Axencia Galega das Industrias Culturais
Noticias
O ESPAZO ESCÉNICO QUE XESTIONA O CENTRO DRAMÁTICO GALEGO OFRECERÁ UN TOTAL DE 42 FUNCIÓNS DE TEATRO E DANZA DESDE SETEMBRO E ATA FINAIS DE ANO
A escena galega será protagonista no inicio da nova temporada do Salón Teatro 
[07/08/2008] O Salón Teatro de Santiago inaugurará en setembro a carteleira da súa nova temporada escénica 2008-2009, que ata finais de ano ofrecerá un total de 42 funcións de teatro e danza, cunha destacada presenza do teatro feito en Galicia. Así, a programación do espazo escénico que xestiona o Centro Dramático Galego (CDG) presenta os últimos espectáculos das compañías galegas Matarile Teatro, Teatro Cachuzo, Lagarta Lagarta, Teatro do Atlántico, Galitoon, Pistacatro e Sarabela Teatro, que compartirán cartel con Kónic Thtr (Cataluña), Atra Bilis (Madrid), Teatro do Frío (Porto) e Teatro Gorakada (Euskadi) e coa nova produción do CDG, A boa persoa de Sezuán, de Bertolt Brecht baixo dirección de Nuno Cardoso.
OS ESPECTÁCULOS DA TEMPORADA 2007-2008 -'NOITE DE REIS. OU O QUE QUEIRADES', 'VALDEMULLER' E 'ESTIGMA'- SUMARON UN TOTAL DE 139 FUNCIÓNS DENTRO E FÓRA DE GALICIA
Máis de 30.100 espectadores asistiron ás tres últimas producións do CDG
[01/08/2008] O Centro Dramático Galego (CDG) conclúe a súa temporada 2007-2008 confirmando o apoio do público á súa actividade de produción propia, que congregou un total de 30.142 espectadores nos seus tres últimos espectáculos: Noite de Reis. Ou o que queirades, Valdemuller e Estigma. A compañía pública ofreceu 139 funcións destas montaxes en diferentes escenarios dentro e fóra de Galicia, visitando destacados encontros escénicos como o Festival de Teatro Clásico de Almagro, o Festival Fazer a Festa de Porto e a Mostra Internacional de Teatro de Ribadavia.
O CCG APOIA ESTE ANO UN TOTAL DE OITO PROXECTOS DENTRO DO SEU PROGRAMA ARTISTAS EN RESIDENCIA
Maïté Delafin e Iker Gómez pechan as súas residencias artísticas no Centro Coreográfico Galego con senllas mostras abertas ao público dos seus proxectos
[31/07/2008] Os creadores Maïté Delafin e Iker Gómez pechan as súas residencias artísticas no Centro Coreográfico Galego (CCG) con senllos encontros públicos -Delafin e a súa compañía Nux preséntanse hoxe de 12.00 a 14.00 horas na sede coruñesa do CCG; e Gómez, mañá de 12.30 a 14.00 horas na Sala Galán de Compostela- nos que amosan ante os profesionais e espectadores interesados parte dos proxectos desenvolvidos durante a súa estadía este mes de xullo en Galicia.
A XIRA DE "KIOSCO DAS ALMAS PERDIDAS" REMATA MAÑÁ NA MOSTRA INTERNACIONAL DE TEATRO DE RIBADAVIA
O CCG congregou 9.000 persoas nas actividades artísticas e formativas programadas esta temporada
[24/07/2008] O Centro Coreográfico Galego (CCG) remata mañá 25 de xullo na Mostra Internacional de Teatro de Ribadavia (MIT) a xira da súa produción Kiosco das almas perdidas. A última función da peza que dirixiu o coreógrafo catalán Roberto Oliván e que conta coa interpretación musical en directo a cargo de Mercedes Peón -recente Premio Nacional da Cultura Galega- terá lugar no Auditorio do Castelo ás 23.00 horas. A entidade da Consellaría de Cultura entra así na recta final da súa segunda temporada de existencia, durante a que logrou consolidarse coa participación de máis de 9.000 persoas nas diversas actividades artísticas e formativas programadas.
A VERSIÓN DA OBRA DE SHAKESPEARE ASINADA E DIRIXIDA POR QUICO CADAVAL EXHIBIRASE DO 21 AO 25 DE XULLO ÁS 21.30 HORAS (AGÁS O XOVES 24, ÁS 21.00 H)
O Centro Dramático Galego repón 'Noite de Reis' no Salón Teatro de Santiago
[17/07/2008] O Centro Dramático Galego (CDG) reporá a semana que vén no Salón Teatro de Santiago a súa primeira produción da temporada, Noite de Reis. Ou o que queirades, coa que acadou un éxito con escasos precedentes na escena galega. As funcións desta versión da comedia de Shakespeare asinada e dirixida por Quico Cadaval desenvolveranse do 21 ao 25 de xullo ás 21.30 horas (agás o xoves 24, ás 21.00 h) neste escenario compostelán, no que o espectáculo xa foi representado o ano pasado colgando o cartel de non hai billetes en repetidas ocasións.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores