Axencia Galega das Industrias Culturais
Noticias
IMPARTIDO POR CÁNDIDO PAZÓ, DESENVÓLVESE NO SALÓN TEATRO ATÉ O PRÓXIMO VENRES 17
Un total de 14 alumnos participa no Centro Dramático nun obradoiro sobre a definición de temas de escrita teatral
[13/11/2006] Un total de 14 alumnos inicia hoxe en Santiago o obradoiro titulado O tema.¿Sobre que queremos escribir?, impartido por Cándido Pazó como actividade inaugural do Centro de Creación Contemporánea, unha nova liña de traballo do Centro Dramático Galego (CDG), que nace para prestar apoio aos autores na súa exploración de tendencias e linguaxes textuais e xestuais.
SON OITO OS ESPAZOS ESCÉNICOS DE OITO CONCELLOS OS QUE FORMAN PARTE DA PROGRAMACIÓN
A Rede Galega de Teatros e Auditorios ofrece 66 funcións na provincia de Lugo durante o segundo semestre do ano 
[07/11/2006] A Rede Galega de Teatros e Auditorios, que na provincia de Lugo conta con 7 integrantes (concellos de Lugo, Burela, Foz, Monforte de Lemos, Ribadeo, Vilalba e Viveiro), vén de inaugurar os programas Rededanza, Redesons Jazz e Redesons Clásica como paso previo á posta en marcha dun novo modelo organizativo baseado no desenvolvemento de programacións específicas de teatro, música, danza, maxia e monicreques. Así, no marco deste circuíto de exhibición de espectáculos que promove o IGAEM (Instituto Galego das Artes Escénicas e Musicais) da Consellería de Cultura e Deporte, os espazos da provincia acollerán neste segundo semestre do ano un total de 66 funcións, das que 13 corresponden a Redesons Jazz, 11 a Redesons Clásica, 6 a Rededanza e as 36 restantes ao programa xeral. Neste cómputo inclúense os 8 concertos que acolle o concello de Xove que, aínda que non é membro da Rede, si participa das programacións específicas de música.
ALFREDO RODRÍGUEZ FERNÁNDEZ É O AUTOR DO MANUAL
O CDG edita o caderno pedagóxico do espectáculo 'O regreso ao deserto'
[27/10/2006] O Centro Dramático Galego vén de publicar o caderno pedagóxico para o estudo da obra O regreso ao deserto. Segundo Alfredo Rodríguez Fernández, responsable deste manual, trátase "dunha selección de documentos; un caderno para empregar libremente, para axudar á reflexión sobre a creación dun espectáculo".
CELÉBRANSE NO SALÓN TEATRO TODOS OS MÉRCORES, AGÁS O 1 DE NOVEMBRO, ÁS 11.00 HORAS
Alumnos de 15 centros de ensino de toda Galicia asistirán en Santiago ás funcións escolares de 'O regreso ao deserto'
[25/10/2006] Alumnos dun total de 15 centros de ensino de toda Galicia asistirán ás funcións escolares que o Centro Dramático Galego (CDG) ofrece no Salón Teatro de Santiago coa súa produción O regreso ao deserto, do dramaturgo francés Bernard-Marie Koltès. Dirixido por Cristina Domínguez Dapena, o novo espectáculo da compañía pública permanecerá neste escenario compostelán até o 19 de novembro, con cinco funcións semanais (o mércores para estudantes –agás o 1 de novembro– e de xoves a domingo para o público xeral).
COA OBRA 'BOAS NOITES'
Paula Carballeira gaña o Manuel María de Literatura Dramática Infantil
[24/10/2006] Paula Carballeira, coa obra Boas noites, é a primeira gañadora do Premio Manuel María de Literatura Dramática Infantil, segundo resolveu onte o xurado do galardón creado este ano polo IGAEM. O Manuel María foi convocado xunto ao XV Premio Álvaro Cunqueiro para Textos Teatrais, que recaeu na peza Ocaso Otero, presentada por Claudia Grandal. Os galardoados recibirán unha dotación económica de 4.000 euros, no caso do Manuel María, e de 6.000 euros, no do Álvaro Cunqueiro, e ambas as obras serán publicadas.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores