AGADIC

Xunta de Galicia. Consellería de Cultura e TurismoAGADIC

Noticias

PERMANECERÁ NO SALÓN TEATRO ATÉ O 2 DE ABRIL CON CINCO FUNCIÓNS SEMANAIS: MÉRCORES E XOVES PARA ESTUDANTES, E VENRES, SÁBADOS E DOMINGOS PARA O PÚBLICO XERAL

O Centro Dramático Galego estrea "As dunas", un texto de Manuel Lourenzo con dirección de Quico Cadaval Documento anexo

[03/03/2009] O Centro Dramático Galego (CDG) estrea este venres día 6 ás 21.00 horas no Salón Teatro de Santiago As dunas, obra escrita ad hoc por Manuel Lourenzo -Premio Nacional da Cultura Galega 2008 na categoría de Artes Escénicas- e dirixida por Quico Cadaval. Autor e director suman os seus talentos creativos nesta nova produción da compañía pública á que ambos se refiren como "un cabaré sobre o paraíso perdido", unha montaxe cun destacado compoñente onírico que fala sobre especulación urbanística, corrupción, amor, desamor e sexo.

TRÁTASE DUN DOS AUTORES MÁIS DESTACADOS DO TEATRO FRANCÉS CONTEMPORÁNEO, CON MÁIS DE 30 OBRAS PUBLICADAS E TRADUCIDAS A UNHA DECENA DE LINGUAS

O francés Enzo Cormann imparte un obradoiro de escrita teatral no Centro de Creación Dramática do CDG Documento anexo

[23/02/2009] O Centro de Creación Dramática Contemporánea do Centro Dramático Galego (CDG) acolle dende hoxe e até o vindeiro venres 27 un obradoiro de escrita teatral a cargo do recoñecido dramaturgo francés Enzo Cormann. Este encontro, o terceiro dos catro que conforman o curso de escrita teatral Pistas para unha dramaturxia da actualidade III que dirixe Cándido Pazó, desenvólvese na biblioteca do Salón Teatro de Santiago en horario de 16.00 a 20.00 h.

O CONCERTO DO MÚSICO E CANTANTE CALIFORNIANO, QUE DARÁ COMEZO ÁS 22.00 HORAS, INAUGURA UNHA NOVA EXTENSIÓN DO FESTIVAL SINSAL EN SANTIAGO

O pop onírico e romántico do californiano Jeremy Jay soará este domingo no Salón Teatro Documento anexo

[20/02/2009] A actuación do músico e cantante californiano Jeremy Jay no Salón Teatro, este domingo 22 de febreiro ás 22.00 horas, inaugura a terceira edición da extensión en Compostela do Festival Sinsal, un encontro de referencia en Galicia para a música contemporánea máis vangardista. Jay visita Santiago dentro da xira europea na que está a adiantar algúns temas do que será o seu novo traballo discográfico, Slow Dance.

CRÉASE UNHA NOVA CATEGORÍA DE CONCESIÓN AUTOMÁTICA PARA A AMORTIZACIÓN DE CUSTOS DE PRODUCIÓN DE LONGAMETRAXES, TELEFILMES E DOCUMENTAIS

A AGADIC outorgará este ano 2.700.000 euros ao sector audiovisual galego a través de seis liñas de axuda Documento anexo

[18/02/2009] A Consellaría de Cultura e Deporte destina este ano un total de 2.700.000 euros ás seis liñas de axuda ao sector audiovisual galego, que xestiona por vez primeira a través da Axencia Galega das Industrias Culturais (AGADIC). Xunto ás categorías referidas á produción audiovisual, creadores individuais, desenvolvemento de proxectos audiovisuais, produción de curtametraxes e videoclips e contidos interactivos, en 2009 incorpórase un novo tipo de subvencións de concesión automática para a amortización de custos de produción.

O FUNÁMBULO JONATHAN GUICHARD E O ACRÓBATA FNICO FELDMANN EXECUTARÁN ESTA MONTAXE DE GRAN COMPLEXIDADE TÉCNICA OS DÍAS 19 E 20, ÁS 20.30 H, NO SALÓN TEATRO

A compañía francesa Ieto pecha o ciclo "Circo en escena" co espectáculo premiado no Festival Jeunes Talents du Cirque Europe

[18/02/2009] O Salón Teatro de Santiago acolle mañá xoves 19 e o venres 20 de febreiro ás 20.30 horas dúas funcións do espectáculo Ieto, a segunda produción da compañía francesa de novo circo do mesmo nome, que levará ao escenario compostelán a gran complexidade técnica e o considerable risco artístico e físico deste traballo. O dúo que integran o funámbulo Jonathan Guichard e o acróbata Fnico Feldmann pechan con esta montaxe de danza acrobática contemporánea o ciclo "Circo en escena", que durante este mes de febreiro amosou no espazo que xestiona o Centro Dramático Galego (CDG) algunhas das creacións que están a ser escenificadas nos certames e programacións deste xénero máis prestixiosos do mundo.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265  266 Ver novas anteriores

Escolle o apartado que máis che interesa clicando nas celas: