Axencia Galega das Industrias Culturais
Noticias
AS SUBVENCIÓNS DE CONCESIÓN AUTOMÁTICA PARA LONGAMETRAXES, TELEFILMES E DOCUMENTAIS XA REALIZADOS DÓTANSE CON 800.000 EUROS, UN 33% MÁIS QUE EN 2009
A Axencia Galega das Industrias Culturais convoca as axudas ao sector audiovisual para amortización de custos de produción e contidos interactivos 
[08/04/2010] A Axencia Galega das Industrias Culturais (AGADIC) da Consellería de Cultura e Turismo destinará este ano 800.000 euros ás axudas á amortización dos custos de produción de longametraxes cinematográficas, telefilmes e documentais e outros 350.000 euros ás de produción e desenvolvemento de contidos interactivos, segundo as convocatorias que fai públicas esta semana no marco do seu programa de subvencións ao sector audiovisual galego.
TEATRO, MÚSICA EN VIVO E DANZA ÚNENSE NESTE ESPECTÁCULO, ONDE OS PERSONAXES SE DEBATEN ENTRE A OBSESIÓN POR RECORDAR E A IMPORTANCIA DE ESQUECER
Voadora en coprodución co CDG estrea no Salón Teatro "Super8", unha comedia musical sobre a memoria
[07/04/2010] A plataforma Voadora estrea este venres 9 ás 21.00 horas no Salón Teatro de Santiago o espectáculo Super8, unha comedia musical realizada en coprodución co Centro Dramático Galego (CDG) da que ofrecerá outras dúas funcións na fin de semana (sábado 10 ás 20.30 h e domingo 11 ás 18.00 h). Teatro, música en vivo e danza únense para dar forma a unha montaxe que, partindo do cine como metáfora da memoria e da memoria como teatro do vivido, xira arredor duns personaxes que se debaten entre a obsesión por recordar e a importancia de esquecer.
O CONSELLEIRO DE CULTURA E TURISMO, ROBERTO VARELA, PRESENTOU HOXE ESTA INICIATIVA COMA O "TRABALLO DE FONDO IMPRESCINDIBLE PARA A VERDADEIRA DIFUSIÓN MUSICAL"
A Orquestra da Escola de Altos Estudos Musicais estrea en concerto 7 obras compostas por alumnos do centro
[05/04/2010] A orquestra de alumnos da Escola de Altos Estudos Musicais (EAEM), baixo a dirección de Maximino Zumalave, ofrecerá este mércores 7 de abril en Santiago un concerto para a estrea absoluta de sete obras orixinais asinadas polos participantes no curso bianual de composición impartido polo mestre Antón García Abril. O conselleiro de Cultura e Turismo, Roberto Varela asistiu hoxe a parte dos ensaios preparatorios para o recital e presentou esta iniciativa como "un traballo de fondo imprescindible para a verdadeira difusión musical".
TRÁTASE DA PRIMEIRA CONVOCATORIA DO TOTAL DE SEIS QUE CONFORMARÁN ESTE ANO A LIÑA DE SUBVENCIÓNS AO SECTOR POR UN IMPORTE TOTAL DE 7,1 MILLÓNS DE EUROS
A AGADIC apoia con 200.000 euros a produción de curtametraxes e de videoclips a través do programa de axudas ao audiovisual
[01/04/2010] A Consellería de Cultura e Turismo acaba de convocar as subvencións anuais á produción de curtametraxes e de videoclips por un importe total de 200.000 euros no marco da súa liña de axudas ao audiovisual galego, que por segundo ano consecutivo xestiona a través da Axencia Galega das Industrias Culturais (AGADIC). Esta é a primeira do total de seis convocatorias que conformarán en 2010 o programa de apoio económico ao sector cun orzamento global que ascende a 7,1 millóns de euros.
O APARTADO DESTINADO Á ACTIVIDADE ESCÉNICA ESTABLECE UN NOVO CRITERIO DE CLASIFICACIÓN DOS ESPECTÁCULOS SUBVENCIONABLES REFERENTE AO FORMATO DAS PRODUCIÓNS
A AGADIC convoca as axudas ás industrias culturais 2010 por un importe total de 2.290.000 euros
[31/03/2010] A Axencia Galega das Industrias Culturais (AGADIC) da Consellería de Cultura e Turismo destina un importe global máximo de 2.290.000 euros á súa convocatoria anual de axudas ás industrias culturais galegas, que en 2010 incorpora unha sétima liña de apoio dirixida á mellora técnica dos estudios de gravación. Entre as novidades deste ano, cómpre destacar así mesmo a nova clasificación das subvencións á actividade escénica en función do formato dos espectáculos (número de artistas en escena), no canto de por xéneros artísticos, ademais da referencia específica á produción de traballos discográficos.
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 Ver novas anteriores