AGADIC

Xunta de Galicia. Consellería de Cultura e TurismoAGADIC

Noticias

UNHA OCUPACIÓN DO 80 POR CENTO E OS ESPECTADORES EN PÉ REFLICTEN A BOA ACOLLIDA QUE A PEZA TIVO NAS FUNCIÓNS OFRECIDAS NAS CIDADES DE RABAT E TETUÁN

"Giseliña", do Centro Coreográfico Galego, obtén un gran éxito de público en Marrocos

[27/03/2009] Giseliña, a nova produción do Centro Coreográfico Galego (CCG) que conta co patrocinio da Fundación Cidade da Cultura, asinada por Cisco Aznar, obtivo un importante éxito de público nas dúas funcións que ofreceu esta semana nas cidades marroquís de Rabat e Tetuán, rexistrando en ambos casos unha ocupación do 80 por cento do aforo. A través dun acordo co Instituto Cervantes, a entidade da Consellaría de Cultura actuou onte no Teatro Español de Tetuán, un dos máis importantes da cidade, e o pasado martes na capital de Marrocos no marco da 1ª Bienal de Teatro Internacional, na que están a participar compañías de Francia, Suíza, España, Italia, Alxeria, Tunisia, Arabia Saudí, Palestina, Xeorxia e Turquía.

A PEZA CREADA POLA COMPAÑÍA O RETRETE DE DORIAN GRAY, INTEGRADA POR MARCOS PTT CARBALLIDO E EZRA MORENO, COMBINA TEATRO VISUAL, FÍSICO E MANIPULACIÓN DE GLOBOS

Inaugúrase o plan de coproducións 2009 do CDG coa estrea en Murcia do espectáculo "Rúa Aire"

[27/03/2009] O Teatro Villa de Molina da localidade murciana de Molina de Segura acolle este domingo 29 ás 12.00 horas a estrea de Rúa Aire, unha peza para público infantil realizada por O Retrete de Dorian Gray en coprodución co Centro Dramático Galego (CDG). Con esta proposta, a compañía pública inaugura o seu plan de coproducións para 2009, no que tamén se insiren os espectáculos Eco de Iván Marcos; Delimvois, do grupo portugués Teatro Oficina a partir dun texto do Premio Nacional de Literatura Dramática Rubén Ruibal, e Wake Up de Nut Teatro.

ESTAS FUNCIÓNS DA PEZA CREADA POR CISCO AZNAR CELÉBRANSE EN VIRTUDE DUN ACORDO CO INSTITUTO CERVANTES, QUE ABRANGUE UNHA TERCEIRA ACTUACIÓN EN AMÁN (XORDANIA) EN ABRIL

O Centro Coreográfico Galego viaxa a Marrocos para presentar "Giseliña" nas cidades de Rabat e Tetuán Documento anexo

[23/03/2009] O Centro Coreográfico Galego (CCG) presenta mañá 24 de marzo ás 20.00 h no Teatro Mohamed V de Rabat e o xoves día 26 ás 19.00 h no Teatro Español de Tetuán o seu espectáculo Giseliña, que conta co patrocinio da Fundación Cidade da Cultura e que dirixiu o coreógrafo catalán asentado en Suíza Cisco Aznar. As dúas funcións que terán lugar en Marrocos son posibles a través dun acordo acadado co Instituto Cervantes, do Goberno de España, para a difusión da danza actual no ámbito internacional. No mesmo acordo insírese unha terceira representación da peza en Amán (Xordania) o vindeiro 27 de abril.

A PEZA PRESENTARASE O SÁBADO 21 ÁS 21.00 HORAS NO AUDITORIO MUNICIPAL

O CCG presenta en Cangas 'Giseliña' de Cisco Aznar

[18/03/2009] O Centro Coreográfico Galego (CCG) presenta Giseliña o sábado 21 de marzo ás 21.00 horas no Auditorio Municipal de Cangas, as entradas estarán a venda no despacho de billetes deste espazo cultural o mesmo día da función en horario de 18.30 a 20.30 horas e os días previos á función no teléfono 902 504 500 ou a través da web www.servinova.com.

A nova produción do CCG, que conta co patrocinio da Fundación Cidade da Cultura, está dirixida polo coreógrafo Cisco Aznar e coproducida xunto ao teatro La Laboral de Xixón e o Centro Párraga de Murcia. Giseliña, que se estreou o pasado 7 de marzo no teatro Rosalia Castro da Coruña, poderá verse en distintos teatros galegos, viaxará a outros escenarios da xeografía española e se exhibira tamén en Marrocos (nas cidades de Rabat e Tetuán) e Xordania (en Amann).

Giseliña constitúe a terceira produción da historia do CCG. Despois de Vacuo de Maruxa Salas e Kiosco das almas perdidas de Roberto Oliván, a proposta que protagoniza a temporada 2009 chega da man do creador catalán asentado en Suíza Cisco Aznar, quen asina unha adaptación moi libre e poética do ballet clásico Giselle que ao tempo se inspira en figuras da tradición popular galega relacionada coa morte e o sobrenatural, como son as meigas ou a Santa Compaña.

Así, as willis, noivas que morreron virxes e de noite abandonaban a morte para facer bailar os homes até que estes finaban, substitúense aquí por bruxas, do mesmo xeito que o bosque muda en mar e na súa influencia no carácter galego.

A ARTE E A MORTE

Crítica de 'Giseliña' por Claudia Galhós

[18/03/2009] «Cando nos volveremos ver? Cando, o sabor terroso dos teus labios, virá rozar de novo a ansiedade do meu espírito? A terra é coma unha refolada de labios mortais. A vida socávanos fronte ao abismo de todos os aloumiños que nos faltaran».

As palabras son de Artaud, do libro A Arte e a Morte, mais poderían ser debuxos escritos coa pulsión vital do desmaio que acomete os corpos transformados de Giseliña, a nova produción do Centro Coreográfico Galego, asinada polo catalán, asentado en Suíza, Cisco Aznar. É esta unha aproximación persoal, a través dun imaxinario plástico e decadente, dese ballet clásico que é Giselle, obra estreada en París en 1841, en dous actos, coreografada por Jean Coralli e Jules Perrot, con libreto de Théophile Gautier e Vernoy de St. Georges e música de Adolphe Adam.

Anteriores  1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150  151  152  153  154  155  156  157  158  159  160  161  162  163  164  165  166  167  168  169  170  171  172  173  174  175  176  177  178  179  180  181  182  183  184  185  186  187  188  189  190  191  192  193  194  195  196  197  198  199  200  201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  226  227  228  229  230  231  232  233  234  235  236  237  238  239  240  241  242  243  244  245  246  247  248  249  250  251  252  253  254  255  256  257  258  259  260  261  262  263  264  265 Ver novas anteriores

Escolle o apartado que máis che interesa clicando nas celas: