Axencia Galega das Industrias Culturais
Noticias
CINCO EMPRESAS E DÚAS ASOCIACIÓNS ASISTEN CO APOIO DA AGADIC Á FEIRA PORTEÑA CO OBXECTIVO DE ABRIR VÍAS DE ACCESO DIRECTO AO MERCADO LATINOAMERICANO
A música galega entra na BAFIM de Bos Aires con concertos de Carlos Núñez, Xoel López, Vetusta Morla, Aló Irmao e Uxía 
[13/11/2009] A industria musical galega busca abrir novas vías de acceso ao mercado latinoamericano a través da súa primeira participación conxunta en BAFIM (Buenos Aires Feria Internacional de la Música), que se celebrará na capital arxentina do 19 ao 22 de novembro. O conselleiro de Cultura e Turismo, Roberto Varela Fariña, presentou hoxe as accións que desenvolverá a representación galega neste importante encontro internacional, ao que acoden cinco empresas e dúas asociacións profesionais co apoio da AGADIC (Axencia Galega das Industrias Culturais), entre as que destaca un programa paralelo de concertos a cargo de Carlos Núñez, Xoel López, Vetusta Morla, Aló Irmao e Uxía en diferentes salas e teatros de Bos Aires.
O RECITAL DOS ALUMNOS CELEBRARASE MAÑÁ ÁS 20.30 HORAS NO AUDITORIO DA SEDE COMPOSTELÁ DA EAEM
José Luis Estellés dirixe o concerto inaugural do novo curso da Escola de Altos Estudos Musicais
[11/11/2009] O mestre valenciano José Luis Estellés dirixirá os alumnos da Escola de Altos Estudos Musicais (EAEM) no concerto inaugural do curso 2009-2010 que ofrecerán mañá xoves día 12, ás 20.30 horas, no auditorio da súa sede en Santiago de Compostela. Nesta actuación, os estudantes interpretarán o Octeto e a Sinfonía para instrumentos de vento de Stravinsky, e Cadros para unha exposición de Mussorgsky.
O BALANCE DEFINITIVO CONFIRMA QUE O TEATRO PARA PÚBLICO INFANTIL É O XÉNERO ELIXIDO PREFERENTEMENTE PARA REPRESENTAR FÓRA DE GALICIA
A AGADIC destina 130.000 euros á distribución exterior dos espectáculos galegos contratados na Feira
[09/11/2009] A Axencia Galega das Industrias Culturais (AGADIC) investirá un total de 129.750 € na distribución dos 14 espectáculos galegos de teatro e danza que foron contratados por redes, festivais e espazos escénicos doutras comunidades autónomas e de Portugal no marco da pasada edición da Feira Galega das Artes Escénicas. Segundo o balance definitivo de contratación exterior, serán 99 as funcións de compañías galegas que se desenvolverán durante 2010 en Andalucía, Aragón, Comunidade Valenciana, Castela-A Mancha, Castela e Léon, Euscadi, Madrid, Murcia e Navarra e nas localidades portuguesas de Abrantes, Águeda, Estarreja, Moita e Palmela.
A INICIATIVA DESENVOLVERASE EN SANTIAGO EN DISTINTAS DATAS DE NOVEMBRO E DECEMBRO COMO APOIO Á FORMACIÓN EN MÚSICA TRADICIONAL
A AGADIC organiza un ciclo de tres "master class" de música tradicional impartidas por Duncan Chisholm, Carlos Castro e Chefa Alonso
[06/11/2009] A Axencia Galega das Industrias Culturais (AGADIC) organiza un ciclo de tres clases maxistrais (master class) como apoio á formación en música tradicional, que serán impartidas polos mestres Duncan Chisholm, Carlos Castro e Chefa Alonso. O violín escocés, a percusión e a improvisación libre serán os tres eixos sobre os que versarán as clases, destinadas tanto aos músicos profesionais coma aos estudantes de conservatorios ou escolas de música.
MÁIS DE 2.000 PERSOAS VISITARON O "STAND" DA DELEGACIÓN GALEGA INSTALADO BAIXO A MARCA GALICIAN TUNES
Galicia e Brasil acadan no Womex un acordo para a difusión de grupos musicais en réxime de intercambio
[31/10/2009] Os grupos musicais galegos poderán desenvolver en 2010 varios concertos en Brasil segundo un acordo acadado entre as delegacións galega e brasileira presentes no Womex (World Music Expo) que se celebra estes días en Copenhague. A feira máis importante do circuíto internacional especializada en música folc, de raíz, étnica e tradicional pecha mañá a súas portas na capital dinamarquesa cun positivo balance para as asociacións e empresas desprazadas, que intensificaron estes días os seus contactos para a difusión de artistas.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 Ver novas anteriores