Axencia Galega das Industrias Culturais
Noticias
AS REPRESENTACIÓNS DAS FINS DE SEMANA IRÁN PRECEDIDAS DUN XOGO DE ROL DE BUSCA E MISTERIO PARA NENOS E NENAS A PARTIR DE 8 ANOS
O CDG ofrece 20 funcións de 'Valdemuller' no Salón Teatro de Santiago 
[25/03/2008] O Salón Teatro de Santiago acollerá dende mañá e até o vindeiro 20 de abril un total de 20 funcións do novo espectáculo do Centro Dramático Galego (CDG), Valdemuller, dirixido polo arxentino Pablo Vergne segundo a creación colectiva realizada a partir da novela de Xosé A. Neira Cruz. Con esta segunda produción da temporada 2007-2008, o CDG aposta polo teatro de obxectos a través dunha montaxe especialmente pensada para o público infantil e xuvenil (nenos e nenas, a partir dos oito anos).
O CENTRO COREOGRÁFICO GALEGO E O MERCAT DE LES FLORS POÑEN EN MARCHA O MOV'S GALICIA 08
‘Mov-s – Galicia 08’ reunirá na Illa de San Simón a profesionais da danza e outras artes do movemento
[24/03/2008] Entre os días 15 e 18 de xuño o Mercat de les Flors e o Centro Coreográfico Galego presentan unha nova edición do mov-s, Espazo para o Intercambio Internacional da Danza e as Artes do Movemento que se celebrará na paradisíaca Illa de San Simón, no mesmo centro da Ría de Vigo.
AS MONTAXES ‘A PIRAGUA’ E ‘NOITE DE REIS’ COMPITEN, ENTRE OUTRAS CATEGORÍAS, POLOS GALARDÓNS AO MELLOR ESPECTÁCULO E Á MELLOR DIRECCIÓN
O Centro Dramático Galego suma 16 candidaturas aos premios María Casares
[18/03/2008] O CDG logrou un total de 16 candidaturas aos Premios de Teatro María Casares 2008 polos seus espectáculos A piragua, dirixido por Cándido Pazó, e Noite de Reis. Ou o que queirades, por Quico Cadaval. Os gañadores da décimo segunda edición dos galardóns que convoca a Asociación de Actores e Actrices de Galicia daranse a coñecer o 27 de marzo, Día Mundial do Teatro, no transcurso dunha gala que terá lugar no Teatro Rosalía de Castro da Coruña e retransmitirá a TVG.
REPRESÉNTASE OS DÍAS 20 E 21 DE MARZO NO LABORAL ESCENA, ESPAZO QUE COPRODUCE ESTA PEZA
O CCG leva o seu 'Kiosco das almas perdidas' a Xixón
[18/03/2008] Kiosco das almas perdidas, a nova produción do Centro Coreográfico Galego (CCG), continúa a súa xira coas dúas funcións que ofrecerá os días 20 e 21 de marzo, ás 20.30 horas, no Laboral Escena de Xixón, espazo que coproduce a peza. Dirixida polo coreógrafo catalán Roberto Oliván e con música en directo de Mercedes Peón, a montaxe exhibirase até o mes de xullo en diferentes localidades galegas, así como noutros relevantes escenarios fóra de Galiza, como o Teatro Central de Sevilla ou o Mercat de les Flors de Barcelona, no marco do Festival Grec.
DIRIXIDA POR ROBERTO OLIVÁN E CON MÚSICA DE MERCEDES PEÓN, A PEZA ESCENIFÍCASE O VENRES 14 NO PAZO DA CULTURA PONTEVEDRÉS E O SÁBADO 15 NO AUDITORIO DE VILAGARCÍA
O Centro Coreográfico Galego presenta en Pontevedra 'Kiosco das almas perdidas'
[12/03/2008] A nova produción do Centro Coreográfico Galego, Kiosco das almas perdidas, continúa a súa xira en Pontevedra, onde será representada no Pazo da Cultura da cidade o vindeiro venres 14 de marzo, ás 21.00 h, e o sábado 15, no Auditorio de Vilagarcía á mesma hora. Dirixida polo coreógrafo catalán Roberto Oliván e con música en directo de Mercedes Peón, a peza exhibirase até o mes de xullo en diferentes escenarios galegos e en espazos escénicos tan relevantes coma o Teatro Central de Sevilla, Laboral Escena de Xixón ou o Mercat de les Flors de Barcelona, dentro do Festival Grec.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores