AGADIC

Xunta de Galicia. Consellería de Cultura e TurismoAGADIC

Noticias

A ACTUACIÓN É HOXE ÁS 21:00 HORAS NO SALÓN TEATRO COMO ÚLTIMA ENTREGA DO CICLO "ST MÚSICA PRESENTE"

O trío Vaamonde, Lamas e Romero presenta o concerto do seu último disco "O Tambor de Prata" como un espectáculo total Documento anexo

[13/12/2011] O trío Vaamonde, Lamas & Romero presentou hoxe en Santiago o concerto sobre o seu último traballo discográfico, O tambor de prata, como un "espectáculo total", xa que ademais da música están presentes outros elementos interpretativos e escenográficos que fan que cada actuación sexa un "divertimento no escenario". Os tres instrumentistas protagonizaron este mediodía un adianto da actuación que terá lugar esta noite no Salón Teatro ás 21:00 horas, coa que se pecha ademais o ciclo promocional "ST Música Presente" organizado pola Axencia Galega das Industrias Culturais (Agadic) da Consellería de Cultura e Turismo.

O TRÍO GALEGO ADIANTARÁ PARA A PRENSA ALGÚNS TEMAS DO SEU SEGUNDO TRABALLO DISCOGRÁFICO ÁS 12.30 DO MEDIODÍA NO AMBIGÚ; E ACTUARÁ SOBRE O ESCENARIO ÁS 21.00 HORAS

Vaamonde, Lamas & Romero co seu disco "O tambor de prata" pechan mañá no Salón Teatro o III ciclo de concertos ST Música Presente Documento anexo

[12/12/2011] O Salón Teatro de Santiago acolle mañá martes día 13 o concerto de presentación do novo traballo discográfico de Vaamonde, Lamas & Romero, O tambor de prata, co que o autodenominado "trío máis retranqueiro da música galega" ofrece un repertorio composto exclusivamente por temas dunha formación única da historia de Galicia, como foron Os Trintas de Trives. Suso Vaamonde, Pedro Lamas e Xosé Lois Romero foron seleccionados polo programa "ST Música Presente" para amosar a súa nova proposta musical dentro deste ciclo que organiza a Agadic (Axencia Galega das Industrias Culturais) da Consellería de Cultura e Turismo.

REPRESÉNTASE DO XOVES 1 AO SÁBADO 3 ÁS 20.30 HORAS E O DOMINGO 4, ÁS 18.00 H

O Centro Andaluz de Teatro ofrece no Salón Teatro catro funcións de "La noche de Max Estrella", en coprodución co CDG Documento anexo

[29/11/2011] O Centro Andaluz de Teatro (CAT) chega esta semana a Galicia con La noche de Max Estrella, espectáculo producido en colaboración co Centro Dramático Galego (CDG) que subirá ao escenario do Salón Teatro de Santiago do xoves 1 ao domingo 4 de decembro. Francisco Ortuño dirixe esta proposta realizada a partir dunha das obras cumio da literatura española do século XX, Luces de bohemia, de Ramón María del Valle-Inclán, e interpretada en solitario por Carlos Álvarez-Nóvoa no papel de Max Estrella.

O ESPECTÁCULO DO DÚO QUE INTEGRAN PAULINA FUNES E CRISTINA BALBOA PODERÁ VERSE O VENRES 25 DE NOVEMBRO ÁS 20:30 HORAS

A nova compañía Funboa Encénica actúa no Salón Teatro coa súa obra de debut, "Oiseau rebelle" Documento anexo

[23/11/2011] A nova compañía galega Funboa Escénica porá sobre as táboas do Salón Teatro de Santiago este venres 25 de novembro ás 20.30 horas a súa primeira produción, que leva por título Oiseau Rebelle. Creada, dirixida e interpretada polo dúo que compoñen Cristina Balboa e Paulina Funes, o espazo que xestiona o Centro Dramático Galego (CDG) continúa coa súa programación e ofrece desta volta unha montaxe de teatro-danza verbal, plástico e sonoro, que dialoga acerca do imaxinario amoroso e desamoroso.

O CANTANTE, GUITARRISTA E COMPOSITOR VIGUÉS PRESENTARÁ ÁS 21.00 HORAS OS TEMAS DE "ENTRETELAS", O SEU SEGUNDO TRABALLO DISCOGRÁFICO EN SOLITARIO

O pop intimista de Fon Román chega este xoves ao Salón Teatro de Santiago dentro do ciclo de concertos ST Música Presente Documento anexo

[22/11/2011] O cantante, guitarrista e compositor vigués Fon Román actúa este xoves 24, ás 21.00 horas, no Salón Teatro de Santiago para presentar en directo os temas do seu segundo disco en solitario, Entretelas, que o ex compoñente de Los Piratas edita baixo o seu propio selo discográfico, Pequeñas Iluminaciones. O concerto insírese no ciclo "ST Música Presente", que organiza a Axencia Galega das Industrias Culturais (Agadic) para a promoción das novidades discográficas galegas.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266 Ver novas anteriores

Escolle o apartado que máis che interesa clicando nas celas: