AGADIC

Xunta de Galicia. Consellería de Cultura e TurismoAGADIC

Noticias

PRETENDE FOMENTAR A ACTITUDE PARTICIPATIVA DO PÚBLICO TEATRAL MEDIANTE A VALORACIÓN DAS SÚAS SUXESTIÓNS

A Consellería de Cultura e Educación institúe a través do CDG o 'Premio Roberto Vidal Bolaño ao Espectador'

[26/09/2012] A Consellería de Cultura, Educación e Ordenación Universitaria instituíu a través do Centro Dramático Galego (CDG) o 'Premio Roberto Vidal Bolaño ao Espectador' como iniciativa destinada a fomentar a actitude participativa entre o público teatral. O novo galardón, de carácter anual e vinculado á temporada de exhibición do Salón Teatro, publicou a súa primeira convocatoria co obxectivo de recoñecer as achegas dos asistentes aos espectáculos programados no espazo escénico compostelán sede do CDG.

A NOVA VERSIÓN DE "VACUO", DA OURENSÁ MARUXA SALAS, ESTRÉASE NO TEATRO POPULAR MELICO SALAZAR DE SAN JOSÉ

Cultura e Educación colabora na montaxe da primeira produción do CCG pola Compañía Nacional de Danza de Costa Rica Documento anexo

[13/09/2012] A Consellería de Cultura, Educación e Ordenación Universitaria colabora coa Compañía Nacional de Danza de Costa Rica na montaxe e estrea no país centroamericano de Vacuo, o espectáculo creado pola ourensá Maruxa Salas en 2006 como primeira produción artística do Centro Coreográfico Galego (CCG).

MIGUEL PERNAS, ERNESTO CHAO, RODRIGO ROEL E REBECA MONTERO DARÁN VIDA AOS PERSONAXES DA OBRA DE DUSAN KOVACEVIC, BAIXO A DIRECCIÓN DE MANUEL GUEDE OLIVA

Cultura e Educación abre a nova temporada do Centro Dramático Galego co inicio dos ensaios de "O profesional"

[04/09/2012] A Consellería de Cultura, Educación e Ordenación Universitaria abre a temporada teatral 2012-2013 do Centro Dramático Galego co inicio dos ensaios do espectáculo O profesional cara á súa estrea o 5 de outubro no Salón Teatro de Santiago. Baixo a dirección de Manuel Guede Oliva, un elenco integrado por catro destacados nomes da escena galega -Miguel Pernas, Ernesto Chao, Rodrigo Roel e Rebeca Montero- traballa xa na construción e interpretación dos personaxes da obra de Dusan Kovacevic (na imaxe), dramaturgo e director de orixe serbia e unha das grandes figuras contemporáneas da escrita dramática europea.

COMPAÑÍAS TEATRAIS E DE DANZA, PRODUTORAS AUDIOVISUAIS, CENTROS DE ENSINO, FUNDACIÓNS E ASOCIACIÓNS ATÓPANSE ENTRE AS ENTIDADES QUE RECIBIRON APOIO NO MARCO DESTE SERVIZO DURANTE O PRIMEIRO SEMESTRE DO ANO

A Consellería de Cultura e Educación colaborou cunha trintena de proxectos culturais a través da cesión de espazos e materiais do CDG

[06/08/2012] A Consellería de Cultura, Educación e Ordenación Universitaria apoiou durante o primeiro semestre do ano máis de trinta proxectos culturais galegos, a meirande parte deles escénicos e audiovisuais, a través do servizo gratuíto de cesión de espazos e de materiais que xestiona o Centro Dramático Galego (CDG). O departamento que dirixe Xesús Vázquez Abad busca impulsar esta liña de colaboración coa comunidade artística, de xeito que a optimización dos recursos públicos reverta directamente na redución dos custos de produción de eventos e espectáculos promovidos por empresas culturais, asociacións profesionais e fundacións, entre outras entidades.

ANUNCIOU QUE O CDG PRODUCIRÁ DÚAS OBRAS DO AUTOR AO QUE SE LLE DEDICARÁ O PRÓXIMO DÍA DAS LETRAS GALEGAS: "DÍAS SEN GLORIA" E "TOUPORROUTOU DA LÚA E DO SOL"

Vázquez Abad presenta a programación do Centro Dramático Galego de 2013 centrada na figura de Roberto Vidal Bolaño

[30/07/2012] O conselleiro de Cultura, Educación e Ordenación Universitaria, Xesús Vázquez Abad, presentou esta mañá a programación dedicada á figura e obra de Roberto Vidal Bolaño que o seu departamento ten previsto desenvolver en 2013 a través do Centro Dramático Galego (CDG). A compañía pública producirá a posta en escena de dúas das pezas asinadas polo dramaturgo compostelán (1950-2002), Días sen gloria e Touporroutou da lúa e do sol, ao tempo que promoverá unha serie de actividades divulgativas arredor do autor ao que o ano que vén se lle dedicará o Día das Letras Galegas e figura clave na historia do teatro profesional galego.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266  267 Ver novas anteriores

Escolle o apartado que máis che interesa clicando nas celas: