Axencia Galega das Industrias Culturais
Noticias
"MALGRÉ NOUS, NOUS ÉTIONS LÀ" ESCENIFÍCASE XOVES E VENRES
Paulo Ribeiro e Leonor Keil danzan un dueto sobre o amor no Salón Teatro
[19/12/2007] O Salón Teatro de Santiago de Compostela acollerá mañá xoves día 20 e o venres 21, ás 20.30 horas, dúas funcións de Malgré nous, nous ètions là (A pesar de nós, estabamos alá) , o último espectáculo da Compañía de Paulo Ribeiro que supón o regreso do coreógrafo portugués como bailarín. Ribeiro, ex colaborador do Ballet Gulbenkian e actual director do Teatro Viriato, en Viseu (Protugal), interpreta nesta ocasión xunto a Leonor Keil, un dueto sobre a intimidade e a complicidade da parella, sobre a alegría de vivir permanentemento en compañía.
A CIDADE DO LÉREZ INCORPÓRASE AOS ESPAZOS CDG
"Noite de Reis. Ou o que queirades" chega ao Pazo da Cultura de Pontevedra 
[19/12/2007] O Pazo da Cultura de Pontevedra acolle este venres 21 ás 21.00 horas o espectáculo do Centro Dramático Galego Noite de Reis. Ou o que queirades, a obra de Shakespeare que chega da man de Quico Cadaval, un dos directores máis consagrados do panorama escénico galego. A montaxe, que está a obter un grande éxito de público con cheos na práctica totalidade das funcións ofrecidas, combina un divertido xogo de enredos, contratempos, malentendidos, enganos e desenganos con apaixonantes historias de amor e desamor.
SERÁ O LUNS 17 NO AUDITORIO GUSTAVO FREIRE
O Outono Cultural de Lugo programa unha función de "Noite de Reis. Ou o que queirades"
[13/12/2007] O Auditorio Municipal Gustavo Freire acolle este luns día 17, ás 21.00 horas, o espectáculo Noite de Reis. Ou o que queirades, última produción do Centro Dramático Galego, dirixida por Quico Cadaval, que chega a Lugo como parte da programación do Outono Cultural que promoven distintas institucións e entidades luguesas (Concello, Campus Universitario, Deputación Provincial, Delegación da Consellería de Cultura e Deporte e Fundación Caixagalicia).
ENRIQUE DIAZ RECONSTRÚE O CLÁSICO DE CHEJOV NUNHA POSTA EN ESCENA EXPERIMENTAL
A produción brasileira "Seagull play" recala no Salón Teatro dentro da súa xira europea
[13/12/2007] A produción brasileira Seagull Play (A Gaivota), unha creación colectiva dirixida por Enrique Diaz, represéntase esta fin de semana (sábado 15 ás 20.30 horas e domingo 16 ás 18.00 horas) no Salón Teatro de Santiago. O espazo escénico de Compostela e Xixón son as únicas dúas prazas no territorio español incorporadas ao percorrido da compañía a partir da súa presentación o pasado verán no Festival de Outono de París.
INTERPRETARANSE OBRAS DE MOZART, GOUNOD E BEETHOVEN
A Orquestra da EAEM actúa en Ames e Santiago dirixida por Jordi Mora
[12/12/2007] A Orquestra de Alumnos da Escola de Altos Estudos Musicais (EAEM) ofrecerá nos próximos días dous concertos públicos baixo a dirección do mestre catalán Jordi Mora, nos que interpretará obras de Mozart, Gounod e Beethoven. O primeiro dos recitais será o día 13 no Auditorio de Bertamiráns (Ames), en tanto que o segundo terá lugar o venres 14 no Auditorio da EAEM, en Santiago.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores