Axencia Galega das Industrias Culturais
Noticias
TERÁ LUGAR O SÁBADO 24 DE MAIO NO FÓRUM METROPOLITANO DA CORUÑA
O Centro Coreográfico Galego organiza unha xornada formativa para programadores e xestores culturais
[22/05/2008] O Centro Coreográfico Galego (CCG) organiza este sábado 24 de maio no Fórum Metropolitano da Coruña a xornada "Ferramentas para programar a danza", especialmente dirixida a programadores e xestores culturais co obxectivo de ofrecerlles, de xeito creativo e ameno, pautas para acadar un maior coñecemento dos códigos e linguaxes que emprega a danza contemporánea, contribuíndo así a difusión desta arte a públicos diversos.
GALESCENA.INFO É O PRINCIPAL INSTRUMENTO DE TRABALLO PARA PROGRAMADORES E FORMACIÓNS PARTICIPANTES NAS REDES GALEGAS DE TEATROS E AUDITORIOS, DE SALAS E DE MÚSICA AO VIVO
O IGAEM, finalista dos premios Eganet polo sistema de xestión en liña das súas redes de distribución escénica e musical 
[21/05/2008] O Instituto Galego das Artes Escénicas e Musicais é un dos finalistas da quinta edición dos Premios Eganet, que convoca a Asociación de Empresas Galegas Adicadas a Internet e Novas Tecnoloxías, polo sistema de xestión en liña dos seus tres circuítos de distribución escénica: Rede Galega de Teatros e Auditorios (RGTA), Rede Galega de Salas (RGS) e Rede Galega de Música ao Vivo (RGMV), promovidos en colaboración cun centenar de espazos públicos e privados de toda Galiza.
IMPULSADO POLA CONSELLARÍA DE CULTURA, CONTA CUN ORZAMENTO DE 66 MILLÓNS DE EUROS PARA 17 LIÑAS DE TRABALLO
Bota a andar o Plan Galego das Artes Escénicas como principal instrumento para fortalecer o teatro e a danza do país
[20/05/2008] O Plan Galego das Artes Escénicas (PGAE) comeza a súa andaina como principal instrumento para a potenciación do teatro e a danza do país e o fortalecemento da súa posición social, cultural e económica. Impulsado e liderado pola Consellería de Cultura e Deporte, o documento, que é o primeiro das súas características de todo o Estado español, presenta unha dotación orzamentaria de case 66 millóns de euros, coa que se materializará, ao longo de catro anos de vixencia, un total de 83 accións concretas estruturadas en 17 liñas de traballo para atender a todas as disciplinas artísticas e a todos os ámbitos de manifestación das artes escénicas.
OFRECERÁ CATRO FUNCIÓNS EN COMPOSTELA, DO MÉRCORES 21 AO SÁBADO 24, ÁS 22.00 H.
Diego Anido estrea na Sala Nasa a peza 'Cascuda', en coprodución co CDG
[19/05/2008] A Sala Nasa de Santiago acolle esta semana -do mércores 21 ao sábado 24 de maio, ás 22.00 horas- a estrea de Cascuda, unha peza de creación de personaxes e atmósferas baseada na difusa fronteira que separa a tolemia da cordura, a cargo de Diego Anido en coprodución co Centro Dramático Galego. O creador galego asume tamén a dirección e a interpretación desta montaxe, na que conxuga as linguaxes de teatro de texto, clown e danza contemporánea.
A PEZA EXHIBIRASE NO TEATRO ZORRILLA A PARTIR DAS 21.00 HORAS
O Centro Coreográfico Galego representa o sábado 16 en Badalona "Giseliña", de Cisco Aznar
[15/05/2008] O Teatro Zorrilla de Badalona acollerá este sábado 16 de maio, ás 21.00 horas, a posta en escena da última produción do Centro Coreográfico Galego (CCG), Giseliña, creada e dirixida por Cisco Aznar. A peza está xerando gran expectación entre o público badalonés, de xeito que xa están practicamente esgotadas as localidades dispoñibles para a venda anticipada. Por este motivo, o mesmo sábado 16 ás 18.00 horas realizarase unha función especial para alumnos de diversas escolas de danza.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores