AGADIC

Xunta de Galicia. Consellería de Cultura e TurismoAGADIC

Noticias

A PRESENTACIÓN EN DIRECTO DE "SARAHYBA", CUARTO TRABALLO DISCOGRÁFICO DOS MARINENSES, SERÁ ESTE XOVES 22 DE MARZO ÁS 21.00 HORAS

Cultura e Educación organiza o ciclo "ST Música Presente 2012" que comeza no Salón Teatro co folk galego de Liorna Documento anexo

[20/03/2012] A Consellería de Cultura, Educación e Ordenación Universitaria organiza o ciclo de concertos "ST Música Presente 2012" que se abre este xoves, día 22, no Salón Teatro de Santiago co folk galego do grupo Liorna. Con esta acción a Consellería, a través da Agadic (Axencia Galega das Industrias Culturais), promove a difusión dos traballos discográficos galegos de todos os estilos. A banda de Marín presentará a partir das 21:00 horas os temas do seu novo álbum, Sarahyba, que segue na liña folk habitual, baseada na tradición galega aínda que con pinceladas actuais.

BAIXO A DIRECCIÓN DE MERCEDES SUÁREZ, A COMPAÑÍA INSTITUCIONAL UTILIZARÁ A ESCENOGRAFÍA E VESTIARIO ORIXINAIS NUNHA INTERPRETACIÓN A CARGO DE SEIS BAILARÍNS

Cultura e Educación obtén os dereitos para a montaxe da obra de Nacho Duato "Jardí tancat" polo Centro Coreográfico Galego

[18/03/2012] A Consellería de Cultura, Educación e Ordenación Universitaria obtivo os dereitos de representación da peza titulada Jardí tancat, a primeira creación do bailarín e coreógrafo Nacho Duato, para a súa montaxe polo Centro Coreográfico Galego (CCG). Baixo a dirección artística Mercedes Suárez, a unidade de danza da Agadic (Axencia Galega das Industrias Culturais) incorporará esta obra á súa próxima produción como parte dun programa dobre que estreará no mes de maio.

INTERPRETAN A MONTAXE OS ACTORES ROCÍO GONZÁLEZ E SALVADOR DEL RÍO E OS BAILARÍNS ARMANDO MARTÉN E ANA BEATRIZ PÉREZ

Teatro de Ningures escenifica no Salón Teatro a obra "0,7% Molotov", escrita e dirixida por Santiago Cortegoso Documento anexo

[14/03/2012] O Salón Teatro de Santiago acolle esta fin de semana tres funcións de 0,7% Molotov, a última produción da compañía Teatro de Ningures, escrita e dirixida por Santiago Cortegoso. A peza, que lle valeu ao dramaturgo pontevedrés o Premio Rafael Dieste de Escrita Dramática e pola que figura como finalista aos Premios Max de Artes Escénicas na categoría de Mellor Autor Teatral en Galego e aos María Casares como Mellor Texto Orixinal, poderá verse no escenario do Centro Dramático Galego (CDG) este venres 16 e sábado 17 ás 20.30 horas; así como o domingo 18 ás 18.00 horas.

OS ENSAIOS DO ESPECTÁCULO DARÁN COMEZO EN XULLO CARA Á SÚA ESTREA O 7 DE SETEMBRO NA SEDE DA COMPAÑÍA PÚBLICA, ONDE PERMANECERÁ DOUS MESES EN CARTEL

O CDG inicia un novo período de actividade coa produción de "As furias" e a programación de máis de 40 funcións no Salón Teatro Documento anexo

[08/03/2012] O Centro Dramático Galego (CDG) estreará o 7 de setembro no Salón Teatro de Santiago a súa próxima produción, As furias, que ofrecerá catro textos do norteamericano Neil LaBute baixo a dirección escénica de Andrés Lima, recoñecido como un dos principais renovadores da actual escena española polo seu traballo xunto á compañía Animalario. No mes de xullo darán comezo os ensaios deste novo espectáculo, para o que se seleccionará un elenco de sete actores e actrices, segundo confirmou Blanca Cendán, directora da compañía dependente da Consellería de Cultura, Educación e Ordenación Universitaria a través da Agadic (Axencia Galega das Industrias Culturais).

A PRODUCIÓN DA COMPAÑÍA PÚBLICA OPTA AOS GALARDÓNS EN SETE CATEGORÍAS: MELLORES ACTOR E ACTRIZ SECUNDARIOS, ESCENOGRAFÍA, ADAPTACIÓN/TRADUCIÓN, ILUMINACIÓN, VESTIARIO E MAQUILLAXE

"A ópera dos tres reás" do Centro Dramático Galego acada oito candidaturas aos Premios de Teatro María Casares 2012 Documento anexo

[01/03/2012] O espectáculo A ópera dos tres reás do Centro Dramático Galego (CDG) acadou un total de oito candidaturas aos Premios de Teatro María Casares 2012 que convoca e outorga cada ano a Asociación de Actores e Actrices de Galicia (AAAG). A produción da compañía pública, que foi vista entre xuño e outubro de 2011 por 20.000 espectadores, resultou finalista en sete das trece categorías a concurso destes galardóns: mellores actor e actriz secundarios, escenografía, adaptación ou tradución, iluminación, vestiario e maquillaxe.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266  267  268  269  270  271  272  273  274  275  276  277  278  279  280  281  282  283  284  285  286  287  288 Ver novas anteriores

Escolle o apartado que máis che interesa clicando nas celas: