Axencia Galega das Industrias Culturais
Noticias
A SALA THE STAR, NO CONCELLO CORUÑÉS DE CARRAL, INCORPÓRASE Á REDE GALEGA DE SALAS
As tres redes da AGADIC ofrecerán máis de mil funcións e concertos até xuño 
[14/01/2009] As tres redes de distribución de teatro, danza, maxia e música que promove a Consellaría de Cultura a través da Axencia Galega das Industrias Culturais (AGADIC) ofrecerán un total de 1.015 funcións e concertos entre os meses de xaneiro e xuño, dos que 466 corresponden á Rede Galega de Música ao Vivo (RGMV), 394 á Rede Galega de Teatros e Auditorios (RGTA) e 155 á Rede Galega de Salas (RGS).
ANABELL GAGO INCORPÓRASE AO ELENCO INTERPRETATIVO DESTA VERSIÓN DA OBRA DE WILLIAM SHAKESPEARE ASINADA E DIRIXIDA POR QUICO CADAVAL
O CDG inaugura 2009 coa reposición da súa "Noite de Reis" no Salón Teatro
[05/01/2009] O Centro Dramático Galego (CDG) repón a partir do vindeiro xoves día 8 no Salón Teatro a súa produción Noite de Reis. Ou o que queirades, coa que ten acadado un éxito de público con escasos precedentes na escena galega. As funcións desta versión da obra de William Shakespeare asinada e dirixida por Quico Cadaval desenvolveranse até o 31 de xaneiro neste escenario compostelán, onde o espectáculo xa foi representado colgando o cartel de non hai billetes en repetidas ocasións.
O CICLO DESENVÓLVESE DO 26 AO 30 DE DECEMBRO CON 5 MONTAXES DE DISTINTOS FORMATOS E TÉCNICAS, DESDE MONICREQUES E TEATRO DE ACTOR ATÉ NÚMEROS DE NOVO CIRCO
O Salón Teatro de Santiago pecha o ano coa Mostra de Teatro Infantil no Nadal
[23/12/2008] O Salón Teatro de Santiago despide a súa programación de 2008 coa xa tradicional Mostra de Teatro Infantil no Nadal, unha iniciativa que vén celebrándose desde o ano 2000 sempre nas mesmas datas, do 26 ao 30 de decembro. Organizado polo Centro Dramático Galego (CDG), o festival inclúe cinco espectáculos que amosan a variedade de estilos, técnicas e formatos dos que se sirve o teatro especialmente destinado aos nenos e nenas.
A COMPAÑÍA DE NOVO CIRCO PISTACATRO DESENVOLVERÁ O VENRES 26 NO CENTRO PRAZA ELÍPTICA UNHA ACCIÓN PROMOCIONAL SOBRE ESTA PRODUCIÓN DENTRO DA REDE "ESPAZOS CDG"
O CDG retoma a xira de "A boa persoa de Sezuán" con dúas funcións no Centro Cultural Caixanova de Vigo
[22/12/2008] O Centro Dramático Galego retoma esta fin de semana en Vigo a xira galega da súa última montaxe, A boa persoa de Sezuán, versión en galego da obra de Bertolt Brecht que chega da man de Nuno Cardoso, un dos directores máis destacados da nova escena portuguesa. Tras permanecer no Salón Teatro de Santiago -sede da compañía pública- durante tres semanas, o espectáculo ten como destino o Centro Cultural Caixanova, onde ofrecerá dúas funcións: o sábado 27 e o domingo 28 ás 20.30 horas.
OS ALUMNOS INTERPRETARÁN OBRAS DE MOZART, DEBUSSY E BEETHOVEN A PARTIR DAS 20.30 HORAS NO AUDITORIO DA SEDE DA EAEM EN SANTIAGO
A Orquestra da Escola de Altos Estudos Musicais ofrece mañá o seu Concerto de Nadal baixo a dirección de Jordi Mora
[19/12/2008] O mestre catalán Jordi Mora dirixirá a Orquestra da Escola de Altos Estudos Musicais no Concerto de Nadal que ofrecerá mañá, a partir das 20.30 horas, no auditorio da súa sede en Santiago de Compostela. Nesta actuación, do mesmo xeito que nas celebradas onte no Pazo de Cultura de Carballo e hoxe na Casa da Cultura Pintor Lloréns de Sada, os alumnos executarán un programa integrado pola Obertura "A frauta máxica", de W.A. Mozart; a Petite suite, de C. Debussy; e a Sinfonía n.º 2, de L.V. Beethoven.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 Ver novas anteriores