Axencia Galega das Industrias Culturais
Noticias
CASTELA-A MANCHA, EUSCADI, MADRID, ASTURIAS, EXTREMADURA E PORTUGAL PROGRAMARÁN 79 FUNCIÓNS DE 11 ESPECTÁCULOS
Un total de 9 compañías galegas exhibirán os seus espectáculos fóra de Galiza a partir da Feira
[13/11/2007] Castela-A Mancha, Euscadi, Madrid, Asturias, Extremadura, Porto e Paredes de Coura programarán un total de 79 funcións de teatro galego a raíz dos contratos pechados a partir da Feira Galega das Artes Escénicas 2007 que, organizada pola Consellaría de Cultura a través do IGAEM (Instituto Galego das Artes Escénicas e Musicais), se desenvolveu do 23 ao 27 de outubro en Santiago de Compostela. Títeres Trompicallo, Producións Acontrabutaca, Lagarta Lagarta, Sarabela Teatro, Nut Teatro, Pistacatro, Mago Antón, Monicreques de Kukas e Matarile Teatro son as 9 compañías contratadas por programadores de fóra de Galiza no marco do novo programa de bonificacións á distribución exterior que se puxo en marcha na Feira.
ÁNXELA BUGALLO INFORMOU DO ESFORZO ORZAMENTARIO, QUE DUPLICARÁ EN 2011 A CONTÍA ACTUAL
O Plan Galego das Artes Escénicas contará con 66 millóns de euros nos próximos catro anos 
[12/11/2007] Por primeira vez as artes escénicas galegas contarán cunha estratexia global e con liñas concretas para gañar protagonismo social e chegar a máis público. A conselleira, Ánxela Bugallo, adiantou hoxe as cifras do compromiso da Administración co Plan Galego das Artes Escénicas: 66 millóns de euros entre o 2008 e o 2011. Para entón, os orzamentos dedicados á promoción das artes escénicas duplicarán os de hoxendía. A Consellaría de Cultura e Deporte está a ultimar co sector a redacción definitiva do Plan Galego das Artes Escénicas nun proceso no que participan máis de 60 representantes de todos os axentes implicados. O obxectivo é obter un marco eficiente e consensuado para as artes escénicas para os vindeiros anos, co obxecto de situalas no centro da vida cultural e social do país.
O TEATRO JOFRE INTÉGRASE NO CIRCUÍTO DE ESPAZOS CDG
"Noite de Reis. Ou o que queirades" ofrece catro funcións en Ferrol
[12/11/2007] O Teatro Jofre de Ferrol acolle esta semana a obra Noite de Reis. Ou o que queirades, que presenta o Centro Dramático Galego (CDG) da man dun dos directores máis consagrados do panorama escénico galego, Quico Cadaval. A montaxe, coa que a compañía pública iniciou o seu plan de produción propia para a actual temporada escénica 2007-2008, constitúe a primeira incursión de Cadaval no repertorio shakespearano, o que se plasma nun divertido xogo escénico de enredos, contratempos, malentendidos, enganos e desenganos con apaixonantes historias de amor e desamor.
TALÍA TEATRO INTERPRETA TEXTOS XURDIDOS DO TALLER "PISTAS PARA UNHA DRAMATURXIA DA ACTUALIDADE"
O Salón Teatro acolle mañá a lectura dramatizada "Botóns de mostra", con dirección de escena de Cándido Pazó
[07/11/2007] O Salón Teatro de Santiago de Compostela acolle mañá xoves 8 de novembro ás 20.30 horas unha sesión de lecturas dramatizadas que, baixo o título Botóns de mostra, amosará diante do público parte do traballo realizado na primeira edición do curso de escrita teatral Pistas para unha dramaturxia da actualidade, que desenvolveu o Centro de Creación Dramática Contemporánea (CDC) do Centro Dramático Galego (CDG) na pasada temporada 2006-2007.
HABERÁ UN PASE PARA INSTITUTOS O DÍA 8 E OUTRO PARA PÚBLICO XERAL O DÍA 9
"Noite de Reis" ofrece dúas funcións no Teatro L. Olmo do Barco de Valdeorras
[06/11/2007] O Teatro Lauro Olmo do Barco de Valdeorras acolle esta semana a obra Noite de Reis. Ou o que queirades, da man dun dos directores máis consagrados do panorama escénico galego, Quico Cadaval, que se enfronta por primeira vez ao repertorio de Shakespeare. A montaxe, coa que o Centro Dramático Galego (CDG) iniciou o seu plan de produción propia para a actual temporada escénica 2007-2008, combina un divertido xogo de enredos, contratempos, malentendidos, enganos e desenganos con apaixonantes historias de amor e desamor.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores