Axencia Galega das Industrias Culturais
Noticias
O PROGRAMA CONSTA DUNHA DUCIA DE PEZAS, PARTE DELAS INCLUÍDAS NOS DISCOS "POR IR AO BAILE" E "ALBA DE ABRIL"
O Grupo de Música Tradicional prepara o seu novo repertorio con temas tradicionais e composicións propias
[25/08/2006] O Grupo de Música Tradicional do IGAEM está a traballar no repertorio que ofrecerá na súa vindeira temporada de concertos, no que se recollen tanto temas populares e tradicionais galegos, arranxados polos integrantes do conxunto, como adaptacións e composicións de nova creación incluídas nos seus traballos discográficos Por ir ao baile (2004) e Alba de abril (2001).
RESOLTAS 5 DAS 6 LIÑAS DE SUBVENCIÓN AO SECTOR ESCÉNICO E MUSICAL GALEGO PARA 2006
O IGAEM adxudica 785.000 euros en axudas a 25 compañías de teatro e danza para a produción de espectáculos 
[07/08/2006] O Instituto Galego das Artes Escénicas e Musicais (IGAEM) da Consellería de Cultura e Deporte vén de adxudicar un total de 785.000 euros a 25 compañías profesionais galegas como resultado da súa convocatoria de axudas á produción para espectáculos de teatro e danza. O Consello Reitor do IGAEM ratificou as contías concedidas a cada montaxe –2 dentro da categoría de nova creación, 18 de actor e de monicreques e 5 de danza–, ademais de resolver outras catro modalidades das seis convocadas no marco do programa xeral de subvencións ao sector escénico e musical galego para 2006: axudas á distribución, ás dotacións da Rede Galega de Teatros e Auditorios, á programación de salas de teatro e artes escénicas, e ao estudo e investigación.
AUMENTA A DOTACIÓN ECONÓMICA NAS DÚAS MODALIDADES DE OBRAS PARA ADULTOS E PARA RAPACES
Aberto o prazo de recepción de orixinais para o Premio Internacional Barriga Verde de Textos para Teatro de Títeres
[27/07/2006] O Instituto Galego das Artes Escénicas e Musicais (IGAEM) da Consellería de Cultura e Deporte vén de convocar o IV Premio Internacional Barriga Verde de Textos para Teatro de Títeres, correspondente á edición de 2006, para o que se contempla unha dotación de 8.000 euros, dividida nas súas dúas modalidades de obras dirixidas especificamente a adultos (4.000 euros) e a rapaces (4.000 euros).
TRÁTASE DUNHA EDICIÓN DE MANUEL F. VIEITES NA QUE PARTICIPAN OUTROS SETE AUTORES GALEGOS
O IGAEM e Galaxia coeditan "Manuel Lugrís Freire. Do texto ao escenario" dentro da colección Biblioteca de Teatro
[21/07/2006] O Instituto Galego das Artes Escénicas e Musicais (IGAEM) da Consellería de Cultura e Deporte e Editorial Galaxia veñen de coeditar a obra Manuel Lugrís Freire. Do texto ao escenario, unha aproximación á obra dramática do escritor sadense no contexto europeo e galego, coa que se inaugura a serie Grandes Manuais dentro da colección Biblioteca de Teatro. O profesor Manuel F. Vieites asina a edición deste libro, que recolle aportacións doutros sete autores galegos, e co que se rende unha homenaxe á figura de Lugrís Freire como dramaturgo e home de teatro.
OS GAÑADORES COÑECERANSE O 25 DE NOVEMBRO
Convocado o IV Certame de Creación Coreográfica de Galicia con cinco distincións e 11.500 euros en premios
[17/07/2006] O Instituto Galego das Artes Escénicas e Musicais da Consellería de Cultura e Deporte vén de convocar o IV Certame de Creación Coreográfica de Galicia, concurso pioneiro na nosa Comunidade para a difusión da danza moderna e contemporánea, que conta nesta edición cunha dotación económica de até 11.500 euros en premios para un máximo de cinco distincións. Dirixido a todos os coreógrafos e coreógrafas, calquera de sexa a súa nacionalidade, o certame organízase como plataforma de exhibición de novas creacións co obxectivo de incentivar a actividade profesional neste sector artístico, así como a investigación, a innovación e as postas en escena imaxinativas.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores