Axencia Galega das Industrias Culturais
Noticias
SOBRE O ESCENARIO DO SALÓN TEATRO ESTARÁN O LÍDER DO COLECTIVO, DAVID TIBET, ADEMAIS DE JAMES BLACKSHAW, ANDREW LILES, BABY DEE, KEITH WOOD E ALEX NEILSON
Dous concertos do folk apocalíptico de Current 93 clausuran a extensión en Santiago do Festival Sinsal 
[15/05/2009] O folk apocalíptico de Current 93, a formación británica liderada por David Tibet, pon o colofón ao Festival Sinsal Extensión Salón Teatro esta fin de semana cun dobre cartel de concetos prepados en exclusiva para Santiago, e que terán lugar o sábado 16 e o domingo 17 de maio ás 22.00 horas. Na que ha ser a súa segunda visita ao Estado español, desta vez conforme á entente C93, este círculo aberto e libérrimo de músicos adiantará en Compostela a edición de Aleph at Hallucinatory Mountain, o que se agarda como un dos traballos discográficos menos predicibles e máis potentes da banda. Sobre o escenario, ademais de Tibet, estarán James Blackshaw (día 16), Andrew Liles (día 17), así como Baby Dee, Keith Wood e Alex Neilson; todos eles músicos singularísimos e virtuosos na reinvención da interpretación de estilos que van desde o acústico até o experimental.
MATARILE TEATRO, ENTREMANS E TROULA ANIMACIÓN COMPLETAN A REPRESENTACIÓN GALEGA NA 32 EDICIÓN DO FESTIVAL, QUE SE CELEBRA DO 26 DE MAIO AO 10 DE XUÑO
Nut Teatro en coprodución co Centro Dramático Galego estrea "Wake Up" no FITEI do Porto
[14/05/2009] A estrea de Wake Up, de Nut Teatro en coprodución co Centro Dramático Galego (CDG); e os espectáculos Animales Artificiales, de Matarile Teatro; Ven, da compañía de danza Entremans; e A Invasión Pirata, de Troula Animación, compoñen a participación galega no Festival Internacional de Teatro de Expressão Ibérica (FITEI), que se desenvolverá do 26 de maio ao 10 de xuño na cidade portuguesa do Porto. A trixésimo segunda edición deste prestixioso encontro, consolidado como unha das principais citas da temporada teatral peninsular, foi presentada hoxe en Galicia desde o Salón Teatro de Santiago por Mário Moutinho, o seu director artístico.
O VENRES 15 DE MAIO ÁS 13.00 HORAS NA FÁBRICA DE OLEIROS
Ensaio aberto de Ovay da compañía Quique Peón
[14/05/2009] Este venres 15 de maio ás 13.00 horas terá lugar na Fábrica de Oleiros o segundo ensaio aberto de Ovay montaxe da Cía. Quique Peón en coprodución co Centro Coreográfico Galego. Se queres asistir a esta actividade debes solicitalo a través do enderezo electrónico: documentacion.ccg@xunta.es indicando o teu nome e número de teléfono.
O AUDITORIO MUNICIPAL ACOLLE O VENRES 15 DE MAIO ESTE ESPECTÁCULO DIRIXIDO POR QUICO CADAVAL A PARTIR DA OBRA ESCRITA AD HOC POR MANUEL LOURENZO
O Centro Dramático Galego continúa a xira de "As dunas" cunha función en Vilagarcía de Arousa
[12/05/2009] O Centro Dramático Galego (CDG) presenta este venres día 15 ás 21.00 horas no Auditorio Municipal de Vilagarcía de Arousa As dunas, espectáculo resultante da obra escrita ad hoc por Manuel Lourenzo con dirección escénica de Quico Cadaval. Autor e director suman os seus talentos creativos nesta nova produción da compañía pública á que ambos se refiren como "un cabaré sobre o paraíso perdido". Trátase dunha comedia cun destacado compoñente onírico que fala sobre especulación urbanística, ecoloxía, corrupción, amor, desamor e sexo.
O RECITAL INSÍRESE NA EXTENSIÓN EN COMPOSTELA DO FESTIVAL SINSAL
O grupo Larsen ofrece xunto a Little Annie un concerto no Salón Teatro de Santiago o xoves 14
[12/05/2009] O Salón Teatro de Santiago acolle este xoves 14 de maio a partir das 22.00 horas o concerto dos italianos Larsen, un dos grupos máis experimentais do panorama alternativo actual, que contará co engadido dunha voz amiga, a de Little Annie, diva do dub e do cabaret post punk e colaboradora de grupos como Coil ou o combo On-U Sound. O recital insírese na extensión en Santiago do Festival Sinsal, organizada en colaboración co Centro Dramático Galego-Salón Teatro, e dentro da que, esta mesma fin de semana, actuará a formación liderada por David Tibet, Current-93.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores