉBRASE ENTRE HOXE E O DÍA 4 E DO 16 AO 18 NA CASA DAS CAMPÁS

O Feet 2010 reúne en Pontevedra a profesionais do deseño gráfico de Galicia e Portugal como última cita de CREATIVA Documento anexo

[02/12/2010] O director da Axencia Galega das Industrias Culturais (Agadic), Juan Carlos Fernández Fasero, inaugurou esta mañá en Pontevedra o Foro de Edición e Tipografía Feet 2010, que se desenvolverá na Casa das Campás arredor de mesas redondas, conferencias, presentacións de obras e talleres que congregarán a destacados profesionais procedentes de toda a Península. Organizado pola Asociación Galega de Deseñadores (DAG), o encontro terá lugar ata o sábado 4 e do día 16 ao 18 como derradeira cita do programa europeo CREATIVA, que a Agadic promove xunto coa portuguesa Direccão Regional de Cultura do Norte para a difusión e o intercambio entre as industrias culturais da eurorrexión.

UN TOTAL DE 21 CENTROS DE ENSINO, A MEIRANDE PARTE DELES INSTITUTOS DE BACHARELATO, PARTICIPAN ATA O 16 DE DECEMBRO NESTA CAMPAÑA

Máis de 1.200 alumnos de toda Galicia asistirán no Salón Teatro ás funcións escolares do espectáculo do CDG "Salomé" Documento anexo

[01/12/2010] Máis de 1.200 alumnos dun total de 21 centros de ensino de toda Galicia asistirán ás funcións escolares que o Centro Dramático Galego (CDG) ofrece no Salón Teatro coa súa última produción, Salomé, realizada a partir da obra de Oscar Wilde baixo a dirección de Carlos Santiago. O novo espectáculo da compañía pública permancerá neste escenario compostelán ata o domingo 19 de decembro, con cinco funcións semanais (mércores e xoves para estudantes -agás o 8 de decembro-, e venres, sábados e domingos para o público xeral).

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265 Ver novas anteriores

Escolle o apartado que máis che interesa clicando nas celas: