AGADIC

Xunta de Galicia. Consellería de Cultura e TurismoAGADIC

Noticias

A INICIATIVA INSÍRESE NO ACORDO DE COLABORACIÓN ENTRE A UNIDADE DE DANZA DA AGADIC E O FESTIVAL MOZART, EN COINCIDENCIA COA ACTUACIÓN DO CORELLA BALLET NA CORUÑA

Ángel Corella ofrece mañá unha clase maxistral para 30 alumnos no Centro Coreográfico Galego Documento anexo

[03/06/2011] Un total de 30 alumnos participará mañá día 4 na clase maxistral de danza clásica que o bailarín e coreógrafo Ángel Corella impartirá na sede do Centro Coreográfico Galego (CCG) na Coruña. A sesión, que se desenvolverá a partir das 12.00 horas nas instalacións do Complexo Deportivo de Elviña, inscríbese nun acordo xeral de colaboración asinado entre a unidade de danza da Agadic (Axencia Galega das Industrias Culturais) e o Festival Mozart da Coruña.

UN TOTAL DE 12 ALUMNOS ASISTIRÁ ÁS CLASES QUE TERÁN LUGAR MAÑÁ E O SÁBADO

Xosé Manuel Budiño pecha en San Simón as Master Class de Música Tradicional da Agadic cun curso sobre a gaita en escena Documento anexo

[02/06/2011] O gaiteiro Xosé Manuel Budiño impartirá mañá venres e o sábado na illa de San Simón un curso sobre a técnica e posibilidades da gaita galega en escena, co que se porá fin á cuarta edición do ciclo de Master Class de Música Tradicional que organiza a Consellería de Cultura e Turismo a través da Agadic (Axencia Galega das Industrias Culturais). Un total de 12 alumnos asistirá a este encontro, no que o músico moañés realizará un amplo percorrido pola historia, técnica e repertorio da gaita, en especial da galega.

A AGADIC APOIA ESTA MISIÓN COMERCIAL NO ENCONTRO QUE SE DESENVOLVE NA CIDADE DE BOS AIRES DO 2 AO 5 DE XUÑO

Un total de 11 empresas galegas participarán nas roldas de negocios do Mercado de Industrias Culturais Arxentinas (MICA) Documento anexo

[01/06/2011] Un total de 11 empresas galegas dos ámbitos escénico, musical e audiovisual participan a partir de mañá no Mercado de Industrias Culturais Arxentinas (MICA) de Bos Aires, como integrantes da misión comercial internacional que se incorpora ao evento. A Axencia Galega das Industrias Culturais (Agadic) da Consellería de Cultura e Turismo apoia a presenza da delegación galega nas roldas de negocios que diariamente se desenvolverán no marco deste encontro que por primeira vez organiza a Secretaría de Cultura da Nación xunto a outros tres ministerios.

A CONSELLERÍA DE CULTURA E TURISMO, A TRAVÉS DA AGADIC, E O CONSELLO DA CULTURA GALEGA PROMOVEN ESTE CONCERTO EN SANTIAGO DENTRO DA PROGRAMACIÓN DO ANO CUNQUEIRO

Á venda as entradas para o recital de Amancio Prada "Camelias para Cunqueiro" o 10 de xuño no Salón Teatro Documento anexo

[31/05/2011] O Salón Teatro de Santiago de Compostela acollerá o venres 10 de xuño, ás 21.00 horas, o concerto "Camelias para Cunqueiro", no que Amancio Prada interpretará poemas do gran autor mindoniense dentro da programación conmemorativa "2011, Ano Cunqueiro", que a Xunta de Galicia promove a través da Consellería de Cultura e Turismo no centenario do nacemento do escritor. A Axencia Galega das Industrias Culturais (Agadic) e o Consello da Cultura Galega colaboran na organización deste recital poético musical, para o que xa está dispoñible a venda anticipada de entradas a través da billeteira electrónica de Novacaixagalicia no enderezo www.caixagalicia.es.

AS ACTUACIÓNS COMEZAN MAÑÁ E ESTENDERANSE ATA FINAIS DE SETEMBRO CUNHA CARTELEIRA DE TEATRO, MÚSICA, DANZA, MAXIA E NOVO CIRCO A CARGO DE 162 FORMACIÓNS GALEGAS

A Agadic programa máis de 560 funcións e concertos en 163 concellos a través de "Camiños de Cultura 2011" Documento anexo

[31/05/2011] A Axencia Galega das Industrias Culturais (Agadic) da Consellería de Cultura e Turismo inaugura mañá a edición 2011 do programa Camiños de Cultura, cunha carteleira de 564 funcións escénicas e musicais que se desenvolverá ata finais de setembro nun total de 163 concellos de toda Galicia. A finalidade deste circuíto é garantir a programación estable en espazos públicos dos concellos, favorecendo a ampliación da súa oferta cultural aos meses de verán e atendendo a unha demanda variada canto a tipos de públicos e estilos artísticos.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265 Ver novas anteriores

Escolle o apartado que máis che interesa clicando nas celas: