Axencia Galega das Industrias Culturais

MÉRCORES DE VARANDA: Concerto de Susana Seivane

CENTENARIO SALÓN TEATRO 1920—2020

Fondo de Proxectos Culturais Xacobeo 2021

O CDG celebra o centenario do Salón Teatro de Santiago co programa musical Mércores de varanda, que ofrecerá oito concertos de artistas e grupos galegos para conmemorar o centenario da inauguración deste edificio da rúa Nova compostelá, onde a unidade de produción teatral da Xunta de Galicia ten a súa sede desde 1999.

Susana Seivane erixiuse -neste período de confinamento- como a nosa mellor embaixadora cultural por mérito propio, acadando cotas de difusión sen precedentes.

Nesta ocasión Susana interpretará pezas vencelladas ao noso patrimonio musical, prestando especial atención á relación entre os temas e o lugar escollido para o concerto.

7 de outubro
/// 20.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: A entrada será gratuíta, previa retirada no despacho de billetes do Salón Teatro desde dúas horas antes do inicio das actuacións e ata completar a capacidade, que nestes momentos está restrinxida a 60 persoas de acordo coas medidas de control sanitario vixentes na cidade. Etiqueta Sanitaria para asistir ao Salón Teatro.