Axencia Galega das Industrias Culturais
Noticias
QUICO CADAVAL E DANIEL ABREU ASESORARON O PROXECTO CREATIVO DESTA PROPOSTA QUE O CDG ABRE MAÑÁ AO PÚBLICO
Pablo Fidalgo e Estefanía García presentan a residencia artística para "A democracia" antes da súa estrea en La Casa Encendida 
[02/07/2009] Pablo Fidalgo e Estefanía García abren mañá ao público o resultado do seu traballo creativo para o seu espectáculo A democracia mediante unha presentación que terá lugar ás 17.00 horas na nave da AGADIC (Axencia Galega das Industrias Culturais) no compostelán polígono de Costavella. Os dous creadores e intérpretes desde proxecto, artistas residentes do Centro Dramático Galego (CDG), amosarán o proceso de ensaio e composición desta proposta escénica como avance á estrea oficial que terá lugar en La Casa Encendida de Madrid o próximo mes de outubro.
A NAVE DA AGADIC EN COSTAVELLA ACOLLE A PRESENTACIÓN E UN COLOQUIO SOBRE A PEZA
David Loira amosa "Macho", a súa creación como artista residente do Centro Coreográfico Galego
[30/06/2009] O bailarín e creador David Loira, artista en residencia do Centro Coreográfico Galego co proxecto Macho , amosará o xoves 2 de xullo diante do público o resultado do proceso creativo desta peza nunha sesión que se desenvolverá na nave industrial da Axencia Galega das Industrias Culturais (AGADIC) no compostelán Polígono de Costavella. Ao remate da mostra de Macho abrirase un coloquio entre o artista e os espectadores para debullar os distintos elementos desta proposta.
A EAEM ORGANIZA ESTE ENCONTRO, QUE SE DESENVOLVERÁ EN SANTIAGO DO 1 AO 8 DE XULLO CON CONCERTOS E CONFERENCIAS ABERTAS AO PÚBLICO XERAL
Unha vintena de alumnos participa na oitava edición do Festival de Contrabaixo "Ludwig Streicher"
[29/06/2009] Un total de 23 alumnos procedentes de diferentes puntos de España participará a partir do vindeiro mércores 1 de xullo na oitava edición do Festival de Contrabaixo "Ludwig Streicher", que se desenvolverá até o día 8 na sede da Escola de Altos Estudos Musicais (EAEM) en Santiago de Compostela. Como en anteriores convocatorias, o encontro combina o seu programa lectivo con distintas actividades complementarias abertas ao público xeral, entre as que destaca a conferencia sobre lutharía que impartirá o recoñecido contrabaixista estadounidense Thomas Martin e a celebración de cinco concertos de entrada libre.
A PRESENTACIÓN TERÁ LUGAR O XOVES 2 DE XULLO NA NAVE DA AGADIC EN SANTIAGO
Presentación da residencía artística Macho de David Loira
[29/06/2009] O vindeiro xoves 2 de xullo ás 16.30 horas David Loira -artista en residencia do Centro Coreográfico Galego co proxecto Machoamosará ao público o resultado deste proceso creativo na nave da AGADIC (Rúa Polonia nº 30. Polígono Costavella - Santiago). Despois da mostra abrirase un coloquio entre o artista e o público, para debullar os distintos elementos desta proposta.
Artistas en Residencia é un programa da Axencia Galega das Industrias Culturais (AGADIC), xestionado polo Centro Coreográfico Galego (CCG) e o Centro Dramático Galego (CDG), que ten como finalidade apoiar a artistas ou colectivos artísticos que desexen desenvolver un proxecto de investigación ou de creación nos ámbitos do teatro, escrita teatral, circo, danza e outras artes do movemento; así como a artistas -que dende outras disciplinas- traballen coa danza, o teatro ou o circo como referencia. Esta liña de apoio á creación ofrece aos artistas recursos infraestruturais, técnicos e humanos para desenvolver unha actividade de investigación ou de creación. Nesta tempada, a través do programa Artistas en Residencia, apóianse un total de 15 proxectos, oito deles xestionados polo CCG.
DIRECTOR, EQUIPO ARTÍSTICO E ELENCO VÓLVENSE REUNIR PARA DAR VIDA A ESTE TEXTO ORIXINAL SOBRE A VIOLENCIA DE XÉNERO GALARDOADO CO PREMIO MARÍA CASARES
Abrapalabra reestrea no Salón Teatro "A piragua", escrita e dirixida por Cándido Pazó para o CDG en 2007
[23/06/2009] O Salón Teatro acolle esta semana (xoves 25 ás 21.00 horas, venres 26 e sábado 27 ás 20.30 h e domingo 28 ás 18.00 h) a reestrea de A piragua, obra escrita e dirixida por Cándido Pazó como resultado da súa experiencia como primeiro dramaturgo residente do Centro Dramático Galego (CDG) na temporada 2006-2007 e producida agora pola nova compañía Abrapalabra. A iniciativa privada asume deste xeito a explotación dun proxecto inicial da compañía pública mediante unha fórmula de colaboración pola que se cede parte do material escenográfico para a súa reutilización e co obxectivo de contribuír á máxima rendabilidade social dos espectáculos.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 Ver novas anteriores