Axencia Galega das Industrias Culturais
Noticias
TEATRO ITINERANTE E INTERACTIVO
O ciclo Clásicas Desfeitas renova o 'Hamlet' de Cunqueiro facendo mestizaxe de teatro e videoxogos na Cidade da Cultura 
[24/01/2024] O grupo de innovación docente ComTecArt, da Universidade de Vigo, adapta o escritor de Mondoñedo nunha obra itinerante e interactiva que bebe tamén de Shakespeare e do brasileiro Machado de Assis. Trátase dunha produción internacional que terá a súa estrea en febreiro no Gaiás coas compañías brasileira Boccaccione e a galega Marinita y sus Maromas, dentro do ciclo impulsado pola Xunta de Galicia a través do Centro Dramático Galego e da Cidade da Cultura. Nesta edición Clásicas Desfeitas volverá tamén protagonistas ás personaxes secundarias da mitoloxía grega nun díptico contemporáneo creado por Antón Reixa e Antela Cid, dentro do súa filosofía de actualizar os clásicos a través doutras disciplinas máis aló da literatura.
IMPARTIDO POR IGNACIO GARCÍA
Artistas con diversidade funcional participan nun obradoiro de teatro clásico organizado polo Centro Dramático Galego e Culturactiva
[14/12/2023] O Centro Dramático Galego colabora coa empresa de xestión cultural Culturactiva na organización en Santiago de Compostela dun obradoiro de teatro clásico e interpretación para artistas con diversidade funcional, impartido polo director escénico Ignacio García, referente na difusión do repertorio teatral do Século de Ouro español. O curso desenvolverase desde mañá e ata o martes 19 no Centro Sociocultural Santa Marta coa participación de 26 intérpretes de diferentes puntos de Galicia e cunha ampla variedade en canto á súa formación, experiencia artística nos ámbitos escénico e musical, idade e capacidades diferentes.
UN ELENCO DE 20 INTÉRPRETES TRABALLA XA BAIXO A DIRECCIÓN ARTÍSTICA DE TAMARA CANOSA
Arrancan os ensaios de 'Os actos e as profecías', produción central do noso 40º aniversario
[13/12/2023] O equipo artístico de Os actos e as profecías, o próximo espectáculo do Centro Dramático Galego, iniciou esta semana no Salón Teatro de Santiago de Compostela a primeira quenda de ensaios cara á estrea en abril de 2024 da que será a produción central na celebración do 40º aniversario da compañía da Xunta de Galicia. Alí recibiu a visita do director da Axencia Galega das Industrias Culturais, Jacobo Sutil, para coñecer de primeira man as impresións destas primeiras xornadas de traballo conxunto baixo a dirección artística de Tamara Canosa, quen asina tamén a dramaturxia desta proposta xunto a Xacio Baño.
O MARTES 28, ÁS 20,00 H., NO TEATRO PRINCIPAL DE SANTIAGO
O Centro Dramático Galego amósalle ao público o proceso creativo da coprodución ‘Vai e ven’ con Irlanda e Gales
[24/11/2023] O Centro Dramático Galego e os teatros nacionais en lingua irlandesa (Fíbín - An Taibhdhearc) e galesa (Theatr Genedlaethol Cymru) están a sentar as bases creativas para a futura coprodución do espectáculo Vai en ven, Teacht Agus Imeacht, Dod Ac Mynd, nunha colaboración que nace en paralelo ao proxecto europeo Phone para a posta en valor das linguas minorizadas a través das artes escénicas. Con tal fin, Vigo e Santiago de Compostela acollen estes días dúas das residencias artísticas desta creación, a cargo do actor galego Avelino González e da irlandesa Caitriona Ní Dhomhnaill, co apoio de Steffan Donnelly, director artístico do Theatr Genedlaethol galés.
A ESTREA DE 'MANUELA REY IS IN DA HOUSE' ABRE O VENRES O FESTIVAL DE TEATRO DE VIANA DO CASTELO
O Centro Dramático Galego afonda na conexións coas principais entidades teatrais lusas nun espectáculo sobre a figura da actriz galega Manuela Rey
[06/11/2023] O Centro Dramático Galego ultima a estrea en Portugal xunto ao Teatro do Noroeste-Centro Dramático de Viana, o Teatro Nacional D. María II de Lisboa e o Teatro Nacional São João do Porto da súa próxima produción, Manuela Rey Is In Da House, nunha nova colaboración que afonda na proxección exterior da unidade teatral da Xunta de Galicia e, en concreto, nas súa estreita relación coa escena lusa. A montaxe inaugurará o vindeiro venres día 10 a sétima edición do Festival de Teatro de Viana do Castelo no Teatro Municipal Sá de Miranda, onde ofrecerá un segundo pase o sábado 11.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores