AGADIC

Xunta de Galicia. Consellería de Cultura e TurismoAGADIC

Noticias

FAUSTO ISORNA É AUTOR DO DESEÑO E DAS ILUSTRACIÓNS, EN TANTO QUE PEPE SENDÓN ASINA OS TEXTOS DESTA OBRA, QUE SE INSIRE NA LIÑA DOS DENOMINADOS "LIBROS OBXECTO"

O Centro Dramático Galego abre con "Salomé, os sete veos" unha nova colección editorial como testemuño gráfico dos seus espectáculos

[08/04/2011] O Centro Dramático Galego (CDG) abre coa publicación do título "Salomé, os sete veos", unha nova colección editorial que recollerá o testemuño gráfico e escrito dos espectáculos producidos pola compañía teatral pública desde unha perspectiva eminentemente conceptual e estética. A idea deste primeiro libro, que edita a Agadic (Axencia Galega das Industrias Culturais) da Consellería de Cultura e Turismo, partiu dos creadores Fausto Isorna, autor das ilustracións e do deseño gráfico, e de Pepe Sendón, quen asina os textos escritos expresamente para estas páxinas sobre a última montaxe estreada polo CDG, Salomé.

A AGADIC PATROCINA ESTA PRIMEIRA PARTICIPACIÓN CONXUNTA DE GRUPOS GALEGOS NO FESTIVAL BARCELONÉS, CITA DE REFERENCIA DENTRO DO PANORAMA INDIE INTERNACIONAL

A música emerxente galega preséntase no Primavera Sound a través dos showcases de seis bandas Documento anexo

[07/04/2011] Colectivo Oruga, Disco Las Palmeras!, Eladio y los Seres Queridos, Igloo, Maryland e Nouvelle Cuisine son as seis bandas galegas seleccionadas pola organización do San Miguel Primavera Sound para ofrecer outros tantos showcases do 26 ao 28 de maio en dous dos escenarios do Parc del Fòrum de Barcelona, recinto principal do festival. Dentro da súa liña de apoio á proxección exterior dos artistas galegos e coincidindo, ademais, coa celebración do Ano da Música, a Axencia Galega das Industrias Culturais (Agadic) da Consellería de Cultura e Turismo patrocina esta primeira participación agrupada da música galega na que é unha das citas de referencia internacional para a escena indie.

RESULTARON FINALISTAS OS TEXTOS "COMO ELIMINAR AS MANCHAS DE VÓMITO", DE EVA FREIXEIRA, "CARNE DE CANÓN", DE REBECA MONTERO, E "SEÑORA CARME", DE MANUEL ROMÁN

O autor ourensán Xosé Manuel Pacho Blanco gaña o V Premio Diario Cultural de Teatro Radiofónico coa obra "Paraísos"

[05/04/2011] O autor ourensán Xosé Manuel Pacho Blanco, coa obra titulada Paraísos, gañou o V Premio Diario Cultural de Teatro Radiofónico nas súas dúas categorías, ao recibir por unanimidade o premio do xurado e sumar o maior número de votos emitidos polo público, o que lle valeu tamén o premio da audiencia. O galardón, que convoca anualmente a Radio Galega co patrocinio da Agadic (Axencia Galega das Industrias Culturais) e a colaboración do Centro Dramático Galego (CDG), seralle entregado o vindeiro 3 de maio dentro do espazo radioescénico que se desenvolverá no Salón Teatro de Santiago de Compostela.

MÁIS DUNHA VINTENA DE ASPIRANTES PARTICIPAN NAS PROBAS DE SELECIÓN DOS SEIS MÚSICOS QUE INTERGRARÁN A ORQUESTRA DO ESPECTÁCULO

O CDG inicia os ensaios do musical "A ópera dos tres reás" ás ordes de Quico Cadaval e con Luis Tosar como protagonista

[04/04/2011] O equipo artístico e técnico que integra A ópera dos tres reás, a produción musical de gran formato que o Centro Dramático Galego (CDG) estreará en Santiago o próximo 23 de xuño, inicia hoxe luns día 4 de abril os ensaios actorais baixo a dirección de escena de Quico Cadaval e con Luis Tosar como protagonista. A compañía teatral pública materializa así un dos principais proxectos da súa directora, Blanca Cendán, que levará ao CDG a exhibir en escenarios galegos e de fóra de Galicia ata o vindeiro mes de outubro a súa versión sobre a obra de Bertolt Brecht e Kurt Weill.

O CENTRO COREOGRÁFICO GALEGO DESENVOLVERÁ ENTRE OS DÍAS 26 E 30 UNHA MOSTRA DE DANZA NA QUE PARTICIPARÁ MÁIS DUNHA VINTENA DE FORMACIÓNS ARTÍSTICAS

O Salón Teatro ofrece durante abril unha carteleira cun total de 34 espectáculos escénicos e musicais

[01/04/2011] Un total de 34 formacións escénicas e musicais actuarán durante o mes de abril no Salón Teatro de Santiago de Compostela, dentro da programación externa deseñada polo Centro Dramático Galego (CDG) para o trimestre final da temporada. Pese a que o escenario permanecerá pechado durante o período vacacional de Semana Santa, o Salón Teatro concentrará este mes unha intensa actividade, á que contribúen citas colectivas como a I Mostra de Danza de Galicia ou o Festival Internacional de Teatro Universitario, ademais das propostas teatrais das compañías Berrobambán, Santiago Cortegoso, Carlos Blanco-Abada Teatro, ou a música de jazz de Xacobe Martínez Antelo.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263 Ver novas anteriores

Escolle o apartado que máis che interesa clicando nas celas: