AGADIC

Xunta de Galicia. Consellería de Cultura e TurismoAGADIC

Noticias

O ESCENARIO QUE XESTIONA O CDG CONTINÚA COA DIFUSIÓN DE TEATRO, MÚSICA E DANZA ACTUAIS

O Salón Teatro acolle unha extensión do Festival Sinsal de música contemporánea Documento anexo

[15/05/2007] O Salón Teatro de Santiago abre na segunda quincena de maio un novo ciclo de programación que se inicia coa inauguración da extensión en Compostela do Festival Sinsal, un encontro de referencia para a música contemporánea en Galiza, que até agora se celebraba unicamente na cidade de Vigo. O escenario que xestiona o Centro Dramático Galego, continúa así co seu labor de difusión das expresións escénicas máis actuais, mediante o deseño dun novo plan de actividades no que tamén destaca a estrea dos tres espectáculos coproducidos polas unidades do IGAEM (Instituto Galego das Artes Escénicas e Musicais) para a actual temporada.

A PEZA QUE DIRIXE CARLOTA PÉREZ ESTRÉASE O 19 DE MAIO NO SALÓN TEATRO

ExperimentaDanza con "Arte a escena" inaugura o plan de coproducións do CCG

[14/05/2007] O Centro Coreográfico Galego (CCG), unidade de produción artística do IGAEM (Instituto Galego das Artes Escénicas e Musicais), da Consellaría de Cultura e Deporte, inaugura o seu plan de coproducións co espectáculo Arte a escena da compañía galega ExperimentaDanza, unha proposta coreográfica para todos os públicos que se estrea o vindeiro sábado 19 de maio no Salón Teatro de Santiago de Compostela. A peza marca o fito de ser a primeira do ámbito da danza en Galiza que se realiza en réxime de coprodución pública, o que supón a apertura dunha nova vía de cooperación cos creadores desta disciplina artística.

A OBRA DO CDG QUE DIRIXE CÁNDIDO PAZÓ INICIA A XIRA GALEGA

O Salón Teatro acolle esta fin de semana as últimas funcións de "A Piragua"

[11/05/2007] Uns 2.100 espectadores asistiron até o momento ao espectáculo do Centro Dramático Galego (CDG) A Piragua, a obra dirixida por Cándido Pazó, que esta fin de semana ofrece as súas últimas funcións no Salón Teatro de Santiago. En total serán 23 funcións as que o CDG terá ofrecido en Compostela con esta montaxe, coa que a compañía pública culmina o seu plan de produción propia para a actual temporada escénica 2006-2007. As entradas para asistir a estas representacións –hoxe venres e mañá sábado, ás 20.30 horas; e o domingo, ás 18.00- poden adquirise no despacho de billetes dende dúas horas antes do comezo da función.

A DIRECCIÓN CORRERÁ A CARGO DE MAXIMINO ZUMALAVE

A orquestra da EAEM ofrece un concerto co barítono Christian Hilz

[04/05/2007] O auditorio da Escola de Altos Estudos Musicais (EAEM), en Santiago de Compostela, acolle o sábado 5 de maio, ás 20:30 horas, un concerto da orquestra de alumnos do centro, baixo a dirección do mestre Maximino Zumalave e co barítono alemán Christian Hilz como solista. O recital, de entrada gratuíta, prográmase como parte do plan pedagóxico da Sección de Formación Permanente da EAEM, dependente da Consellería de Cultura e Deporte a través do IGAEM (Instituto Galego das Artes Escénicas e Musicais).

A FUNCIÓN SERÁ O DÍA 6 NO AUDITORIO DA BIBLIOTECA ALMEIDA GARRETT

O CDG leva Tarará-Chis-Pum! ao Festival "Fazer a Festa" do Porto

[04/05/2007] O Centro Dramático Galego (CDG) leva ao Porto (Portugal) a súa produción infantil Tarará-Chis-Pum!, dentro da vixésimo sexta edición do Festival Internacional de Teatro "Fazer a Festa" que se celebra até o 13 de maio na cidade lusa. Organizado pola compañía Teatro Art´Imagem, o programa do encontro abrangue 14 espectáculos, que desenvolverán un total de 27 representacións. A función do CDG terá lugar este domingo día 6 ás 16:30 horas no Auditorio da Biblioteca Municipal Almeida Garrett.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266 Ver novas anteriores

Escolle o apartado que máis che interesa clicando nas celas: