Axencia Galega das Industrias Culturais
Noticias
PRESENTARÁ EN DIRECTO "TIRÁN", O SEU DEBUT DISCOGRÁFICO EN SOLITARIO, A PARTIR DAS 20.30 HORAS
O programa "ST Música Presente" ofrece este mércores no Salón Teatro un concerto do gaiteiro Anxo Lorenzo 
[22/03/2010] O gaiteiro Anxo Lorenzo protagonizará o vindeiro mércores 24, ás 20.30 horas, no Salón Teatro de Santiago a segunda das actuacións do programa "ST Música Presente", creado pola Axencia Galega das Industrias Culturais (AGADIC) da Consellería de Cultura e Turismo para a promoción especial de traballos discográficos galegos a través de concertos dirixidos preferentemente a un público especializado, pero abertos tamén a todos os espectadores interesados en función do aforo dispoñible.
RETÓMANSE AS ACCIÓNS DE DINAMIZACIÓN DA INDUSTRIA CULTURAL DE GALICIA E NORTE DE PORTUGAL MEDIANTE A COLABORACIÓN CO FESTIVAL DE CINE DOCUMENTAL DE TUI
A AGADIC inicia as actividades de Creativa 2010 cun taller destinado a novos realizadores dentro do Play-Doc
[18/03/2010] A Axencia Galega das Industrias Culturais (AGADIC) da Consellería de Cultura e Turismo inicia o programa CREATIVA para 2010 coa colaboración co festival Play-Doc de Tui no desenvolvemento dun taller-seminario para novos realizadores e outras actividades conxuntas de difusión da industria audiovisual de Galicia e do Norte de Portugal. Baixo o título O retrato filmado #02 o retrato memoria, o obradoiro centrará a participación de CREATIVA no certame internacional de cine documental tudense, dentro do que se levarán a cabo, ademais, outras accións conxuntas, tales como un concerto a cargo da banda lisboeta Batida, a incorporación de Darío Silva Oliveira -director do prestixioso Festival Internacional de Curtas de Vila do Conde- ao xurado internacional ou a proxección da película Luanda, a fábrica da música, da portuguesa Inés Gonçalves e Kiluanje Liberdade.
O PRAZO DE ADMISIÓN DE ORIXINAIS VAI ATÉ O 11 DE XUÑO E O DITAME EMITIRASE ANTES DO 1 DE NOVEMBRO
Convocada a edición 2010 dos premios Álvaro Cunqueiro, Manuel María e Barriga Verde
[17/03/2010] A Axencia Galega das Industrias Culturais (AGADIC) da Consellería de Cultura e Turismo acaba de facer pública a convocatoria 2010 dos seus tres premios literarios no eido dramático -XIX Álvaro Cunqueiro para Textos Teatrais, V Manuel María de Literatura Dramática Infantil e VIII Premio Barriga Verde de Textos para Teatro de Monicreques (modalidades de público infantil e adulto)-, para os que mantén aberto o prazo de admisión de orixinais até o 11 de xuño. Cada un dos galardóns e modalidades conta cunha dotación económica de 6.000 euros, ademais de contemplar a posibilidade de que as obras sexan publicadas dentro das coleccións dramáticas que a AGADIC coedita con distintas empresas galegas.
O TEATRO ROSALÍA CASTRO ACOLLE DÚAS FUNCIÓNS O VENRES 19 E O SÁBADO 20 ÁS 20.30 H
O CDG chega á Coruña con "As actas escuras", obra de Roberto Vidal Bolaño dirixida por Xúlio Lago
[17/03/2010] O Centro Dramático Galego (CDG) presenta esta fin de semana (venres 19 e sábado 20, ás 20.30 horas) no Teatro Rosalía Castro da Coruña As actas escuras, obra de Roberto Vidal Bolaño recuperada para os escenarios da man do director Xúlio Lago e dun elenco integrado por 14 recoñecidos actores e actrices. Esta primeira posta en escena do texto gañador do Premio Xacobeo de Textos Teatrais en 1992 supón todo un fito no actual panorama escénico galego, achegando finalmente aos espectadores un gran drama sobre a ocultación da verdade e o sentido da ética no que se reflicten tanto a forza simbólica como o espírito crítico característicos de Vidal Bolaño, un dos grandes nomes do teatro galego contemporáneo.
FERNÁNDEZ FASERO PRESENTOU ESTA INICIATIVA, DESTINADA PRIORITARIAMENTE Á PRESENTACIÓN DE NOVOS TRABALLOS DISCOGRÁFICOS GALEGOS DIANTE DUN PÚBLICO ESPECIALIZADO
A AGADIC inagura no Salón Teatro o programa de concertos promocionais "ST Música Presente" co grupo Linho do Cuco
[16/03/2010] A Axencia Galega das Industrias Culturais (AGADIC) pon en marcha o programa de concertos "ST Música Presente", dirixido á promoción de traballos discográficos galegos de todos os estilos diante dun público especializado, coa actuación que o grupo Linho do Cuco ofrecerá o vindeiro xoves 18, ás 20.30 horas, no Salón Teatro. O espazo compostelán será a sede deste novo ciclo, que na súa primeira entrega acollerá outros cinco directos a cargo de Anxo Lorenzo (24 de marzo), Emilio Rúa (26 de marzo), Álvaro Vieito Cuarteto (20 abril), Ophiusa (27 de abril) e BellónMaceiras Quinteto (30 de abril). O público xeral tamén poderá acceder a estes concertos, sempre en función do aforo finalmente dispoñible.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 Ver novas anteriores