Axencia Galega das Industrias Culturais
Noticias
CON DIRECCIÓN DE MONTSE TRIOLA, A OBRA CONTÉN MÚSICA EN DIRECTO E PERFORMANCES
A compañía luso-galega Voadora debuta no Salón Teatro con "PeriFeria" 
[28/02/2008] O Salón Teatro acolle esta fin de semana (sábado 1 ás 20.30 horas e domingo 2 ás 18.00 horas) o debut en Galiza de PeriFeria, a primeira produción de Voadora como nova compañía escénica, resultado dun proxecto de colaboración entre o Centro Dramático Galego (CDG) e a Associação Cultural Recreativa de Tondela (ACERT), Portugal. Con dirección de escena e dramaturxia da actriz e produtora catalana Montse Triola, PeriFeria é o resultado dun proceso de creación colectiva a partir dos textos de Marta Freitas, Carlos Santiago, Manolo Cortés e do elenco de Voadora, integrado por Marta Pazos, José Díaz, Hugo Torres e Afonso Castro.
ONCE BAILARÍNS E BAILARINAS POÑEN EN ESCENA ESTE TRABALLO INTERDISCIPLINAR, QUE MESTURA DANZA, ILUSIONISMO, TEATRO, MÚSICA EN DIRECTO, VÍDEO E ANIMACIÓN
O CCG estrea na Coruña 'Kiosco das almas perdidas' de Roberto Oliván e con música de Mercedes Peón
[26/02/2008] O Centro Coreográfico Galego (CCG) estrea o vindeiro venres 29 de febreiro ás 21.30 horas no Teatro Rosalía Castro da Coruña a súa produción Kiosco das almas perdidas, unha montaxe dirixida polo coreógrafo catalán Roberto Oliván con música en directo de Mercedes Peón. A peza permanecerá no teatro coruñés o sábado 1 e o domingo 2 de marzo. Despois emprenderá unha xira por toda a xeografía galega e por espazos das artes escénicas tan relevantes coma o Teatro Central de Sevilla, Laboral Escena de Xixón ou o Mercat de les Flors de Barcelona, dentro da programación do Festival Grec.
O DITAME DO XURADO RECOÑECE TAMÉN A CALIDADE E TRAXECTORIA PROFESIONAL DA ACTRIZ E A SÚA PARTICIPACIÓN NA MEIRANDE PARTE DOS EVENTOS DO TEATRO INDEPENDENTE GALEGO
Luísa Merelas recibe o Premio Maruxa Villanueva de Interpretación polo seu traballo en 'O regreso ao deserto' do CDG
[22/02/2008] Luísa Merelas é a gañadora do VII Premio de Interpretación Teatral Maruxa Villanueva, convocado polo Concello de Padrón e cunha dotación económica de 1.200 €. Así o decidiu onte por unanimidade o xurado deste galardón, que recoñece a actriz coruñesa como "muller de mulleres pola súa calidade e traxectoria profesional (...), por formar parte da meirande parte dos eventos do teatro independente e polo seu espectáculo do último ano O regreso ao deserto do Centro Dramático Galego".
BAIXO A DIRECCIÓN DE MAXIMINO ZUMALAVE, INTERPRETARÁ O CONCERTO PARA PIANO E ORQUESTRA Nº 24 DE MOZART E A SINFONÍA Nº 96 "O MILAGRE" DE HAYDN
A Orquestra da Escola de Altos Estudos Musicais actúa en Santiago co pianista Guillermo González como solista
[22/02/2008] O Auditorio de Galicia, en Santiago de Compostela, acolle mañá sábado 23 de febreiro, ás 21.00 horas, un concerto da Orquestra da Escola de Altos Estudos Musicais (EAEM), baixo a dirección do mestre Maximino Zumalave e co recoñecido pianista Guillermo González como solista.
O FUNDADOR DOS MÍTICOS SWANS E O VOCALISTA DO GRUPO LARSEN ACTÚAN EN SANTIAGO DE COMPOSTELA O SÁBADO 23 DE FEBREIRO, A PARTIR DAS 22.00 HORAS
Continúa o Festival Sinsal no Salón Teatro co concerto de Michael Gira e (r)
[21/02/2008] O Salón Teatro de Compostela acolle este sábado día 23, a partir das 22.00 horas, a actuación de Michael Gira e de Fabrizio Modonese Palumbo "(r)". O fundador do mítico grupo Swans e o vocalista da banda de culto experimental Larsen protagonizan a segunda cita da extensión en Santiago do Festival Sinsal, un encontro de referencia en Galiza para a música contemporánea máis vangardista. O escenario que xestiona o Centro Dramático Galego continúa así co seu labor de difusión das expresións escénicas máis actuais, dende unha perspectiva multidisplinar e integradora.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores