AGADIC

Xunta de Galicia. Consellería de Cultura e TurismoAGADIC

Noticias

O PRAZO DE INSCRICIÓN ESTÁ ABERTO ATA O 17 DE XULLO

O CCG amplía o seu programa formativo de verán con seis novos cursos intensivos en setembro

[07/07/2015] O Centro Coreográfico Galego (CCG) mantén aberto ata o 17 de xullo o prazo de inscrición para seis novos cursos intensivos de danza, cos que amplía a setembro o programa formativo de verán que está desenvolver na súa sede da Coruña. A través desta nova oferta didáctica, o alumnado terá a oportunidade de afondar en moi diferentes disciplinas coreográficas da man de destacados profesionais como Cristina Gallardo, Christelle Horna, Sylvia Martel, Amaury Lebrun, Gail Brevitt e Fernando Lázaro.

PARTICIPARÁ UN ALUMNADO COMPOSTO POR 15 BAILARÍNS, BAILARINAS, DOCENTES E ESTUDANTES DE NIVEL MEDIO-ALTO

O creador Íker Gómez abre este luns o programa formativo para o mes de xullo do Centro Coreográfico Galego

[26/06/2015] O coreógrafo e videocreador Íker Gómez impartirá na Coruña, a partir deste luns 29 de xuño e ata o venres día 3, un obradoiro de danza contemporánea e composición coreográfica, co que o Centro Coreográfico Galego (CCG) abrirá o seu programa formativo para o mes de xullo. Un alumnado composto por 15 bailaríns e bailarinas, mestres de danza e estudantes de nivel medio-alto participará nesta primeira actividade pedagóxica organizada pola unidade de danza da Consellería de Cultura, Educación e Ordenación Universitaria dentro do plan de formación continua que desenvolve ao longo de todo o ano para contribuír ao perfeccionamento académico e práctico dos profesionais galegos.

REPRESÉNTASE DESDE MAÑÁ MÉRCORES 17 ATA O DOMINGO 21

Chega ao Salón Teatro 'Bilingue', o espectáculo inaugural do 'Proxecto NÓS Territorio (es)Cénico Portugal Galicia' Documento anexo

[16/06/2015] O Salón Teatro de Santiago será o escenario da presentación en Galicia de ‘Bilingue’, primeiro espectáculo xurdido do ‘Proxecto NÓS Territorio (es)Cénico Portugal Galicia’, que se exhibirá na sede do Centro Dramático Galego (CDG) desde mañá mércores 17 e ata o domingo 21 de xuño.

'SOLO ANTE LA PELIGROS' REPRESÉMTASE MAÑÁ E O DOMINGO, ÁS 20.00 HORAS

O grupo teatral de Down Compostela regresa ao Salón Teatro para a estrea do seu novo espectáculo Documento anexo

[12/06/2015] O Salón Teatro da Consellería de Cultura, Educación e Ordenación Universitaria volve ser o escenario para a estrea dun novo espectáculo do Grupo de Teatro Down Compostela, que desta volta presenta unha particular versión do xénero western baixo o título ‘Solo ante la Peligros’. A formación dirixida por Lucas Herrador ofrecerá dúas funcións desta montaxe mañá sábado e o domingo, ás 20.00 horas.

MAÑÁ MÉRCORES 10, O XOVES 11 E O VENRES 12, RESPECTIVAMENTE. ÁS 21:00 HORAS

A música protagoniza a carteleira semanal no Salón Teatro cos concertos de Uxía e Narf, Roberto Sobrado Grupo e Carmen Boza Documento anexo

[09/06/2015] Uxía e Fran Pérez ‘Narf’ serán os encargados de abrir mañá mércores a programación musical que se desenvolverá esta semana no Salón Teatro de Santiago de Compostela, onde estrearán en directo os temas de ‘Baladas da Galiza imaxinaria’, o seu primeiro disco conxunto. Tras este concerto, o espazo da Consellería de Cultura, Educación e Ordenación Universitaria acollerá outras dúas actuacións musicais: a do Roberto Sobrado Grupo o xoves 11 e a de Carmen Boza o venres 12. As tres citas serán ás 21.00 horas.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265 Ver novas anteriores

Escolle o apartado que máis che interesa clicando nas celas: