Axencia Galega das Industrias Culturais
Noticias
AS CITAS CELEBRARANSE MAÑÁ DÍA 2 EN PORTOMARÍN, O DÍA 4 EN SARRIA, O 7 EN TRIACASTELA E O 9 NO CEBREIRO
O ciclo "Camiños en danza" do Centro Coreográfico entra na recta final con catro actuacións en setembro
[01/09/2010] O ciclo "Camiños en danza" do Centro Coreográfico Galego chega ao seu fin este mes de setembro con catro presentacións nas localidades lucenses de Portomarín, Sarria, Triacastela e O Cebreiro, últimos destinos deste programa de difusión da danza actual galega mediante a escenificación de accións e improvisacións coreográficas a partir do espectáculo Etheria, a viaxe soñada. A Agadic (Axencia Galega das Industrias Culturais) e o Xacobeo 2010 colaboran nesta iniciativa que se vén desenvolvendo dende o pasado mes de xullo en emprazamentos ao aire libre e de tránsito público de localidades emprazadas nalgunha das rutas de peregrinación a Compostela.
MAÑÁ ÁBRESE O PRAZO DE INSCRICIÓN PARA ESTE ENCONTRO INTENSIVO, QUE SE DESENVOLVERÁ DO 27 AO 30 DE SETEMBRO EN SESIÓNS DE SETE HORAS DIARIAS
O CDG organiza no Salón Teatro un curso sobre Shakespeare para actores a cargo de Alfredo Padilla 
[31/08/2010] O Centro Dramático Galego (CDG) organiza o Curso sobre Shakespeare que Alfredo Padilla, actor arxentino afincado en Galicia, impartirá do 27 ao 30 de setembro no Salón Teatro de Santiago de Compostela. Especialista en teatro shakespeariano pola Royal Academy of Dramatic Art de Londres, Padilla desenvolverá cos alumnos as potencialidades creativas arredor da obra do gran dramaturgo inglés, tendo en conta o estilo, o xogo dramático e o contorno no que se desenvolve o actor.
A ENTIDADE DA CONSELLERÍA DE CULTURA INVISTE MÁIS DE 650.000 EUROS NA PROGRAMACIÓN QUE SE DESENVOLVERÁ DE SETEMBRO A DECEMBRO EN 86 SALAS E TEATROS DE TODA GALICIA
A Agadic apoia a realización de 572 funcións ata final de ano a través das súas tres redes de distribución
[27/08/2010] Os tres circuítos de distribución de espectáculos que a Consellería de Cultura e Turismo promove a través da Agadic (Axencia Galega das Industrias Culturais) acollerán entre os meses de setembro e decembro un total de 572 funcións de teatro, música, danza e maxia, das que 345 corresponden á Rede Galega de Teatros e Auditorios (RGTA), 85 á Rede Galega de Salas (RGS) e 142 á Rede Galega de Música ao Vivo (RGMV).
A ENTIDADE DA CONSELLERÍA DE CULTURA APOIA 38 PRODUTORAS INDEPENDENTES PARA A REALIZACIÓN DE 13 LONGAS, 23 DOCUMENTAIS E 7 PELÍCULAS PARA TELEVISIÓN
O audiovisual galego recibe preto de cinco millóns de euros en axudas da Agadic para a produción de 43 longametraxes e documentais
[26/08/2010] A Axencia Galega das Industrias Culturais (Agadic) acordou a adxudicación dun total de 4.980.000 euros en axudas a un total de 38 empresas audiovisuais galegas para a realización de 43 producións e coproducións, das que 13 corresponden a longametraxes cinematográficas, 7 a películas para televisión e 23 a documentais de creación e difusión. A entidade da Consellería de Cultura e Turismo completa así a resolución das súas principais liñas de subvención ao audiovisual galego, ao que destina un total de 7.060.000 euros a través das seis modalidades convocadas este ano.
O CONSELLEIRO DE CULTURA PRESENTA A MERCEDES SUÁREZ COMO NOVA DIRECTORA DO CCG, QUE BUSCA ESTENDER O SEU TRABALLO AOS DIFERENTES XÉNEROS NO ÁMBITO DA DANZA
O Centro Coreográfico Galego inicia unha nova etapa apostando pola distribución continuada e o apoio á formación
[24/08/2010] O conselleiro de Cultura e Turismo, Roberto Varela Fariña, presentou hoxe a Mercedes Suárez como nova directora do Centro Coreográfico Galego (CCG), entidade que inicia unha nova etapa buscando estender a súa actividade aos diferentes xéneros dentro da danza, así como unha maior proxección exterior do seu traballo e o reforzo do ámbito formativo. Neste acto avanzáronse, asemade, as que serán as principais liñas de traballo da coreógrafa coruñesa á fronte desta unidade integrada na estrutura da Agadic (Axencia Galega das Industrias Culturais).
Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 Ver novas anteriores