- Rede Galega de Teatros e Auditorios
- Rede Galega de Musica ao Vivo
- Rede Galega de Salas
- Feria Galega das Artes Escénicas
- Axencia Audiovisual Galega
- Centro Coreográfico Galego
- Centro Dramático Galego
- Escola de Altos Estudos Musicais
Seccións de Especialización e Formación Permanente
O plano de estudos da Escola xira en torno a dous departamentos independentes, aínda que complementarios nos seus obxectivos. Son as seccións de Especialización e de Formación permanente.Sección de Especialización
Unha media de 40 estudantes recibe clases nesta sección, que ten como prioridade impartir una formación concreta dirixida á especialización dos alumnos que, cos seus estudos de conservatorio xa finalizados ou cun acreditado dominio instrumental, teñan vocación de se converter en profesionais.Os alumnos son seleccionados cada ano a través dunha convocatoria de audicións para cubrir as prazas vacantes nas doc e especialidades impartidas, sempre en función das proporcións orquestrais.
A graduación na Escola supón a superación de dous cursos lectivos, prorrogables a tres de xeito excepcional. Durante este período, os estudantes asisten a sesións individuais, de música de cámara, de práctica orquestral e a clases teóricas, ademais de participar en diferentes sesións maxistrais e encontros a cargo de profesionais de prestixio en áreas tales como a pedagoxía do instrumentos, a música do século XX, técnicas de relaxación, concentración e actuación, que poden abrirse a músicos e estudantes alleos ao centro a criterio da Comisión Técnica.
Este programa formativo contempla igualmente a celebración de concertos públicos protagonizados polos alumnos, ben como intérpretes solistas, ben en conxuntos de cámara ou como membros da Orquestra da Escola de Altos Estudos Musicais. Neste sentido, a consolidación desta orquestra de alumnos é unha das apostas do centro, a través do deseño dun programa de xiras e concertos baixo a batuta de recoñecidos directores, que previamente realizan un importante traballo cos estudantes nas sesións de práctica orquestral.
A Escola dispón dunha lista de espera conformada por aqueles músicos que, sen obteren praza como alumnos activos, demostraron un bo nivel nas audicións. Os integrantes da lista poden ser chamados para cubrir posibles vacantes, ademais de estar convidados a participar como alumnos oíntes en todas actividades organizadas polo centro, que amplía así o seu labor educativo.
Sección de Formación permanente
A súa prioridade é completar e actualizar os coñecementos dos profesionais da música, así como realizar un labor de promoción e difusión para favorecer a comprensión musical a todos os niveis. O seu traballo materialízase na organización de diferentes encontros e cursos concretos, dirixidos tanto a estudantes como a profesionais.
Alumnos da EAEM, nunha das súas clases
Novas
ESTREA O 8 DE XANEIRO NO SALÓN TEATRO
O Centro Dramático Galego inicia os ensaios de ‘Memorias dun neno labrego’ baixo a dirección de Cándido Pazó 
[27/11/2025] O director Cándido Pazó traballa xa co elenco e o resto do equipo de Memorias dun neno labrego na primeira fase dos ensaios da próxima produción do Centro Dramático Galego, coa que a compañía da Xunta de Galicia lembrará a figura de Xosé Neira Vilas no décimo aniversario do seu pasamento. Faino levando ás táboas xunto á compañía Contraproducións unha nova versión teatral desta obra referencial da literatura galega, que poderá verse no Salón Teatro de Santiago de Compostela do 8 de xaneiro ao 25 de xaneiro de 2026.
CINCO ESTREAS EN GALICIA
A Xunta patrocina o encontro de ‘Circo D10!’, que cumpre unha década con espectáculos, formación e encontros profesionais
[21/11/2025] A 10ª edición do Encontro de Formación e Innovación en Circo D10! celebrarase do 23 de novembro ao 2 de decembro con distintas actividades de capacitación e intercambio profesional, así como unha carteleira de espectáculos que lle amosarán ao público a versatilidade e variedade desta disciplina escénica. Santiago de Compostela e Pontevedra acollerán o programa deseñado para o décimo aniversario desta iniciativa pola compañía Pistacatro, que contou co patrocinio da Xunta de Galicia para a súa organización.
EN DECEMBRO EN LISBOA E SANTIAGO
O Centro Dramático Galego coproduce en Portugal o espectáculo ‘José Afonso, ao vivo nos Coliseus, 1983’ que se estrea no Porto
[05/11/2025] O Teatro Municipal do Porto (Portugal) acolle este venres na súa sede do Rivoli a estrea da coprodución José Afonso, ao vivo nos Coliseus, 1983, na que participa o Centro Dramático Galego, a unidade teatral da Xunta, xunto a outras catro institucións culturais do país veciño. A montaxe, inspirada nos concertos de despedida do icónico cantautor portugués, poderá verse no Porto os días 7 e 8 de novembro e en Lisboa do 11 ao 13 de decembro, antes de poñer rumbo cara a Galicia para o pase que ofrecerá no Salón Teatro de Santiago de Compostela o día 16 dese mes en colaboración co Instituto Camões de Vigo.