AGADIC: Carteleira

CDG Obras: Shakespeare en Roma (Coriolano, Xulio César, Antonio e Cleopatra, e Tito Andrónico)

A partir de textos de William Shakespeare
Rui Madeira, director de Coriolano | María Barcala e Xúlio Lago, directores de Xulio César | Sara Rey, directora de Antonio e Cleopatra | Quico Cadaval, director de Tito Andrónico

Shakespeare é una figura da dramaturxia universal que todo teatro público ten o deber de revisitar e incluir cada certo tempo no seu repertorio.

Na súa prolífica obra achegouse en catro ocasións ao mundo clásico cos textos, Tito Andrónico (1594), Xulio César (1599), Antonio e Cleopatra (1607) e Coroliano (1609). Catro pezas nas que o autor sitúa a acción no Imperio Romano para, desde o seu tempo, reflexionar sobre o poder.

O espectáculo Shakespeare en Roma nace como una oportunidade para unir tres momentos da historia: o presente, o periodo Isabelino e a Roma Clásica através da guerra, a violencia e a loita polo poder que guían o destino dos personaxes.

Catro directores e directoras porán en escena versións destiladas das catro pezas a través do ollar de catro dramaturgos e dramaturgas. Versións condensadas en 35 minutos cos que compartir co público de hoxe a reescrita dos textos Shakespearianos co foco posto nalgunha das personaxes secundarias presentes nos orixinais.

As catro pezas poranse en escena en no Salón Nobre de Fonseca da Universidade de Santiago de Compostela para achegar ao público ao ambiente isabelino no que se escribiron os orixinais. Un xogo escénico no que oito intérpretes darán vida ás diferentes personaxes nunha posta en escena de proximidade. O teatro no aquí e agora, a copresenza no espazo de público e intérpretes fitándose ollo no ollo.