Axencia Galega das Industrias Culturais
Noticias
A PEZA QUE DIRIXE CARLOTA PÉREZ ESTRÉASE O 19 DE MAIO NO SALÓN TEATRO
ExperimentaDanza con "Arte a escena" inaugura o plan de coproducións do CCG
[14/05/2007] O Centro Coreográfico Galego (CCG), unidade de produción artística do IGAEM (Instituto Galego das Artes Escénicas e Musicais), da Consellaría de Cultura e Deporte, inaugura o seu plan de coproducións co espectáculo Arte a escena da compañía galega ExperimentaDanza, unha proposta coreográfica para todos os públicos que se estrea o vindeiro sábado 19 de maio no Salón Teatro de Santiago de Compostela. A peza marca o fito de ser a primeira do ámbito da danza en Galiza que se realiza en réxime de coprodución pública, o que supón a apertura dunha nova vía de cooperación cos creadores desta disciplina artística.
A OBRA DO CDG QUE DIRIXE CÁNDIDO PAZÓ INICIA A XIRA GALEGA
O Salón Teatro acolle esta fin de semana as últimas funcións de "A Piragua"
[11/05/2007] Uns 2.100 espectadores asistiron até o momento ao espectáculo do Centro Dramático Galego (CDG) A Piragua, a obra dirixida por Cándido Pazó, que esta fin de semana ofrece as súas últimas funcións no Salón Teatro de Santiago. En total serán 23 funcións as que o CDG terá ofrecido en Compostela con esta montaxe, coa que a compañía pública culmina o seu plan de produción propia para a actual temporada escénica 2006-2007. As entradas para asistir a estas representacións –hoxe venres e mañá sábado, ás 20.30 horas; e o domingo, ás 18.00- poden adquirise no despacho de billetes dende dúas horas antes do comezo da función.
A DIRECCIÓN CORRERÁ A CARGO DE MAXIMINO ZUMALAVE
A orquestra da EAEM ofrece un concerto co barítono Christian Hilz
[04/05/2007] O auditorio da Escola de Altos Estudos Musicais (EAEM), en Santiago de Compostela, acolle o sábado 5 de maio, ás 20:30 horas, un concerto da orquestra de alumnos do centro, baixo a dirección do mestre Maximino Zumalave e co barítono alemán Christian Hilz como solista. O recital, de entrada gratuíta, prográmase como parte do plan pedagóxico da Sección de Formación Permanente da EAEM, dependente da Consellería de Cultura e Deporte a través do IGAEM (Instituto Galego das Artes Escénicas e Musicais).
A FUNCIÓN SERÁ O DÍA 6 NO AUDITORIO DA BIBLIOTECA ALMEIDA GARRETT
O CDG leva Tarará-Chis-Pum! ao Festival "Fazer a Festa" do Porto
[04/05/2007] O Centro Dramático Galego (CDG) leva ao Porto (Portugal) a súa produción infantil Tarará-Chis-Pum!, dentro da vixésimo sexta edición do Festival Internacional de Teatro "Fazer a Festa" que se celebra até o 13 de maio na cidade lusa. Organizado pola compañía Teatro Art´Imagem, o programa do encontro abrangue 14 espectáculos, que desenvolverán un total de 27 representacións. A función do CDG terá lugar este domingo día 6 ás 16:30 horas no Auditorio da Biblioteca Municipal Almeida Garrett.
TERÁ LUGAR DO 4 AO 15 DE XUÑO
O CCG organiza un taller a cargo de Janusz Subicz, discípulo de Pina Bausch 
[03/05/2007] O Centro Coreográfico Galego (CCG) organiza un taller de improvisación e composición coreográfica que impartirá no mes de xuño na Coruña o bailarín e profesor de orixe polaca Janusz Subicz, discípulo da mítica coreógrafa alemana Pina Bausch. A iniciativa, que se programa como parte das actividades formativas do CCG especialmente dirixidas aos profesionais da danza galegos, ofrece un total de 20 prazas para profesionais de nivel avanzado, galegos e de fóra de Galiza, nas que os interesados poden inscribirse até o 18 de maio.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 Ver novas anteriores